Isaiah 12

Aisaia 12:1-6

Bänep täga kap

a  Kadäni kubä ahäwayäŋ täyak uken Isrel äbottä kap ŋode api teneŋ;

Yawe, nin ganiŋ oretkamäŋ. Imata, gäk kokwawak nadäŋ nimiŋkuno upäŋkaŋ u peŋpäŋ bänepnin täŋpidäm taŋ nimiŋiri täga itkamäŋ.
b  Unita bureni nadäŋpäŋ yäŋahäkamäŋ; Anutu uwä nimagurani ämanin bureni. U tubeŋ kuŋpäŋ nämo api umuntäne.
Bureni, Yawe unitägän kehäromi nimiŋirän oretoret terakgän it täkamäŋ. Anutu unitägän wakiken nanik nimagut täyak.
c  Anutu uwä ume dapuri paotpaot ikek nämo. Täŋkentäŋ nimän yäŋkaŋ uken kuneŋo uwä naŋkaŋ oretoret taŋi api täneŋ.
d  Täŋpäkaŋ kadäni uken ŋode api yäneŋ;

Oi, ämawebe, Yawe bänep täga man iwetpäŋ täŋkentäkta unitagän gera yäneŋ.
Ude täŋkaŋ päŋku ämawebe komeni komeni Yawetä kudän täk täyak unita biŋam kaŋ yäwerut.
Täŋkaŋ ŋode kaŋ yäwerut; Yawe uwä wäpi biŋam ärowani!
Bureni, imaka säkgämän gäripi nikek Yawetä täk täyak unita yäŋpäŋ iniŋ ubiŋ tewut. Teŋirä unitäŋo wäpi biŋam komeni komeni kudup kuŋ moreton!
Eruk, Saion nanik ämawebe, in oretoret gera terak kap tewut. U imata, Isrel ämawebe intäŋo Anutu kudupi uwä ärowaniinik. Uwä ämawebeniye bämopiken it täyak.
Copyright information for `IOU