a60.1-122 Sml 8.13, 1 Bit 18.12
b60.4Ais 5.26, 11.10-12
d60.11Iba 118.8, 146.3

Psalms 60

Ngode Datagaliwabehanda pele milo bi lenego ogo

Ngode Datagaliwabe-o í̠na ina bo taliatagi halu a 
inanaga waitigime bo podahana helo
yu wahai harigoni ndobe.
Í̠na inahondo keba timbuniore ho harigonigo
áyu ina kamagoha abale dai bialu ina pele ngibe.
Í̠na inanaga dindi wiago mo dumbirumbi bia halu
gai buki bilalu dindi hadene biyagola
uli timbuni wupe helarigoni.
Ai áyu dindi mo ko hai habehe ngago
í̠na lone motiga bibe.
Í̠naga wali agali bu kamaru
í̠nime genda timbuniore mo ngidegoni.
Í̠nawaini iba timbuni hambu ngidegola no howa
ina luluyu ibagabu haradagua bidamagoni ndobe.
Wali agali í̠ni andaneha karume waitigi ibira handala b 
ti abale í̠ni kegoha hole ibilo walia holenaga
í̠na hagua delagadagua delalu walia harigoni.
Í̠na ina gubalini timbuni ho haga kegonigo bayale hai holoma̱ya
i̱naga bi larogo hale habe.
Í̠naga hongo timbuni ho kegome ina pele ngibe laro.

Ngode Datagaliwabehanda ibuni andaga howa lalu,
I̱na wai bialu bo podahana hai halu wayali harugo
Segeme dindibi Sugodo dindiha dindi ulini bugubugu wuyu pedarubi
dindi uruni i̱naga wali agaliru ti helo
i̱na ti tuwu ta hai holebero.
Gileada dindibi Manase dindibi i̱ninagaore nga.
Eberaimi ibu i̱naga ege manda ale nga.
Yuda ibu kininaga haru haga gewa ale nga.
Moaba dindi i̱naga wayawaya bulene ndisibe ale wialu
Idomo dindi i̱nagaore ngo lalu i̱na i̱naga ge su golowa
dindi ogoriani ba amu holebero.
I̱na Pilidialiru balu wayali howa
turu halu ga̱ lalu harogoni, laya.

Ngode Datagaliwabe-o ege pabe hongohe bu mabubi tano ngagoha
i̱ aiwa haru anda polobadabe.
Idomo dindiha i̱ aiwa haru polobadabe.
10 Ngode Datagaliwabe í̠na ina erembira ngiribe.
Í̠na inanaga ami agali karu biamogo nabuleorebe.
11 Agalinaga hongome ina biamogo bulene nakarulapego d 
iname waitigi bu karu baba wai buluma̱ya
í̠nioreme ina biamogo bibe.
12 Ngode Datagaliwabe ibu ina heba kayagua nde
iname wai bialu wayali holeberema.
Ibunime waitigi karu bope hai holebira.
Copyright information for `HUI