a61.2Iba 18.2, 42.6, 77.3, 94.22
b61.3Min 18.10
c61.4Iba 17.8, 27.4, 91.4
d61.8Iba 56.12

Psalms 61

Ngode Datagaliwabehanda handayaho helonaga bi lenego ogo

Ngode Datagaliwabe-o i̱na í̠ olarogo hale habe.
I̱na bi larogo baya hangu hale habe.
I̱ dindi kaundiaha pu koria a 
i̱naga miniha genda timbuni yu kogo
í̠na i̱ biamogo bibelonaga í̠ olalu kogoni.
Waitigi bu karume i̱ bo wanahelo
i̱ ha do holiya bayuwa haru pu helabe.
Í̠nime i̱ handayaho haga kegonigo ani bibe laro. b 
Í̠ i̱naga wai pabe hongoheore kego
waitigirume ibalu i̱ bo wanaholebira.

Í̠naga anda kegoha i̱ bayale haabo halu homolene c 
hame timbuni lo kogoni.
Ega bawali iginime ti angibuni babaganeha bayale bira do hagadagua
i̱ í̠ni andaneha bayale holene hamelo kogoni.
Ngode Datagaliwabe-o i̱na í̠hondo ogoale bule lalu lowigi birugo bibahende
í̠ hale hai harigoni.
Wali agali í̠naga mini yaraga haga karuhondo migi biaga birilidagua
í̠na i̱bi karulape ngiaga kegoni.

Kini ibu dindini tubagi helo ndo mali dewaore helo helabe.
Ibu dindini luore helo helabe.
Ngode Datagaliwabe-o kini ibu í̠naga deni luore haabo helo helabe.
Í̠na gubaliniore ho haabo haga kegome
ibu baya hangu handayaho haabo habe.

I̱na bamba í̠hondo ogoale buleore lalu bi lowirugo damene d 
horo bibahendengi i̱na talialu bialu
í̠naga mini yaraga halu iba ganaru lalu haabo holebero.
Copyright information for `HUI