a18.1Ese 43.2, Mo 17.1
b18.2Ais 13.21, 14.23, 21.9, 34.11, Yar 50.39, 51.8, Mo 14.8
c18.3Ais 23.17, 47.15, Yar 51.7, Mo 14.8, 17.2, 18.11, 18.15
d18.4Ais 48.20, Yar 50.8, 51.6, 51.45, 2 Ko 6.17
e18.5Pig 18.20-21, Yar 51.9, Mo 16.19
f18.6Iba 137.8, Yar 50.15, 50.29, 51.24, 51.49, 2 Te 1.6, Mo 14.10, 16.19
g18.7-8Ais 47.7-9
h18.8Yar 50.34, Mo 11.17, 17.16, 18.10
i18.9Yar 50.46, Ese 27.30-35, Mo 17.2, 18.3, 18.18, 19.3
j18.9-10Ese 26.16-17
k18.10Ais 21.9, Dan 4.30, Mo 14.8, 18.17-19
l18.11Ese 27.31, 27.36
m18.12Mo 17.4
n18.12-13Ese 27.12-13, 27.22
o18.15Ese 27.31, 27.36
p18.16Mo 17.4
q18.17Ais 23.14, Ese 27.26-30
r18.18Ese 27.32, Mo 13.4
s18.191 Sml 4.12, Ese 27.30-34
t18.20Man 32.43, Ais 44.23, Yar 51.48
u18.21Yar 51.63-64, Ese 26.21, Mo 12.8, 16.20
v18.22Ais 24.8, Yar 25.10, Ese 26.13
w18.23Ais 23.8, 47.9, Yar 16.9, 33.11, Nah 3.4, Mo 17.2, 17.5
x18.24Yar 51.49, Md 23.35, Mo 17.6

Revelation of John 18

Babilono podo ibira henego ogo

Ani langiyagola handalu hewaria dahuliyali mende dahuliya andagaha howa dalialu hearia handaru. Ibu haru holene hongo timbuniore yu howa ibunaga wá holeneme dindi bibahendeore wá hagimbu biya. a  Ibugua bi dalimu laraga halu lalu, Podo ibira haya. Babilono mini lene timbuni biago podo ibira hayaore. Ani biyagoriani áyu dama damene tara tara koore karu ibuha haame ho ka. Ega ko bibahende ta nabi ogoriani biru nga. b  Ani bidagoni wali agali dindi tara tarani bu hearume ibunagawaini iba nalu hene. Waini iba hongohe ogoni wali agalime dimagoli tara halu kayu yulenaga wini. Dindini kinirume ibu baba kayu yaga bialu haya. Ibunaga dimagoli gibiore holeneme dindini biyanaya biaga agaliru tigua tini mo homogo haya, lalu layago hale haru. c 

Ogoni hondowa hale halu hewaria bi mende dahuliya andaga howa lalu, d 

I̱naga wali agaliru-o tagira ibidaba.
Tígua ibunaga ko bulene ngagoha nahe
ibunaga pani nolene ngagoha nahe ibuha howa tagira ibai hadaba.
Irane ibunaga mana ko buleneru wima iri iri bialu hari daliga wia iri haradagua bidago e 
Ngode Datagaliwabehanda ibunaga mana ko bulene uruni embeda nahe mitangi bu ka.
Ibugua tíhondo biyadagua tígua nde ogonidagua dege bia dai bidaba. f 
Ibugua bibahende biyagonaga halu ki bia dai bidaba.
Ibugua waini iba hongohe tí nalimulo manda manda bu wiyagonaga
tíguabi ibu nelo waini iba hongo gibiorehe manda manda buwa ibunaga beha to̱lo bereladaba.
Ibugua ibuninaga wá holenebi dindi dabudabu au lolebe tobahebi mo mogo bu wiyadaguaore g 
tígua ibuhondo tandaga nolenebi genda holenebi mo midaba.
Irane ibugua ibunihondo laabo halu lalu,
I̱ kuini wali bayale bedo.
I̱ wali dalo ndo bedo.
I̱ genda holene mbira manda nabiore birulebero, lalu beda.
Ibugua o layadagoninaga horo mbiru hanguni bolene hongoherume ibu bolebira. h 
Bolene hongo uruni warago tara tarabi genda holenebi hina gari polenebi nga.
Ogoni ibu dabagane Anduane Homogo Ngode Datagaliwabe ibu hongo gibiorehe ka.
Ani bidagonaga irame Babilono dai holebira,
layago hale haru.

Dindi bibahendenaga kini ibu baba kayu yulenebi dimagoli holenebi bialu hayarume Babilono daragonaga hagua hungu biraru hondowa dugu yiyi lalu bulebira. i, j  10 Tigua ibu heba tandaga namaga holene gi howa ti amura kaundiaha holebira. Ani howa tigua lalu, Daraore abida dara gibiore auda. Babilono tano mini lene timbuni gibiore hayago bame emene tigi mbira tomo dawa duguabehe hanguni pani miyada, lalu laga. k 

11 Dindini biyinaya biaga agali hearumebi Babilono mitangi bialu hame lowa dugu biagago irane tinaga dabudabu yolo mulene wiaru henge nawiore wiya. l  12 Tinaga ngolo silibabi to̱le̱ tara tara baya gibiorebi mbirale minipealo muni dewa miagarubi tinaga aga labolabo baya tara tararu peleorebi tagalitayabi darama biale bialehebi ira tara tararu ngabibi nogo tara timbuni mini elebeninaga ne gayaneme wabinirubi ira yolo timbuni miagarubi ege to̱le̱ boronosime wabinirubi aeaneme wabinirubi to̱le̱ tara mini mabolome wabinirubi m, n  13 tomo mo dende bia hagane mini sinimonobi sibaisibi mondoro palena alebi mbirale hagua ngabilo delagane miniinisenesibi ira mbiranaga ibane minimuwebi mbirale ira wagaya ngabiorerubi nolenenaga waini ibarubi welirubi balawarubi widirubi nogo bulumagarubi sibirubi hosirubi nogo hosirume gili lagane garo mini karisirubi garabaya biabe ale biagarubi wali agalirubi uruni bibahendeore yolo namibeheyagola biyinaya biaga biarume hame lowa dugu biya. 14 Biyinaya biaga urunime Babilonohondo lalu, Mbirale dabudabu bibahende í̠na wua harigo damene ereba hai haya. Ani bialu í̠naga homogo holene damene biarubi yári yári biarubi pu ereba hayago lone handa walia naholebere, laga ka. 15 Dindini biyinaya biaga agali tano ogoriani howa biyinaya bialu homogo hayarume ibu heba tandaga namaga holene gi howa amura kaundiaha holebira. Ani howa tigua hame lowa dugu bialu o  16 lalu, Tano mini lene ogoni daraore abida dara gibiore auda. Ibu aga labolabo baya tara tararu peleorebi tagalitayaorebi darama biale bialehebi karulalu yári dewa ngolome wabinirubi to̱le̱ tara tara muni dewame minirubi mbirale mini pealo muni dewame minirubi ibunini biame haya. p  17 Ani buwa emene tigi mbira tomo dawalu duguabehe hanguni homogo holene uruni bibahende wahaiore haya, lalu laya. q 

Iba sibi hondo haga hearubi wali agali yolo buwa berearubi iba sibi yaga hearubi iba sibini howa yolo biabe biaga bibahende hearubi amura kaundia howa
18 ibu daragonaga hagua hungu biyaru hondowa bi hongo howa laraga halu lalu, Tano mini lene timbuni ogonibi mende nawiore, laya. r  19 Ani lalu tinaga haguaneni be abalu dugua ba daga halu ibu hame lowa dugu bialu lalu, Tano mini lene timbuni ogoni daraore abida dara gibiore auda. Iba sibi anduane iba sibi biabe solowarani bialu karu tano ogoriani bu wiarume ti mo homogo haya. Ani buwa emene tigi mbira tomo dawalu duguabehe hanguni homogo holene uruni bibahendeore wahaiore haya, laya. s 

20 Babilono bo mundu layagonaga dahuliya andaga kamirume turu hadaba. Ngode Datagaliwabenaga wali agalirumebiabosolorumebi Ngode Datagaliwabe manalatagi hagarumebi turu hai hadaba. Irane tíhondo biaga biago ibu Ngode Datagaliwabehanda pani tiga tiga mulene wiadagua miya. t 

21 Dahuliyali hongo gibiheore mbirame to̱le̱ timbuni mo yaraga howa iba solowaraha bape halu lalu, O bape harogonidagua tano mini lene timbuni Babilono biagobi bope halu mani lone handabe naheore holebira. u  22 Babilono í̠ha ga̱wa̱ ale timbuni laraligobi wali agalime bi laraligobi pilipe laraligobi mbelo biguli laraligobi mani lone hale naholebiraore. Biabe tara tara bu manda buwa biagaru í̠ha karia mani lone nahondolebiraore. Ani bialu balawa wabiaganaga widi lini dambiagane to̱le̱me bi larago mani lone hale naholebiraore. v  23 Í̠ha lamu halenaga wá karia mani lone nahondolebiraore. Ani bialu wandarirubi wandari uruni dabu biagarubi tigua dabu bialu howa bi larago mani lone nahale holebiraore. Dindi bibahendeni biyinaya biaga karu aria í̠naga biyinaya biaga agalirume ti bolangua howa hongoheore hea. Ani biago í̠na ke̱ howa gamu gamu tara tara birigome wali agali dindi bibahendeni hearu mo hondo hari, lalu layago hale haru. w 

24 Ngode Datagaliwabe mana latagi haga hearunaga darama Ngode Datagaliwabenaga wali agali hearunaga daramabi dindini howa wali agali bo wahayaru bibahendenaga darama Babilonoha wiaria handa walia hayagonaga Babilono pani miya. x 

Copyright information for `HUI