Isaiah 57

Aisaia 57:15-21

Anututä ämawebeniye täŋo momi api peŋ yämek

15  a  Anututä ŋode yäyak;

Näk intäjukun ba ärowaniinik api it yäpmäŋ ärowet. Wäpna kudupi mähemi.
Näk kunum punin terak kudupi yotpärareken it täyat upäŋkaŋ ämawebe mominita nadäwä waki täŋpäkaŋ inita nadäwä äpani täk täkaŋ uken bok it täyat.
Näk äma bänepi yäpmäŋ äpani u yäpmäŋ akuk täyat. Ba äma mominita nadäwä waki täŋpani bänepi täŋpidäm tak täyat.
16 Yäŋpäŋ-yebek ba kokwawak man kadäni käroŋita nämo api yäweret. Nämo, ude täŋpayäŋ täro uwä ämawebe irit yämiŋkuro u täŋpewa paotneŋ.

17 Ämawebenaye u moneŋ tuŋumta ämäŋi täktäk unitä momi pähap täŋkuko unita näkä kokwawak pähap nadäŋpäŋ däput. Näk mäde ut yämiŋpäŋ däpuro upäŋkaŋ uwä nämo nadäŋkaŋ ehutpäŋ iniken gärip pen iwatkuŋ.
18 Ude täŋirä yabäk täyat upäŋkaŋ api yäpa täganeŋ. Ude täŋpäŋ yäŋ-yäkŋat päŋku ämawebe butewaki terak kuŋarani u bänepi api täŋpa gapun täneŋ.
19  b  Bureni, äma banken ba tuän it täkaŋ uken kwini bureni api ahäŋ morewek. Täŋkaŋ näkä api yepmaŋpa täganeŋ. Yawe näkŋa ude yäyat.

20 Täŋpäkaŋ äma waki täŋpani uwä gwägutä tokät täyak udewani. U kwikinik täga nämo itneŋ. Nämo, gwägutä okä näbä ba jiraŋ ureŋ päŋku gägäniken pek täyak ude kudän wakiwaki wari täk täkaŋ.
21  c  Unita waki täŋpaniken säkgämän irit nämo api ahäwek. Yawe näkä ude yäyat.
Copyright information for `IOU