Revelation of John 15

ENSEL SƗLA VƗLI KAVLE NDA SƗLA VƗLI KWUTAA LƗNDI

Nyinangwupmba la nat nɨma vat vɨwun. Ensel sɨla vɨli kavle nda kwutaa lɨndi. Wan kavle nda sɨla vɨli ndu nyan kat vatnya lɨnja nda. Wan kavle ndana angwa Godna kimbut maawut. Wan kavle vat ndi kat yandɨ maa Godna kimbut maawut ngɨlɨgiyandɨ.

Nyingi ngu vla lɨga nda kat vɨwun. Ya vɨtɨga glas vla lɨndɨ. Nat nɨma sakwat nɨmba nyingi nguna tɨvagawimba laataa lɨndi. Ndi tamba kwapɨ nda kat kwulatndi. Ndɨna kait kat ana kwunatndi. Ndɨna sɨ ndina mbangɨmba ana pɨlɨwutndi. Ndi laataa God ndi kat kwiya gita kwutaa lɨndi. Tamba la nyan Moses Godna njɨvwa nyan pɨlɨwukna mbangu kwundi vɨga walɨndi. Mat sip sip kat yelavɨka walɨndi.

  • Mɨn apma nɨma njɨvwa kwutɨmɨn.
  • Mɨn njambwi nyan mɨn. Mɨn God mɨn. Mɨn kwonduo
  • lɨga nyan mɨn.
  • Njɨmbla njɨmbla njambwi kingat tɨgiyamɨn.
  • Mɨn kat aywaa vaaka lɨgandi. Aywaa mɨna sɨ kwutaa
  • katsogiyandi.
  • Mɨn njambwi nyan mɨn.
  • Mɨn apma vat mɨn yiga yetɨ lɨgamɨn. yetɨma vak vla
  • nat nyan wupma ana yetɨgiyandɨ.
  • Wama nyaangɨt kak kiyandɨ maa aywaa wuka lɨgandi.
  • Wutaa kava kava lɨga nɨmba yalaa mɨna sɨ kwutaa
  • katsogiyandi waa walɨndi.
  • Wandi maa nyinangwupmba lɨga God tɨga ngay lavwindi maa vɨwun. Wan ngay selmba kwutnja ngaya. Lavwindi maa wan ngaymba lɨga ensel sɨla vɨli ngaymba lɨga wogwendi. Ndi kɨta kɨta ndu nyan kat vatnya lɨga wogwendi. Ndi kɨta kɨta ndu nyan kat vatnya lɨga aw kwutaa lɨndi. Ndi sɨvla mbundɨ sawun mbangɨ waavwi kwusola lɨndi. Ndina mawlavamba golmba mbangɨ waavwi kwusola lɨndi. Ndina mawlavamba golmba kwutnja let sɨta lɨdni. Wan ayat ndana kɨta nda ensel sɨla vɨli kwutnja awmba Godna nyingi maawut tɨga vat awmba naangandɨ. Wan naanganda Godna nyingi maawut tɨga vat mat vat ana ndɨ. Ndɨ naɨmbla njɨmbla tɨlɨga nyana. Naangandɨ maa Godna kwondu yagɨmbi vla wokega Godna ngaymba wan yagɨmbi wuleindɨ. Wan yagɨmbi ngay wuleiga taata lɨndɨ, ndinyangu wulei vak vla ana lɨndɨ. Wundi sɨla vɨli ensel kwuta lɨnja kavle vat aywaa ngɨlɨndɨ maa ndi wuleigiyandi.

    Copyright information for `IAN