Zephaniah 3

Sefanaia 3:14-18

Oretoret täŋo kap kubä

14 Oi Isrel ämawebe, Jerusalem täŋo äperiye, in gera yäŋpäŋ oretoret terak kap tewut. Bänep täga nadäŋpäŋ oretoret bumta-inik täŋput.

15 U imata, Yawetä komi tamiŋ yäpmäŋ äbuko eruk apiŋo nadäŋ tama yäŋpäŋ intäŋo iwan kudup däpmäŋpäŋ yäwat kiretak.
Nadäkaŋ? Isrel täŋo intäjukun äma bureni, Yawe uwä inkät it täyak unita in imaka kubäta wari nämo api umuntäneŋ.
16 Täŋpäkaŋ kadäni uken Jerusalem ämawebe ŋode api yäwetneŋ; Imaka kubäta nämo umuntaŋpäŋ bänepjin nämo pewä putäreneŋ.
17  a  Nämo! Yawe Anutujin inkät itkaŋ kehärominitä täŋkentäŋ tamiŋpäŋ iwan keriken nanik bureni api tämagurek.
Unitä inta gäripi pähap nadäŋ tamiŋpäŋ iritjin api täŋ-kodaktaŋ tamek. Täŋkaŋ inta oretoret täŋpäŋ kap api taniŋ ubiŋ tewek, ämawebetä orekirit kadäniken oretoret täk täkaŋ ude.
18 Täŋpäkaŋ Yawetä ŋode täwetak; Näkä taniŋ kawa taŋpäŋ komejinken äneŋi api yäŋ-täkŋat yäpmäŋ äbet. Ude täŋira iwan iŋamiken mäyäk nadäŋkuŋo u api paorek.

Copyright information for `IOU