a15.1Lm 14.1, Ga 6.1
b15.2Lm 14.19, 1 Ko 9.19, 9.22, 10.24, 10.33, 13.5, Pb 2.4-5
c15.3Iba 69.9, Md 26.39, Yo 5.30, 6.38
d15.4Lm 4.23-24, 1 Ko 9.9-10, 10.11, 2 Ti 3.16-17
e15.5Lm 12.16, 1 Ko 1.10, 9.9-10, Pb 3.16
f15.6Ab 4.24, 4.32
g15.7Lm 5.2, 14.1-3
h15.8Md 15.24-25, Ab 3.25-26, 2 Ko 1.20
i15.92 Sml 22.50, Iba 18.49, Yo 10.16, Ab 3.25, Lm 9.23, 11.30
j15.10Man 32.43
k15.11Iba 117.1
l15.12Ais 11.1, 11.10, Mo 5.5, 22.16
m15.13Lm 12.12, 14.17
n15.141 Ko 8.1, 8.7, 8.10, 2 Pi 1.12, 1 Yo 2.21
o15.16Lm 1.5, 11.13, 12.3, Ga 2.7-9, Pb 2.17
p15.18-19Ab 19.18, 2 Ko 3.5, 12.12
q15.202 Ko 10.15-16
r15.21Ais 53.15
s15.22Lm 1.13
t15.241 Ko 16.6
u15.25Ab 19.21, 20.22, 24.17
v15.25-261 Ko 16.1-4
w15.26Ab 24.17, 2 Ko 8.1, 9.2, 9.12
x15.27Lm 9.4, 11.17, 1 Ko 9.11, Ga 6.6
y15.29Lm 1.11
z15.302 Ko 1.11, Pb 2.1, Kl 4.3, 4.12, 2 Te 3.1

Romans 15

Iname wali agali maru ala mitangi bulene ngago ogo

Ina Ngode Datagaliwabehondo mini mbiraore hongo howa wu kamarume maru mini mbiraore hongo nahe wu karunaga genda yidago yamogo bulene nga. Inane hangunaga hame ledamago mitangi biaabo holene nawi. a  Ani nabi ina hamene mbaliniru bayale helonagabi Ngode Datagaliwabehondo mini mbiraore wu howa hongo ho helonagabi ti mini elahe helo iname mo hongo holene nga. b  Keriso ibugua ibuni hame leadagua nabiaga hene. Ani nabi henegonaga Anduane Homogonagambugani bi lo ngago ogo, Wali agali karume í̠hondo mege bialu bi laragoni i̱ni ibira ho nga, lalu gilibu nga. c  Ina mini dunubia ho holene yu holoma̱ya Anduane Homogonaga mbugani bi bibahende ala gilibu ngagome ina ema nabi howa hibu lalu holenebi ina mini elahe helo mo hongo holenebi inahondo lawai holenaga nga. d  Tígua Keriso Yasu ibugua bialu hayadagua bialu howa ema nabi hibu lalu holene tenebi mini elahe helo mo hongo holene tenebi Ngode Datagaliwabe ibu kago ibugua tínaga mini mo mbiraore hai helo hameledo. e  Ani buwa tí bibahende mandagi mini mo mbiraore howa tígua Ngode Datagaliwabe ibu inanaga Anduane Homogo Yasu Keriso Aba kago manda bialu ibunaga mini yaraga haabo halu holene nga. f 

Bi Mana Debene Yu wali agali hangu ndo wali agali tara tarabi laminigo ogo

Wali agalime Ngode Datagaliwabe mini yaraga helo Keriso ibugua tí ibu heba hami̱ya ibidaba lalu yamiyadagua tíguabi nde tíni Keriso aria kamiru hami̱ya ibidaba lalu ya migimigi bilimu. g  I̱na bi langerogo ogo. Ngode Datagaliwabe ibu mini bilinahe ka walia halu Keriso ibu Yu wali agalinaga biabe bia haga hene. Ibugua ani bia haga howa Ngode Datagaliwabehanda Yu wali agalinaga mamali heneruhondo, Bulebero, lalu, Ngulebero, lalu bi lowinigo lola helobi ani bini. h  Ani bialu Yu wali agali hangu ndo tara tara hearu Ngode Datagaliwabehanda tihondo dara howa biamogo biyagonaga tigua Ngode Datagaliwabe mini yaraga helobi Keriso ibugua ani bini. Anduane Homogonagambugani lo ngadagua ogo. i 

Yu wali agali ndo tara tara karu kagoha howa i̱na ka̱i̱ lalu í̠naga mini yaraga holebero.
I̱na í̠naga mini yaraga halu í̠hondo iba gana lolebero,
lalu gilibu nga.
10 Bi mendebi lo ngago ogo, j 

Yu wali agali ndo tara tara kamiru aibe. Tígua Ngode Datagaliwabenaga wali agali ibugua dabene karu heba turu ha gimbu bu halimu,
lalu gilibu nga.
11 Bi tebonebi lo ngago ogo, k 

Yu wali agali ndo tara tara kamiru aibe. Tígua Anduane Homogo mini yaraga ho halimu.
Wali agali bibahendeoreme ibunaga mini yaraga hai halimu,
lalu gilibu nga.
12 Aisaia ibuguabi bi lo ngago ogo, l 

Agali mini Yasi ibunaga aguanene mbira ibulebira.
Ibugua Yu wali agali ndo tara tara karu haru helo Ngode Datagaliwabehanda mo helolebira.
Ibiragola tigua ibuha mini dunubia ho holebira,
lalu bi uruni gilibu nga.

13 Mini dunubia ho holene tene Ngode Datagaliwabe kago ibugua turu holenebi mo palia holenebi tígua ibuhondo mini mbiraore wu kamigome tíha to̱lai helo hameledo. Irane Ngode Datagaliwabe Dinininaga hongome tíha howa tínaga mini dunubia ho holene anda hai helonaga ogoni hame ledogoni. m 

Polohanda gi nahe elahe howa bi gilibu winigonaga irane ogo

14 I̱ hamene mbaliniru-o i̱ni manda bialu bayale bulenebi mana bayale tara tara bulenebi bibahende tíha to̱lai ho kamigo tínime karulape lawai hagahaga bibehe kamilo manda bido. n  15 Ani kami tiraga i̱na beba ogoni gilibu werogoni mana mbira mbira bulene tí mo mitangi bia halu gi nahe elahe howa gilibu wero. I̱ Keriso Yasunaga biabe bia haga howa Yu wali agali ndo tara tara karunaga biabe bia holiya Ngode Datagaliwabehanda biabe baya gibi ogoni i̱hondo ngiya. Irane ogoninaga i̱ gi nahe elahe howa gilibu wero. I̱naloma binigo mo miaga agalime biabe biagadagua bialu howa Ngode Datagaliwabenaga Bi Mana Debene lamialu kogoni irane ogo. Yu wali agali ndo tara tara karu Ngode Datagaliwabe Dinini ibugua ti Ngode Datagaliwabenaga helo loma bia halu ibugua yamibeheore karulape helonaga i̱na Bi Mana Debene lamialu kogoni. o  17 I̱ Keriso Yasuha ho gimbu bu howa Ngode Datagaliwabenaga biabe bia harogonaga i̱ turu habehe kogoni. 18 Yu wali agali ndo tara tara karume Ngode Datagaliwabehanda bia laradagua bilo haru holiyanaga Kerisohanda i̱ha howa biyago te ogoninaga dege i̱na gi nahe elahe howa langero. I̱na bi larugobi biabe birugobi agalime nabiagane ale birugobi nahendene ale bialu Ngode Datagaliwabe Dinininaga hongome ogoni bibahende bima ibirugo Keriso i̱ha howa ani bini. Anigo i̱na Yarusaleme howa Kerisonaga Bi Mana Debene lamima pu gimbu bialu Ilirigama dindi lamima anda pirugoni. p  20 Kerisohanda biyagonaga mana wali agali ala hale nahe karu karia puwa Bi Mana Debene lamulene i̱na hameore lo wiaabo harugoni. Agali mendealime biabe ala binigoria i̱ bia aribia howa karulo nahole manda buwa ani bule hamelo haru. q  21 Anduane Homogonagambugani lo ngadagua ogo, r 

Ibugua biyagonaga te ala nalamini karume hondolebira.
Ibunaga bi nahale hene karume manda bulebira,
lalu gilibu nga.

Polohanda Lomo pole manda manda binigo ogo

22 Irane ogonigo i̱na tí kamiria dewa halu ibua ho hewaria dege ibulene henge nawiya. s  23 Ai áyu i̱na dindi orahayagi biabe biai halu tí kamiria mali dewani ibua ho haabo harugo 24 ai áyu ogoni ibule manda bialu kogoni. I̱ Sebena dindi pialu howa tí mo bila hole hamelo ko. Tí heba turu howa nenege halu i̱ Sebena poliyanaga tígua i̱ biamogo bilimulo mitangi bu ko. t  25 Áyu ogoni nde i̱na Ngode Datagaliwabenaga wali agali Yarusalemeni karu biamogo bulenaga mo yalu ti karia pole ko. u, v  26 Keriso hameigini Masedoniani karubi Agaiani karubi tigua mini mbiraore howa Ngode Datagaliwabenaga wali agali yagibano Yarusalemeni karu dara howa biamogo bule lowa, Iname tihondo muni mimi̱ya, lenego ogoninaga pole ko. w  27 Ani bulene manda binigo nde tigua yagibano uruni biamogo bulene dano ho harimada manda buwa bini. Yu wali agalime dinininaga turu holene wali agali tara tara karu lamialu biamogo binigo ai wali agali tara tara karume Yu wali agali dindini holenaga turu holeneme ti biamogo bulene nga. x  28 Muni ogoni tigua i̱hondo wia hayago i̱na yalu pialu Keriso hameigini Yarusalemeni karuhondo mialu biabe ogoni biai halu i̱ Sebena pole pialu howa tí kamiria nenege ibalu polebero. 29 Ani bialu i̱na tí kamiria ibalu Kerisonaga turu holene i̱hondo talebu ngiyago i̱ha to̱lotagi howa ibuleberogo manda bido. y 

30 I̱ hamene mbaliniru-o tíhondo bi hongo howa larogo inanaga Anduane Homogo Yasu Kerisobi Ngode Datagaliwabe Dinini ibugua gubalini holene ngiyagobi mitangi buwa tígua i̱ heba mini mbiraore howa Ngode Datagaliwabehondo i̱naga bi la haabo hami̱ya laro. z  31 Yudiani wali agali Ngode Datagaliwabehondo mini mbiraore nawi karume i̱ nabelobi i̱na Yarusalemeni howa Ngode Datagaliwabenaga wali agali karu biamogo bule biabe buleberogome mo turu helobi ogoninaga Ngode Datagaliwabehondo la haabo hami̱ya. 32 Ani buwa Ngode Datagaliwabehanda hame ledayagua i̱ha turu holene to̱lai howa tí kamiria nenege eberogola tígua i̱naga mini mo hongo holeberami. 33 Inanaga mo palia holene tene Ngode Datagaliwabe kago ibu tí bibahende heba haabo helo hamelo ko. Aniore bilo laro.

Copyright information for `HUI