a13.1Dan 7.2-3, 7.7, Mo 12.3, 17.3, 17.7-12
b13.2Dan 7.4-6, Mo 12.4, 12.9, 16.10
c13.3Mo 13.12-14, 17.8
d13.4Mo 18.18
e13.5Mo 11.2, 12.6
f13.5-6Dan 7.8, 7.25, 11.36
g13.6Mo 12.12
h13.7Dan 7.21, Mo 11.7, 11.18, 12.17, 17.15
i13.8Har 32.32, Iba 69.28, Dan 12.1, Pb 4.3, Mo 3.5, 5.6, 17.8, 20.12-15, 21.27
j13.10Ais 33.1, Yar 15.2, 43.11, Md 26.52, Mo 14.12
k13.11Mo 11.7
l13.13Man 13.1-3, 1 Kin 18.24-39, 2 Kin 1.10-12, Md 24.24, 2 Te 2.9
m13.14Man 13.1, 13.4, 2 Te 2.9-10, Mo 12.9, 19.20
n13.15Dan 3.4-6, Mo 16.2, 19.20, 20.4
o13.16Mo 14.9, 19.20, 20.4
p13.17Mo 14.9-11, 15.2, 16.2, 19.20, 20.4
q13.18Mo 15.2, 17.9, 21.17

Revelation of John 13

Nogo tara kiranaga te ogo

I̱na ani handaya ho wiwaria dege nogo tara mbira iba solowaraha howa tagira ibiyaria handaru. Nogo gabua gibi ogoni ibu haguane kariahebi haguaneni ne gayane pirahebi hea. Ne gayane pira hearu mbira mbirani haru haga manda emene karulowabi haguane karia hearu mbira mbirani mini Ngode Datagaliwabe mege bialu gilibu wiaria handaru. a  Nogo tara o biago ibu budi gabua ale timbuni mini lebadi handalehebi ibunaga ge biango gabua ale timbuni mini beanaga ge handalehebi ibunaga ne hariga budi gabua ale timbuni mini laiononaga ne hariga handalehe hea.Abagua ale biagome ibuninaga hongo mialu ibunaga haru haga biragane dagiabi haru holenenaga hongo gibiorebi nogo tara o biagohondo miya. b  Nogo tara ogoninaga haguane biaru mbirago homelo beneyago dabi ho hea. Wali agali bibahende dindini bu hearume mogolo hondowa nogo tara ogoni piyadagua haruru piya. c  Abagua ale biagome ibu haru holenenaga hongo nogo gabua gibi biagohondo miyago hondowa wali agali bibahendeme ibuhondo bi pupu wialu haya. Tigua nogo gabua gibi biagohondobi bi pupu wialu lalu, Nogo gabua gibi ogobi ai kabe. Ibu baba wai bibehe ai kabe, lalu lene. d 

Nogo gabua gibi ogonime mine howa Ngode Datagaliwabe mege bialu bi lelowa Ngode Datagaliwabe ibugua nogo gabua gibi biagohondo ibu haru holenenaga hongo ege pira mariani kira (42) yu helo henge miya. e, f  Ani miyagola nogo tara ogoni ibugua Ngode Datagaliwabebi ibunaga minibi ibu haga wiagobi dahuliya andagani hearubi bibahendeore ha howa mege bialu hea. g  Nogo gabua gibi ogonime Ngode Datagaliwabenaga wali agali hearu baba wai bialu ti bo hana helo helene. Ibugua hameigini tara tara hearubi wali agali dindi tara tarani bu hearubi bi tara tara laga hearubi tingini tara tara hearubi bibahende haru hai helo henge miya. h  Dindi wa nabi howa wali agali haabo holene yu holebirarunaga mini mbugani gilibu ngaru heba wali agali bibahende dindini karu tinaga mini gili bimaga nahe tigua nogo gabua gibi ogoni mitangi bialu mo dunini ho helolebira. Mbuga ogoni Nogo Sibi Igini balu homelayago ibunaga nga. i 

Anigo tí halehe kamiyagua nde hale haramine. 10 Maru minu yalu pelo lowini karu minu yalu puore bulebira. Maru wai biagane tibume homelo belo lowini karu wai biagane tibu ogonime baore bulebira. Ani bulebiragonaga Ngode Datagaliwabenaga wali agali karu mini bilinahe ha ho wiaabo holenebi mini mbiraore wu holenebi nga. j 

11 Ani handa ho wiwaria dege nogo gabua gibi mende dindiha howa tagira ibiyaria handaru. Nogo gabua gibi mende ogoni ibu haguaneni ne gayane kira nogo sibi igininaga ne gayane handalehe howa biabagua ale biagome bi laradagua layago hale haru. k  12 Nogo gabua gibi mende ogonime nogo gabua gibi mbira biagonaga haru holenenaga hongo gibiore yu heagoria howa yu haya. Ani yu howa ibugua dindi bibahendebi wali agali bibahende karubi nogo gabua gibi mbira bene dabi hayagohondo bi pupu wilo mo wia haya. 13 Nogo gabua gibi mende ogonime agalime nabiagane aleru bialu hari daligaha howa wali agali dindini bu hearu hendeaore ira hungu biaore ibira haya. l  14 Nogo gabua gibi mende ogonime nogo gabua gibi mbira biago heagoria agalime nabiagane aleru bilo bilayagome wali agali dindini bu hearu mo hondo haya. Nogo gabua gibi mende ogoni ibugua wali agali biaruhondo, Nogo gabua gibi mbira wai biagane ayu tibu biagome bene dabi hayago ibuni kagobi mbira bi pupu wulenenaga wa bidaba, lalu lamiya. m  15 Ani layadagoni bi pupu wulenaga wabiyago ibugua bi lelobi wali agali ibuhondo bi pupu nawirago homelo belobi nogo gabua gibi mende biago ibugua nogo gabua gibi ala ibiyago ibuni kagobi mbirale wabu wiyago ibuha buhe̱ pula anda helo helene. n  16 Nogo gabua gibi mende biagome wali agali emene timbunirubi homogo yagibanorubi garabaya biabe ale bia hagarubi bia nahagarubi bibahende gi tiganiyaguabi wanakuiniyaguabi magi wilo hongo halu mo wia haya. o  17 Ani biyago wali agali magi ogoni helayaru hangume yolo bialu mulenebi yolo ngilo mulenebi bibehe haya. Magi ogoni nogo gabua gibi mendegonaga miniyaguabi mini ogoninaga dagayaguabi nga. p 

18 Ogoni manda bule lowa mini gigabiwi holene nga. Daga ogoni agalinaga mini walia ho ngago mbirali miniwiore kagome nogo gabua gibi mende biagonaga daga galone mo mini manda bibehe holebira. Daga ogoni handari waragariani pira waragariani waragaria (666) nga. q 

Copyright information for `HUI