Isaiah 32

Kiŋ biŋ gêdêŋŋa

Alic acgom, kiŋ teŋ oc ênam gôliŋ ŋa biŋ gêdêŋ ma kasêga sênam gôliŋ ŋa mêtôc gêdêŋ.

Êsêac samobgeŋ oc têtôm gamêŋ, taŋ kepeŋ mu auc naŋ,
ma têtu launêŋ lamu gamêŋ êlaŋgaŋŋa.
Êsêac têtôm bu kêsa gamêŋ ŋakeleŋ
ma têtôm poclabu ŋaajuŋ aŋga gamêŋ sawa.
Go êsêac, taŋ sêlic naŋ, mateŋanô êmôp atom
ma êsêac, taŋ sêŋô biŋ naŋ, oc sê taŋeŋ.
Lau taŋ sêsôm biŋ beleb-belebgeŋ naŋ, oc sêmêtôc biŋ êndêŋgeŋ,
ma êsêac, taŋ sêsôm biŋ kwac-kwac naŋ, oc sêsôm biŋ ŋaŋêŋ êsa.
Êsêac sêsam lau meloc gebe apômtau êtiam atom
ma tetoc lau wauc-wauctêna sa amboac lau towae atom.
Gebe ŋac meloc oc êsôm biŋ meloc
ma nê ŋalêlôm taê gêjam secgeŋ,
gebe êŋgôm gêŋ toAnôtômêgeŋ
ma êsôm biŋdansaŋ êpi Apômtau
ma êwi lau, taŋ mo gêjô êsêac naŋ, siŋ sêmoa tomo êjô êsêacgeŋ
ma êŋgamiŋ bu êndêŋ lau, taŋ bu gêjô êsêac naŋ.
Wauc-wauctênanê mêtê sec,
eŋ taê gêjam biŋ sec kêtu wakuc-kêtu wakuc
ma lau sêpô-lêna-tauŋwaga embe sêwa nêŋ biŋ sa gebe biŋŋanô,
oc ŋac tau enseŋ êsêac su ŋa nê biŋdansaŋ.
Mago ŋac mansaŋ taê gêjam biŋ mansaŋgeŋ
ma êsap gêŋ mansaŋ tôŋ ŋajaŋageŋ.

Propete gêlêŋ biŋ lauo Jerusalemŋa

Amac lauo, taŋ aŋgôŋ ŋaômageŋ naŋ, andi, aŋô aê aoc,
ma êsêac latuŋio amac, taŋ akêŋ gêwiŋ biŋ paliŋ- paliŋgeŋboa naŋ.
akêŋ taŋem ŋoc biŋ.
10 Jala teŋ ma bêc ŋagêdô ênaŋa acgom,
go amac lauo, taŋ akêŋ gêwiŋ biŋ paliŋ-paliŋgeŋboa naŋ atakê,
gebe wain ŋanô oc êtu lêwê atom, ma noc aniŋ mo lasêŋa mêŋêsa atom.
11 Amac lauo, taŋ aŋgôŋ ŋaômageŋ naŋ atênêpmaŋ,
amac lauo, taŋ akêŋ gêwiŋ biŋ paliŋ-paliŋgeŋboa naŋ atakêmaŋ.
Akwalec nêm ŋakwê su ma amoa ŋaômageŋ, go asô talu êtu nêm ŋakwê.
12 Ataŋ taŋiboa êtu nêm kom ŋajamŋa
êtu nêm wain ŋajamŋa,
13 êtu ŋoc launêŋ nom, taŋ waŋganic to gêŋ têkwa- têkwa gêjam auc naŋŋa
ma êtu gôlôac, taŋ sêŋgôŋ malac tatu samucŋa totêntac ŋajamgeŋ naŋŋa.
14 Gebe andu kapôêŋ oc êtu tuc, ma malac toŋaonda tau êtu gasaŋ.
Gamêŋ ŋabau to andu soso dêdib ŋacjoŋa oc êtu bôcnêŋ gêsuŋ endeŋ tôŋgeŋ,
ma êtu doŋki gêbôm nêŋ gamêŋ ôwêŋa,
ma êtu dombanêŋ gamêŋ sêniŋ gêŋŋa.
15 Biŋ tonaŋ ênêc e Apômtau ênsêwa Ŋalau aŋga lôlôc mêŋêpi aêac,
go gamêŋ sawa ênam tau ôkwi êtu kôm toŋanô ŋajam,
ma kôm toŋanô ŋajam ênam ŋanô êlêlêc su.
16 Ma mêtôc gêdêŋ oc ênêc gamêŋ sawa
ma biŋ gêdêŋ êmoa kôm toŋanô ŋajam ŋalêlôm.
17 Ma biŋ gêdêŋ ênam ŋanô biŋmalô
ma mêtôc gêdêŋ ênam ŋanô tamoa ŋaŋêŋ totêntac êpa sugeŋ endeŋ tôŋgeŋ.
18 Ŋoc lau oc sêŋgôŋ tobiŋmalô
ma sêlêwaŋ tauŋ sêŋgôŋ andu ŋajaŋa to gamêŋ êmacgeŋ.
19 Ma saleŋ oc êku guluŋ tageŋ
ma malac popoc samucgeŋ êsêp êtap ênêc.
20 Aê aoc êôc amac, taŋ asê nêm gêŋ êsêp bugala
ma akêŋ bulimakao to doŋki tauŋ sêmoa nêŋ gêŋ.
Copyright information for `JAE