Exodus 17

Bu kêsa poc

Lau Israel nêŋ gôlôacmôkê samob dêdi aŋga gamêŋ sawa Sin. Êsêac sêsêlêŋ ma sêlêwaŋ tauŋ tosawa-tosawa kêtôm Apômtaunê jatu e sê nêŋ bec aŋga Repidim. Mago bu gebe lau sênômŋa masi. Kêtu tonaŋŋa êsêac sêli aweŋ sa gêdêŋ Mose ma sêsôm gebe “Ôkêŋ bu êndêŋ aêac anôm.” Ma Mose kêsôm gêdêŋ êsêac gebe “Amac ali awem sa gêdêŋ aê kêtu asageŋŋa. Amac asaê Apômtau kêtu asageŋŋa.” Ma bu gêjô lau aŋga tônê, tec sêli aweŋ sa gêdêŋ Mose ma sêsôm gebe “Aôm gôwê aêac asa aŋga Aiguptu mêŋasa tonec gebe bu êjô aêac to ma gôlôac ma bulimakao samob êndu kêtu asageŋŋa.” Amboac tonaŋ Mose gêmôêc gêdêŋ Apômtau gebe “Aê jaŋgôm lau tonec amboac ondoc. Sauŋgeŋ, go têtuc aê ŋa poc êndu.” Ma Apômtau kêsôm gêdêŋ Mose gebe “Ôkôc lau Israel nêŋ laumata ŋagêdô ma asêlêŋ aôc lêlêc’ lau naamuŋ. Ômêŋgôm tôc, taŋ kôkôc gêdêŋ gôjac bu Nil naŋ, ma ôsêlêŋ. Ôlic acgom, aê jakô aôm ŋamata aŋga poc kapôêŋ Horebŋa ma aôm ônac poc tau, go bu êsa gebe lau sênôm.” Mose gêgôm amboac tonaŋ, ma lau Israel nêŋ laumata sêlic. Eŋ gê gamêŋ tonaŋ ŋaê gebe Masa to Meriba, * ŋam gebe sêli aweŋ sa gêdêŋ Mose to sêsaê Apômtau ŋa biŋ, taŋ sêsôm gebe “Apômtau gêmoa gêwiŋ aêac me masi.

Lau Israel sêjac siŋ gêdêŋ lau Amelek

Go lau Amelek sêô lasê ma sêjac siŋ gêdêŋ lau Israel aŋga Repidim. Ma Mose kêsôm gêdêŋ Josua gebe “Ôjaliŋ lau sa ma eleŋ bêbêc asêlêŋ naanac siŋ êndêŋ lau Amelek. Aê tauc jamêŋgôm Anôtônê tôc najakô gamêŋ ŋabau.” 10 Amboac tonaŋ Josua gêgôm biŋ, taŋ Mose kêsôm gêdêŋ eŋ naŋ, ŋanô kêsa ma gêjac siŋ gêdêŋ lau Amelek. Ma Mose agêc Aron ma Hur jasêpi gamêŋ ŋabau tau sêja. 11 Gêdêŋ taŋ Mose gêôc lêma sa naŋ, lau Israel sêjac lau Amelek ŋapaŋ. Mago gêdêŋ taŋ Mose kêlêwaŋ lêma ŋasawa ŋagêdô naŋ, lau Amelek sêjac lau Israel. 12 Mago Mose lêma gêmac. Amboac tonaŋ tec Aron agêc Hur sêkôc poc teŋ mêŋsêkêŋ Mose gêŋgôŋ ŋaô, go êsêagêc sêsip eŋ lêma sa. Ŋac teŋ kêkô ŋamakeŋ ma teŋ kêkô ŋamakeŋ. Tec sêôc Mose lêma tôŋ ŋaŋêŋgeŋ e oc jakêsêp. 13 Ma Josua geseŋ Amelek to nê lau su ŋa siŋ ŋamata.

14 Ma Apômtau kêsôm gêdêŋ Mose gebe “Oto biŋ tonec êsêp buku teŋ, gebe lau taêŋ ênam ma ôndôŋ êndêŋ Josua e êtu tôŋ eŋ, gebe aê janseŋ lau Amelek nêŋ waeŋ aŋga umboŋ ŋalabu su ênaŋa samucgeŋ.” 15 Ma Mose gêboa altar teŋ sa ma kêsam ŋaê gebe “Apômtau kêtu ŋoc gêbôm,” ma kêsôm gebe”Lemeŋ êndêŋ Apômtaunê gêbôm. Apômtaunê siŋ oc ênêc gôlôac togôlôacgeŋ êtu lau Amalekŋa.”

16 18:1-27 Mosenê lawa Jetro gêwa lêŋ teŋ sa gêdêŋ eŋ, tec Mose kêjaliŋ lau ŋaŋêŋ ŋagêdô sa têtu mêtôcwaga gebe sêmansaŋ to sêmêtôc launêŋ biŋ ŋasawaŋa.

Copyright information for `JAE