1 Kings 10

Kwin aŋga Seba kêtu ŋacleŋ gêdêŋ Salomo

Gêdêŋ taŋ kwin aŋga Seba gêŋô Salomonê wae kêpi Apômtaunê ŋaêŋa naŋ, eŋ gêja gebe ênsaê eŋ ŋa kênac ŋawapac ŋagêdô. Eŋ gêô lasê Jerusalem tonê lau taêsam, kamel sêbalaŋ gêŋmalu to gold taêsam ŋanô lasê to pocawa gwalêkiŋ. Ma gêdêŋ taŋ eŋ gêô lasê gêdêŋ Salomo naŋ, eŋ gêjac kênac biŋ samob, taŋ eŋ taê gêjam naŋ. Ma Salomo gêjô ênê kênac samob, gêŋ teŋ kêsiŋ tau gêdêŋ Salomo atom. Eŋ gêwa gêŋ samob sa tomalageŋ gêdêŋ eŋ. Ma gêdêŋ taŋ kwin aŋga Seba gêlic Salomonê kauc samob to andu, taŋ eŋ kêkwê naŋ ma gêŋ taniŋŋa aŋga nê tebo to nê laumata nêŋ ŋadênaŋ ma nê kômwaga nêŋ sakiŋ to nêŋ ŋakwê ma nê lau-sejop-lacluwaga to nê daja, taŋ kêkêŋ kêtu da aŋga Apômtaunê lôm naŋ, eŋ gêŋac lêma ŋanôgeŋ.

Ma eŋ kêsôm gêdêŋ kiŋ tau gebe “Ŋawae taŋ gaŋô aŋga taucŋoc gamêŋ kêtu aômnêm gêŋ to nêm kaucŋa naŋ, biŋŋanô. Mago aê kakêŋ gêwiŋ ŋawae tonaŋ atom e tauc gamêŋ tec taucŋoc matocanô galic. Ôlic acgom, biŋ ŋamakeŋgeŋ tec sêjac miŋ gêdêŋ aê. Mago nêm kauc to awa kêlêlêc ŋawae, taŋ aê gaŋô naŋ su. Aê aoc êôc nêm lauo. Aê aoc êôc nêm sakiŋwaga, taŋ sêkô aôm laŋômnêmŋa to sêŋô nêm kauc ŋapaŋ naŋ. Aê aoc êôc Apômtau, nêm Anôtô, taŋ gêlic aôm ŋajam to kêkêŋ aôm gôŋgôŋ lau Israel nêŋ lêpôŋ kiŋŋa. Gebe Apômtau têtac gêwiŋ Israel gêdêŋ tôŋgeŋ, eŋ kêkêŋ aôm kôtu kiŋ gebe aôm ômêtôc biŋ êndêŋgeŋ.” 10 Go eŋ kêkêŋ gold ŋadôŋ kêtôm 120 gêdêŋ kiŋ to gêŋ ŋamalu taêsam ŋasec ma pocawa. Gêŋmalu taêsam amboac kwin Sebaŋa kêkêŋ gêdêŋ kiŋ Salomo naŋ, sêlic amboac tonaŋ kêtiam atom.

11 Ma Hiram nê waŋ taêsam, taŋ sejoŋ gold aŋga Ofir sêmêŋ naŋ, tetoloŋ ka môsê taêsam ŋanô lasê to pocawa gêmêŋ aŋga Ofir. 12 Ma kiŋ kêmasaŋ ka balaŋ katu Apômtaunê lôm to kiŋnê anduŋa ŋa ka môsê tonaŋ ma gêŋ wêŋa togam kêtu lau-sêjam-wêwagaŋa amboac tonaŋgeŋ. Ka môsê taêsam amboac tonaŋ gêmêŋ gamêŋ tonec teŋ kêtiam atom to sêlic teŋ kêtiam atom e mêŋgêdêŋ galoc.

13 Ma kiŋ Salomo kêkêŋ gêŋ samob, taŋ kwin Sebaŋa têtac gêwiŋ naŋ, gêdêŋ eŋ. Kêkêŋ gêŋ aŋga kiŋ Salomo nê waba taêsamŋa kêtôm sêgôm-sêgôm jagêwiŋ geŋ samob, taŋ eŋ keteŋ naŋ. Go kwin to nê sakiŋwaga sêc sêmu dêdêŋ tauŋ nêŋ gamêŋ sêja.

Salomonê awa to wae

14 Gold taŋ Salomo kêtap sa gedeŋ Jala teŋ naŋ, ŋawapac kêtôm ŋadôŋ goldŋa 666 15 ma gold tonaŋ ŋagêdô gêmêŋ aŋga lau têtulu gêŋwaga to lau bôlêŋŋa, taŋ sêkêŋ takis naŋ, ma ŋagêdô aŋga kiŋ Arabiaŋa samob to gôliŋwaga gamêŋ ŋagêdôŋa. 16 Kiŋ Salomo kêmasaŋ lautuc kapôêŋ-kapôêŋ 200 ŋa gold, taŋ sêsac naŋ. Gold taŋ eŋ kêmasaŋ lautuc tageŋ naŋ, ŋadôŋ amboac 7 kilo. 17 Go eŋ kêsap lautuc sauŋ 300 ŋa gold, taŋ sêsac naŋ, tageŋ ŋa ŋadôŋ amboac 2 kilo. Ma kiŋ kakêŋ gêŋ samob tonaŋ kêsô andu, taŋ sêsam gebe Andu Saleŋ Lebanonŋa. 18 Ma kiŋ kêmasaŋ lêpôŋ kapôêŋ teŋ ŋa jabo ma kêkwa auc ŋa gold ŋakêŋkêŋ amboac tonaŋgeŋ. 19 Lêpôŋ tonaŋ ŋatêcboŋ 6 ma bulimakao môkêapac ŋakatu kêkô lêpôŋ tau ŋamu. Ma aŋga lêpôŋ makeŋ- makeŋ sêmasaŋ lêma ŋaadeŋ to lewe ŋakatu luagêc kêkô kêsi lêma ŋaadeŋ tonaŋ. 20 Ma lewe ŋakatu 12 sêkô têcboŋ 6 tonaŋ, sêkô têcboŋ makeŋ-makeŋ kêtômgeŋ. Sêmasaŋ gêŋ kaiŋteŋ amboac tonaŋ teŋ aŋga kiŋ teŋ nê gamêŋ gêmuŋ su atomanô. 21 Kiŋ Salomo nê laclu ênôm gêŋ êsêpŋa samob tonaŋ gold ma waba kômŋa samob aŋga Andu Saleŋ Lebanonŋa gold ŋakêŋkêŋ. Sêmasaŋ teŋ ŋa silber atom. Sêlic silber amboac gêŋ ŋaôma gêdêŋ Salomonê têm. 22 Ma kiŋnê waŋ ômbala Tarsisŋa sêpoac gwêc sêwiŋ Hiramnê. Katôm jala têlêacgeŋ waŋ Tarsisŋa tonaŋ mêŋsejoŋ gold to silber ma bôc ŋajabo to moŋki ma moc kaiŋteŋ ŋaê pikok.

23 Amboac tonaŋ kiŋ Salomo nê awamata to kauc kêlêlêc kiŋ nomŋa samob nêŋ su. 24 Ma nom ŋalau samob sêlic Salomo gebe sêŋô ênê kauc, taŋ Anôtô kêkêŋ gêdêŋ eŋ naŋ. 25 Êsêac samob, taŋ sêmêŋ naŋ, sêkôc gêŋ tokaiŋ- tokaiŋ gebe sêkêŋ êndêŋ Salomo. Êsêac sêkêŋ gêŋ silber to gold ma obo to gêŋmalu ma laukasap to hos ma doŋki. Tonaŋ sêgôm kêtôm jalageŋ.

26 Ma Salomo gêjac kareta siŋŋa 1,400 to lau sêŋgôŋ hos ŋaôŋa 12,000 sa, eŋ kêkêŋ êsêac sêŋgôŋ malac karetaŋa ma ŋagêdô sêmoa sêwiŋ eŋ aŋga Jerusalem. 27 Ma kiŋ kêkêŋ silber taêsam gêc Jerusalem amboac poclô ma kaseda kêtu taêsam amboac jambô, taŋ sêkô gaboaŋ naŋ. 28 Ma Salomo kêkôc hos gêmêŋ aŋga Aiguptu to Koa. Ênê lau têtulu gêŋwaga sêjam ôli hos aŋga Koa ŋa moni solopgeŋ. Kareta teŋ, taŋ sêkôc aŋga Aiguptu naŋ, ŋaôli kêtôm silber ŋadôŋ 600 ma hos teŋ kêtôm silber ŋadôŋ 150. Ma Salomo nê lau-têtulu-gêŋwaga sêkêŋ ŋagêdô kiŋ Hetŋa to kiŋ Suriaŋa sêjam ôli amboac tonaŋgeŋ.

29 

11:1-25 Salomo gêjam lauo jaba taêsam. Êsêac sêlêtôm eŋ e kêkac tau su aŋga Anôtônê. Tec Anôtô kêsôm gêdêŋ eŋ gebe êkac gamêŋ kiŋŋa su aŋga eŋ latunê ma êwi gôlôacmôkê tageŋgeŋ siŋ êndêŋ eŋ.

Copyright information for `JAE