Psalms 64

Til söngstjórans. Davíðssálmur. Heyr, ó Guð, raust mína, er ég kveina, varðveit líf mitt fyrir ógnum óvinarins. Skýl mér fyrir bandalagi bófanna, fyrir óaldarflokki illvirkjanna, er hvetja tungur sínar sem sverð, leggja örvar sínar, beiskyrðin, á streng til þess að skjóta í leyni á hinn ráðvanda, skjóta á hann allt í einu, hvergi hræddir. Þeir binda fastmælum með sér ill áform, tala um að leggja leynisnörur, þeir hugsa: ,,Hver ætli sjái það?`` Þeir upphugsa ranglæti: ,,Vér erum tilbúnir, vel ráðin ráð!`` því að hugskot hvers eins og hjarta er fullt véla. Þá lýstur Guð þá með örinni, allt í einu verða þeir sárir, og tunga þeirra verður þeim að falli. Allir þeir er sjá þá, munu hrista höfuðið. 10 Þá mun hver maður óttast og kunngjöra dáðir Guðs og gefa gætur að verkum hans. [ (Psalms 64:11) Hinn réttláti mun gleðjast yfir Drottni og leita hælis hjá honum, og allir hjartahreinir munu sigri hrósa. ]
Copyright information for Icelandic