a7.21 Ko 7.39
b7.3Md 5.32
c7.4Lm 6.2, 6.11, 8.2, Ga 2.19, 5.22, Kl 2.14
d7.5Lm 6.13, 6.21, Ga 5.19, Ya 1.15
e7.6Lm 2.29, 6.4, 8.2, 2 Ko 3.6
f7.7Har 20.17, Man 5.21, Ab 20.33
g7.8Lm 4.15, 5.20, 1 Ko 15.56
h7.9Ya 1.15
i7.10LBM 18.5, Ese 20.11-13, 20.21, Lm 10.5, 2 Ko 3.7
j7.11Pig 3.13, Hi 3.13
k7.12Iba 19.8, 119.138, 1 Ti 1.8
l7.13Lm 5.20
m7.14Iba 51.5, Yo 3.6
n7.15Ga 5.17
o7.18Pig 6.5, 8.21
p7.22Iba 1.2, 2 Ko 4.16, Eb 3.16
q7.23Lm 6.13, 6.19, Ga 5.17, Ya 4.1, 1 Pi 2.11
r7.25Lm 6.13, 6.19, 1 Ko 15.57, Ga 5.17

Romans 7

Dabu bulene teme mana walia kago ogo

I̱ hamene mbaliniru-o tígua mana lo ngaru manda bu kamigo i̱na mana áyu langerogo manda buleberamiore. Mbirali ibu dindini kataginaga dege mana lo ngarume ibu haru howa bulene ogo nga nabulene ogo nga lalu walia haga. Ogoni ogodagua wali mbira agali one biruwa ibu agalini nahome kangi ibu agalinila biraabo helo mana lo ngagome wali biago dariba howa ibu agalinila berelaga. Ai ibu agalini homayagua mana lo ngagome ibu dariba hayago golope haragola wali biago hibaria biraga. a  Anigo wali ogonime ibu agalini nahome helowa agali mendela pu bedayagua wali ogoni ibu agali kayu biaga beda. Ai ibu agalini homeneyagua wali hibaria biruwa ibu agali mende piyagua o karulape birulebira. b  I̱ hamene mbaliniru-o tíbi ogonidagua dege kami. TíguaMana lowini ngagohondo tí homene ale howa Keriso ibunaga tingini aria kami. Ani howa áyu ina Ngode Datagaliwabenaga biabe galone bialu holoma̱ya Ngode Datagaliwabehanda Keriso mo heya hayago tí ibunaga kami. c  Anigo inanaga mini ala tawe ngamagome ina haru hayangi Mana lowini ngagome inaha howa ina ko buluma̱ya mo buahe haya. Ani mo buahe hayagola ina homolenenaga biabe bialu harima. d  Mana lowini ngagome ala ina dariba henego áyu Ngode Datagaliwabehanda ina golope hai hayagola Mana ogoni lo ngagohondo homene ale kama. Mana ala tawe gilibu wini wiagonaga bialu harimago áyu nabi mana gahenge bialu kamago Ngode Datagaliwabe Dinini ibugua mo bia halu kagoni. e 

Mana lowini ngagome ko ngago mo walia haga ngago ogo

Anigo agua manda bibehe kamabe.Mana lowini ngago ibuni koda manda bibehe kamabe. Ani manda bibe naheore. Mana lowini ngagome ko ogo ale nga lalu i̱ mo manda bia hene. Mana lowini ngagome lalu, Mendealinaga mbirale ngago dimagoli nahabe, ledago nalo winidale i̱ dimagoli holene ogoni manda nabi kole. f  Dimagoli nahabe, lalu lo wiagoha henge wiaria handa walia howa ko buleneme i̱ha mbirale tara tara dimagoli holiya mo hamela haya. Mana nalo wiangi ko bulenego ibu hongo nahe homene ale wini. g  Mana lo wiagome bulene ogo nga nabulene ogo nga lalu nalo wiaha howa i̱ dére hagadagua haabo haru. Ai bulene ogo nga nabulene ogo nga lalu lowini wiago lo manda birugola ko buleneme i̱ha hongo halu heyaya. h  10 Ani hongo howa i̱ bo home laya. Ani buwa bulene ogo nga nabulene ogo nga lalu mana lowini wiagome holene gahenge ngiagagome i̱ bo home laya. i  11 Bulene ogo nga nabulene ogo nga lalu lowini wiagoha ko buleneme henge wiaria handa walia howa i̱ mo hondo halu bo home laya. j 

12 Mana lowini ngago Ngode Datagaliwabehanda lowinigome debeneore nga. Bulene ogo nga nabulene ogo nga lalu lowiago Ngode Datagaliwabehanda lowinigome debeneorebi tigabibi bayalebi nga. k  13 Anigo mana bayale ogonime i̱ bo home layabe. Ani labe naheore. Ko buleneme i̱ bo home laya. Wali agalime ko ogo aleoreda manda bilo ko buleneme mana bayale ogoniha howa i̱ bo home laya. Anigo bulene ogo nga nabulene ogo nga lalu lowini wiagome ko ibu koorene ko nga lalu mo walia haga nga. l 

Inaha kirali wai bialu kago ogo

14 Mana lowini ngago tene Ngode Datagaliwabe howa longago manda bu kama. Ani manda buwa i̱ agali mini kowi kogoni howa ko bulene ngagome i̱ dariba kagola howa kome bia laradagua biruli. m  15 Ani biruligo ogo ale bero manda nabi howa biruli. I̱na bua birago manda bidogo nabiruli i̱ hame naledogo bu aribia haruli. n  16 I̱na nabuabi ngago beroangi Mana lowini ngago tigabi nga manda bido lalu walia haruli. 17 Ani biruligo ogoni i̱nime ndo biruli mini ko i̱ha ngagome biaga. 18 i̱naga mini ala taweha mbirale mbira bayale nawigo manda bu ko. Bayale bua kogo howa bibe nahe kogoni. o  19 Bayale bua kogo nabiruli ko i̱ nabuabi ngago bu aribia haruli. 20 Mbira nabuabi ngago biruyagua i̱na ndo mini ko i̱ha ngagome biaga.

21 Anigo bulene mbira i̱ha ngago handa walia ko. Bayale bua kogoni howa ko bulene hangu dabaabo haruli. 22 Ngode Datagaliwabenaga mana lowini ngago mitangi bialu i̱ bu habaneha turu biaga. p  23 Bulene tara mende i̱ha ngaria hendedo. Bulene ogonime i̱ minime hame ledagonaga bulene ogonila wai biaga ka. Bulene tara mende ogonime ko bulene i̱ha biabe bialu kagome i̱ dariba helo mo dariba haga. q  24 Ai i̱ agali turu naheore kogoni. I̱ dongone áyu kogo homolene ngagoria haru porago napoliya aiwa pele ngibehe kabe. 25 Ngode Datagaliwabehanda Anduane Homogo Yasu Kerisoha howa pele ngulebirago ibuhondo turu halu ka̱i̱ lalu ko. r 

Anigo i̱ ogobi ko. I̱nime i̱naga miniha mitangi hangume Ngode Datagaliwabenaga mana lowini ngago mitangi bibehe howa i̱naga mini ala taweme ko bulene hangunaga biabe bialu kogoni.

Copyright information for `HUI