Ezekiel 2

Esekiel 2:1-5

Anutu täŋo meni jinom yäŋahäwani kubä

Täŋpäkaŋ Yawetä ŋode näwetkuk;

Äma täŋo nanak, gäk akuŋpäŋ iriri man kubä gäwerayäŋ yäk.
Ude näweränä Munapiktä näk magätpäŋ yäpmäŋ päŋaku nepmaŋpän käroŋ itkaŋ Anututä man ŋode yäŋirän nadäŋkut; Äma täŋo nanak, Isrel äbotken gäwera api kwen. Äbot uwä peŋawäk täŋpanitä mäde ut namiŋkuŋ. Ämawebe apiŋo itkaŋ u äbekiye oraniyetä man bitnäk täŋ yäpmäŋ äbuŋo udegän ärowani pen täŋ namik täkaŋ. Uwä gwäki kehäromi, manna nämoinik buramik täkaŋ. Unita Ekäni Yawe ärowani näkä man gäwerayäŋ täyat udegän kaŋ yäwet yäk.

Täŋpäkaŋ uwä äbot ärowaniinik unita yäweriri nadäŋpäŋ nämo käwep api nadäŋ gamineŋo upäŋkaŋ ŋode api nadäwä tumneŋ; Profet bureni kubätä bämopninken itkaŋ man niwetkuk yäŋ api nadäneŋ.

Copyright information for `IOU