a36.1Lm 3.18
b36.5Iba 57.10, 108.4
c36.7Lud 2.12, Iba 17.8, 31.19, 91.4
d36.8Yob 20.17, Iba 16.11, Mo 22.1
e36.9Yar 2.13, Yo 4.10, 4.14, 1 Pi 2.9

Psalms 36

Wali agalime mana ko biaganego ogo

Mana kome mini kowi karunaga bu miniha bi lamiaga. a 
Mana ko biaga karume Ngode Datagaliwabehondo gi nahaga howa
erembira mialu yo handaga ka.
Ko biaga uruni tigua mine howa tini lalu,
I̱ duniniore mbirago kogoni, laga ka.
Ngode Datagaliwabehanda tigua ko biyaru handa walia halu
dabaki nabulebiralo manda biaga ka.
Horo bibahendengi ogoni ale biaga karume
mana ko bulenenaga bi mo tene howa
ke̱ halu bi laabo haga ka.
Mana bayale bulenenaga mini bayale mbira tiha nawiore kagoni ndobe.
Dagiani u paluwa mana ko bulenenaga
miniha mitangitangi bialu paliaga ka.
Tigua mana ko bulenego bibe manga nahaga howa
ko bulene ngagoha haabo haga ka.

Ngode Datagaliwabenaga mana bayale ngago ogo

Anduane Homogo-o í̠naga gubalini haabo holene emene ndoore b 
hari daliga elahe wu kegoni.
Í̠naga mini bilinahe ngego timbuni yangale howa
hari mindini elahe wu kegoni.
Í̠naga mini tigabi timbuniore ngego
dindi hari ngaru bolanguahe ngegoni.
Í̠naga mana tigabiore mo dabaki haga ngegobi
ina kamarume manda biai habe nahe kama.
Ogoni iba solowara uli unuraore ngaligobi nge.
Anduane Homogo-o í̠nime wali agalibi
ema bialu piaga bedarubi nogo tara tarabi
handayaho hai haga kegoni.

Ngode Datagaliwabe-o í̠naga gubalini haabo holene baya buruguleore ngegoni c 
i̱ hame timbuni lo ko.
Í̠ ogonibi kego wali agali bu karu tanabi ti í̠ni kegoha kaware ibiragola
ega angibuninaga babaganeme igini dambiho paliagadagua
í̠na ti dambiho haga kegoni.
Í̠ andaga tomo dewa bu payabu ngegome d 
wali agali tomo garibi nale haga ka.
Í̠naga turu holene iba bayale timbuni duguaragobi ngego
wali agalime nelo miaga kegoni.
Ina bibahendenaga holene tene Anduaneore í̠ kegoni. e 
Í̠ni wá taraore holene Anduane kegome
í̠niha howa ina wá bayaleore de hondo kamagoni larama.

10 Wali agali í̠ mandabi karu
í̠na ti gubalini ho haabo habe.
Wali agali mini tigabi karu ti bayale haabo helo
í̠nime ti biamogo bialu habe.
11 Agali mine haga bu karume
i̱ bo hengedope holani handabe.
Mini kowi bu karume i̱ bo batagi holani handabe.

12 Agali ko biaga biaru ebere pilo ngaruni de handa.
Ti lone heyabe naheore ngagoni.
Copyright information for `HUI