Job 38

Jop 38:1-11

Yawetä Jop iwet yabäk täŋkuk

a  Täŋpäkaŋ Yawetä mänit ibäm gänaŋ Jop kowata ŋode iwet yabäŋkuk;

Wa! Gäk äma jidewanitä näkŋo nadäk tawaŋta nadäwätäk täyan? Nadäŋ guŋguŋ täk täyan unita unitäŋo mebäri yäŋahätan?
Unita, gäk äma bureni itan u täŋpäwä akwikaŋ gäwet yabäk täŋira kowata kaŋ näwet.

b  Eruk, gäk de kuŋariri kome pähap täŋo jäwäri peŋkut? Nadäwi tärewäwä kaŋ näwet!
Ba ŋode käwep nadätan? Kome unitäŋo taŋini netätä nadäwän tärewäpäŋ uterakgän täŋpäŋ peŋkuk? Ba netätä käroŋini kawän täreŋkuk?
Ba netätä kome täŋo beki äneŋirän guktä kaŋpäŋ meni kubägän peŋpäŋ kap teŋkuŋ? Ba netätä mobä pähap kome mebäriken peŋirän aŋerotä kaŋpäŋ oretoret terak gera yäŋkuŋ?

c  Ba gwägu pähaptä kome täŋo koki gänaŋ nanik dätpeŋ äbäŋirän netätä äneŋi nämo äpmokta yäma ukätkuk?
Nadätan? Kadäni uken gwägu pähap uwä gubam kubiri kubiripäŋ tektä-yäŋ uwäk täŋkut.
10 Täŋkaŋ gwägu täŋo bagani peŋ yämiŋpäŋ yäma ukät iwatpäŋ täŋ-täpäneŋpäŋ peŋkut.
11 Täŋpäŋä ŋode iwetkut; Ärowani täŋkaŋ tokätpäŋ baga irepmitpeŋ ŋo käda nämo äben yäŋ iwetkut.
Copyright information for `IOU