Acts 14

Paulu agêc Barnaba sêmoa Ikonium

Gêdêŋ taŋ ŋac ulu sêmoa Ikonium naŋ, sêsô Judawaganêŋ lôm amboac tonaŋgeŋ. Agêc sêjam mêtê kaiŋ teŋ e Judawaga to Helen taêsam sêjam tauŋ ôkwi. Mago Judawaga, taŋ sêkêŋ gêwiŋ atom naŋ, sêli lau sa to sêgôm lau samuc nêŋ ŋalêlôm ŋamalic kêsa e têntac ŋandaŋ gêdêŋ lasitêwai ŋawaô. Agêc sêmoa tonaŋ ŋasawa baliŋ. Apômtau tau gêwa êsêagêc sêjam ênê mêtê ŋamoasiŋ sa kêpuc agêc tôŋ, tec lemeŋ sêgôm gêŋsêga to gêŋtalô e lau malacŋa sêwa tauŋ kêkôc e ŋagêdô sêwiŋ Judawaga ma ŋagêdô sêwiŋ aposolo. Sêmoa, go lau samuc to Judawaga tonêŋ kasêga dêdi sebe sênac to têtuc êsêagêc ŋa poc êndu. Tec agêc sêjala ma sêc sêja Lukaonia ŋamalac Lustra to Derbe ma gamêŋ ŋagêdô, taŋ gêc ŋamagêŋa naŋ. Sêmoa tonaŋ ma sêsôm ŋawae ŋajam lasê.

Paulu agêc Barnaba semoa Lustra

Ma ŋac teŋ gêŋgôŋ Lustra, têna kêkôc eŋ tomagi kêsugeŋ e akaiŋ ŋajaŋa atom ma kêsêlêŋ ŋagec atomaŋajaŋa atom ma kêsêlêŋ ŋagec atomanô. Ŋac tau gêŋô biŋ, taŋ Paulu kêsôm naŋ. Paulu mata gê eŋ e gêlic gebe ŋac tau kêkêŋ gêwiŋ jakêtôm su gebe ôli ŋajam êsaŋa. 10 Tec kêsôm awa kacgeŋ gebe “Amkaiŋ ŋajaŋa êsa ma ôndi sa ôkô.” Ma eŋ gêboaŋ sa ôb tageŋ ma kêsêlêŋ. 11 Lau pom kapôêŋ teŋ sêlic Paulu gêgôm gêŋ tonaŋ, naŋ sêmôêc ŋa biŋ Lukaoniaŋageŋ gebe “Anôtôi têtu ŋamalac ma sêsêp dêdêŋ aêac sêrrêŋgoc.” 12 Ma sêsam Barnaba gebe Dia ma Paulu gebe Hermes* gebe eŋ ŋac awa biŋŋa. 13 Dianê lôm kêkô malac ŋamagê, tec dabuŋwaga kejoŋ bulimakao kapoac to ŋaola gebe sêŋgêlôŋŋa jagêô lasê sacgêdô gebe êkêŋ da êwiŋ lau tau. 14 Aposolo Barnba agêc Paulu sêŋô biŋ tonaŋ ŋawae e sêkac nêŋ ŋakwê gêŋgic jasêboaŋ sêsêp lau ŋalêlôm ma sêmôêc gebe 15 “Lauac, abe aŋgôm amboac ondoc. Aêagêc tonec ŋamalac palê-palê atôm amac. Aêagêc asôm ŋawae ŋajam gêdêŋ amac gebe anam taôm ôkwi aŋga gêŋ ŋaôma tecenec andêŋ Anôtô mata jali tau ana. Eŋ ŋac, taŋ kêkêŋ undambê to nom ma gwêc to ŋagêŋ totau- totau samob. 16 Gêdêŋ têm gêmuŋŋa eŋ gêlôc gebe lau samuc sêsa tauŋ nêŋ lêŋ. 17 Mago eŋ gêwa tau sa ŋa moasiŋ, kêkêŋ kom aŋga undambê gêdêŋ amac ma têm tomoasu gêlôm amac to kêkêŋ mo gêôc amac tôŋ aŋgôŋ totêmtac ŋajamgeŋ.” 18 Ŋaclagêc sêsôm bi ŋ tonaŋ, mago kêtu kôm kapôêŋ gebe sêkô lau auc êtu sêkêŋ da êndêŋ êsêagêc atomŋa.

19 Go Judawaga ŋagêdô aŋga Antiokia to Ikonium sêmêŋ ma sêjam lau pom tonaŋ ôkwi e têtuc Paulu ŋa poc ma sê eŋ kêsa aŋga malac gêja seboc eŋ gêmac endu. 20 Go ŋacseŋomi sêgi eŋ auc sêkô e gêdi sa kêsô malac gêja. Ŋageleŋ êsêagêc Barnaba sêja Derbe.

Paulu agêc Barnaba sêmu sêja Antiokia Suriaŋa

21 Ŋaclagêc sêsôm ŋawae ŋajam lasê aŋga malac tonaŋ e sêjam lau taêsam ôkwi, go sêmu sêja Lustra to Ikonium ma Antiokia Pisidiaŋa kêtiam. 22 Agêc sêpuc ŋacseŋominêŋ ŋalêlôm tôŋ to sêjac biŋsu êsêac ŋajaŋa gebe sêwi biŋ sêkêŋ gêwiŋŋa siŋ atom. Ma sêsôm biŋ tonec gêwiŋ gebe “Ŋandaŋ taêsam êpi aêac acgom, go tasô Anôtônê gamêŋ tana.” 23 Go ŋaclagêc sêjaliŋ lau sa kêtôm gôlôac dabuŋgeŋ têtu laumata. Go sêjam dabuŋ mo to teteŋ mec ma sêsuŋ êsêac dêdêŋ Apômtau, taŋ sêkêŋ gêwiŋ eŋ naŋ.

24 Go sêsa Pisidiaŋageŋ e jasêô lasê Pampulia. 25 Sêjam mêtê aŋga Perge su acgom, go sêsêp Atalia sêja. 26 Aŋga tonaŋ sêlac jasêsô Antiokia, malac taŋ gêmuŋgeŋ sêkêŋ êsêagêc sêsêp Anôtônê moasiŋ ŋalêlôm to sêsakiŋ êsêagêc kêtu kôm, taŋ sêgôm su naŋŋa.

27 Jasêô lasê su acgom, go sêkac gôlôac dabuŋ sa ma sêjac miŋ biŋ samob, taŋ Anôtô kêkêŋ êsêac sêgôm naŋ, ma gêlêc katam takêŋ gêwiŋŋa su gêdêŋ lau samuc. 28 Ma agêc sêmoa sêwiŋ ŋacseŋomi ec ŋêŋgeŋ.
Lau Rom nêŋ anôtôi jabe luagêc nêŋ ŋaê Dia
agêc Hermes.

Copyright information for `JAE