Zechariah 9

Sekaraia 9:9-12

Bänep kwini mähemi äbätak!

a  Yawetä ŋode yäyak;

Eruk Jerusalem nanik ämawebe, in bumta oretpäŋ oretoret gera yäwut!
Intäjukun ämajin inken äbäŋirän kawut!
U kudän siwoŋi ba ämawebe yäpätägakta kehäromi nikek äbäŋ tamitak.
U bänep kwini täŋpanitä doŋki nanak terak maŋitkaŋ äbätak.
10  b  Unita nadäkot! Iwantä Jerusalem yotpärareken ämik tuŋum inkät ämik pewä ahäkta yäpmäŋ äbuŋo u näkä api pewa paotneŋ. Bureni, ämik täŋo hos, karis ba äpa kuwek u kudup api paotneŋ.
Ude täŋira intäjukun ämajin uwä äma äbori äboriken bänep kwini terak irit täŋo manbiŋam yäŋahäŋpäŋ api yäwerek.
Täŋpäkaŋ kome yabäŋ yäwat täyak u gwägu pähap ŋo kädatä päŋku ban udude pätak ude. Komeni täŋo baga uwä ume wäpi Yufretis u yäput-peŋkaŋä komeni komeni api kuŋ morewek.

11  c  Täŋpäkaŋ Yawetä äneŋi ŋode yäkgän täyak; Juda äma intäŋo orajiyekät topmäk-topmäk kubä täŋkuro u tom däpmäŋkaŋ unitäŋo nägäri terak täŋkehärom täwani.
Topmäk-topmäk unita yäŋpäŋ komi piä, kome kawuki umeni nämo ŋoken nanik pit tamiŋpäŋ taniŋ kireŋpewa api peŋpeŋ kuneŋ.
12 Näk ude täŋkentäŋ tamikta yäŋira bänepjin pidäm täkaŋ unita kome, komi piä täk täkaŋ u peŋpäŋ komejin kujatken äneŋi kuŋkaŋ säkgämän kaŋ irut.
In komi piä taŋi täŋ itkaŋ upäŋkaŋ kowata täga tamayäŋ täyat uwä komi apiŋo nadäkaŋ u irepmitpäŋ kowata säkgämäninik api tamet.
Copyright information for `IOU