a2.11 Ti 1.10, 6.3, 2 Ti 1.13, Ta 1.9
b2.31 Ti 3.11, 2 Ti 2.9-10, 1 Pi 3.3-4
c2.5Eb 5.22, Kl 3.18, 1 Ti 2.11, 6.1, 1 Pi 3.1, 3.5
d2.7Eb 6.24, 1 Ti 4.12, 1 Pi 5.3
e2.81 Ti 6.3, 2 Ti 3.14, 1 Pi 2.12, 2.15
f2.91 Ti 6.1-2
g2.10Md 5.16, Pb 2.15, Ta 1.3
h2.11Yo 1.9, Lm 5.15, 1 Pi 5.12
i2.12Lm 6.19, Eb 1.4, Kl 1.22, 1 Te 4.7, 1 Yo 2.16
j2.131 Ko 1.7, Pb 3.20, Kl 3.4, Hi 9.28, 1 Yo 3.2
k2.14Har 19.5, Man 4.20, 7.6, 14.2, Iba 130.8, Ese 37.23, Ga 1.4, 1 Pi 2.9
l2.151 Ti 4.12, 2 Ti 4.2

Titus 2

Wali agali wahe howa bulene nga lenego ogo

Í̠na Ngode Datagaliwabe bi mana henene lowini ngago bayuwa lawai halu habe. a  Agali waheruhondo ogodagua lawai habe. Bayuwa mitangi bialubi mini wialubi mini haru halubi Yasuhondo mini mbiraore henene wiaabo ha gubalini ha hibu laabo halubi ani bialu holene nga, lalu lamigi bialu habe. Wali waheruhondobi nde bi ogodagua lalu lawai habe. Diburibu lalu nalagabiwaini ibame mini mo dariba nahelobi Ngode Datagaliwabehanda hame ledadagua bialu birulene nga. Tigua mana bayale biawai halu b  wali daliaherume tinaga agalinibi waneiginibi gubalini holene nga. Ti mini haru helobi mini gahenge wilobi andaga bayuwa hondo berelobi agalinime bi larago mo wa nahelobi ani bigi bilo lawai holene nga. Ani bialu bedayagua maru karume, Ngode Datagaliwabe mana ko nakarulapeda, lolene henge nawulebira. c 

Agali daliaherume bulene nga lenego ogo

Agali daliaheruhondo, Mini haru holene nga, lalu ogodagua lamibe. Í̠nime mbirale bibahende berego bialu howa mana bayale berego marume hendelo biawai halu habe. Mana lawai halu howa í̠ mini bilinahebi tigabibi habe. d  Í̠ baba waitigi ho karume í̠ gurulene henge handa walia nahelo bi galone hangu lamialu habe. Tigua ina guralu bi ko lolene henge handa walia nahe howa taga pani nolebira. e 

Garabaya biabe ale bia haganaga bulene nga lenego ogo

Garabaya biabe ale biahaga karume tinaga anduane mo turu halu tigua bia laradagua bialu bi la dai nabi howa bibahende biai holene nga. f  10 Ti anduanenaga mbirale ngago kayu nabi howa bayale hangu biaabo halu mini bilinahe karia marume hondowa inanaga Pele Ngiaga Ngode Datagaliwabe mana, Bayaleoreda, lelo biawai halu howa walia habe. g 

11 Ngode Datagaliwabehanda wali agali bibahende pele mulene yu helo ibunaga biamogo bia holene walia hene. h  12 Ngode Datagaliwabehondo, Mangaba, lalu erembira mialu ko bibahende bulenebi waholoma̱ya biamogo bia holene ogonime ina biawai haga. Mini haru holenebi tigabi holenebi Ngode Datagaliwabe mo tene holenebi dindini kamago howa ina ani bialu holoma̱ya biamogo biaholene ogonime ina biawai haga. i  13 Ina dindini ani bialu howa inanaga Yasu Keriso ibu Ngode Datagaliwabe timbuni howa Pele Ngiaga kago ibunaga wá taraore holene hapani helo hondo kama. Horo turubi ogoni hondole mini dunubia ho kama. j  14 Ina ko bulene wiagoria hemaria pele ngialu golope holebi ibunaga wali agali dege howa bayale bulene hame lalu ina mini gahengewi hangu holoma̱yabi ibugua ani homo aribia hene. k 

15 Mana ogoni wali agalihondo lawai halu habe. Ani lawai halu howa mini mo hongo halubi talialubi ani bigi bialu lolene ngadagua Ngode Datagaliwabenaga hongoni howa lalu habe. Wali agalime í̠ mo yo hendelo nabialu habe. l 

Copyright information for `HUI