Amos 8

Ŋakatu kêtu aclêŋa

Go Apômtau Anôtô kêtôc gêŋ tonec gêdêŋ aê gebe Aê galic ka ŋanô ŋalêwê gadob teŋ. Ma eŋ kêsôm gebe”Amos, aôm gôlic asageŋ.” Ma aê kasôm gebe “Gal ic ka ŋanô ŋalêwê gadob teŋ.” * Go Apômtau kêsôm gêdêŋ aê gebe

“Aêŋoc lau Israel nêŋ têm mêŋgêjac pep,
aê jaê êsêacnêŋ biŋ tôŋ êtiam atom.
Êndêŋ bêc tonaŋ wê aŋga lôm dabuŋ ênam tau ôkwi êtu taŋiboa.”
Apômtau Anôtô nê biŋ tau tonec.
“Êtôm gamêŋ samob êsêac sêmbaliŋ ŋawêlêlaŋ taêsam siŋ ŋabiŋmêgeŋ.”

Israel sênaŋa ŋatêm kêdabiŋgac

Amac taŋ aka lau sêpô lêna tauŋŋa tôŋ
ma akôniŋ lau ŋalêlôm sawa gamêŋ tonecŋa naŋ,
akêŋ taŋem biŋ tonec.
Amac asôm gebe “Êndêŋ ondoc ajôŋ mêŋgêô lasê ŋaôm êmbacnê,
gebe takêŋ polom êndêŋ lau sênam ôli.
Êndêŋ ondoc sabat êmbacnê,
gebe tatulu mo ma daŋgôm dôŋ moŋa êtu sauŋ ma mo ŋaôli êtu kapôêŋ
ma tansau lau ŋa dôŋdansaŋ.
Ma tanam ôli lau ŋalêlôm sawa ŋa silber
to lau sêpô lêna tauŋŋa ŋa atapa
ma takêŋ polom ŋapa êndêŋ lau sênam ôli amboac tonaŋgeŋ.”
Apômtau kêtôc lêma kêpi Jakobnê wae ŋajam gebe
“Biŋŋanôgeŋ, aê jaliŋ êsêacnêŋ gêŋ samob, taŋ sêgôm naŋ, ŋateŋ siŋ atomanô.
Biŋ tonec êŋgôm nom êtênêp
to êŋgôm lau samob, taŋ sêŋgôŋ nom tau naŋ, têtaŋ taŋiboa
ma êŋgôm nom samucgeŋ êsuŋ êtôm bu Nil
ma ŋakotoŋ-kotoŋ e ê su êtiam êtôm bu Nil aŋga Aiguptu naŋ, atom me.”

Apômtau Anôtô kêsôm gebe “Êndêŋ bêc tonaŋ
aê jakêŋ oc naêsêp êndêŋ têm oc êkô ŋaluŋŋa
ma jaŋgôm nom ŋagamêŋ ŋakesec êsa êndêŋ ocsalô.
10 Aê gabe janam nêm om têmtac ŋajamŋa ôkwi êtu bêc ŋawapac
to janam nêm wê samob ôkwi êtu taŋiboa.
Aê gabe jakêŋ amac samob anac talu
ma samob akaliŋ môkêmlauŋ su. *
Aê gabe jaŋgôm amac ataŋ taŋiboa êtôm ŋac,
taŋ gêjam taê tau kêtu nê latu tageŋgeŋŋa,
ma anac dabiŋ bêc tau amboac sêjac dabiŋ bêc têntac ŋamakicŋa teŋ.”

11 Apômtau Anôtô kêsôm gebe “Alicgac me, bêc oc mêŋêsa,
go jakêŋ tôbôm ênam gamêŋ auc.
Tôbôm mo to buŋa atom, tôbôm sêŋô Apômtaunê mêtêŋa.
12 Lau oc sêsêlêŋ sêwê aŋga gwêc ŋamakeŋ e dêndêŋ gwêc ŋamakeŋ
to aŋga gamêŋ musaŋgu-mŋa e dêndêŋ gamêŋ oc kêpiŋa.
Êsêac sêna sêmêŋ—sêna sêmêŋ ma sensom Apômtaunê mêtê,
mago têtap sa atom.

13 “Êndêŋ bêc tonaŋ lauo takiŋ tolaŋôŋ êjam ma ŋacseŋom mateŋ êlô êtu bu êjô êsêacŋa.
14 Lau taŋ têtôc lemeŋ êndêŋ gwam Asima Samariaŋa ma sêsôm gebe
‘Dannê anôtô gêŋgôŋ mata jali, tec aê jasôm biŋŋanô,’
ma êsêac, taŋ sêsôm teŋ gebe ‘Bersebanê lamu gêmoa, tec aê jasôm biŋŋanô,’
naŋ êsêac samob oc sembeŋ e sêndi sa êtiam atom.”
Ka ŋanô ŋalêwê gêwa sa gebe jala teŋ ŋatêm ŋajam
gêbacnê, tec ka ŋanô ŋalêwê katu Apômtaunê bec mêtôcŋa ŋadôŋ.
Lau Israel nêŋ abec tau tonaŋ.

Copyright information for `JAE