Malachi 4

Apômtaunê bêc oc êmêŋ

“Alicgac me, bêc tau oc êmêŋ, naŋ tetoc-tauŋ-sawaga to sêgôm secwaga samob ja oc êniŋ êsêac amboac oba. Êndêŋ bêc tonaŋ ja oc êniŋ êsêac su e nêŋ ŋawakac to ŋalaka ŋapopoc malamê samucgeŋ. Lausiŋ undambêŋa nêŋ Apômtau kêsôm biŋ tonaŋ. Mago amac, taŋ atêc aêŋoc ŋaê naŋ, ŋoc ŋaclai ênam kêsiŋa oc êpô amac amboac oc ma oc ŋawê êŋgôm amac ôlim ŋajam êsa. Amac oc amboaŋ to amoa ŋajam amboac bulimakao ŋalatu wakuc, taŋ sêsa aŋga sapa naŋ. Êndêŋ bêc aê jaŋgôm tonaŋ ŋanô êsaŋa amac oc aka lau alôb-alôb tôŋ gebe êsêac têtôm wao, taŋ gêc aŋga emtapa ŋalabu. Lausiŋ undambêŋa nêŋ Apômtau kêsôm biŋ tonaŋ.

“Taêm ênam biŋ, taŋ ŋoc sakiŋwaga Mose kêdôŋ naŋ. Biŋsu to ŋagôliŋ, taŋ kakêŋ gêdêŋ eŋ aŋga lôc Horeb (Sinai) kêtu lau Israel samobŋa naŋ.

“Alic acgom, aê oc jasakiŋ propete Elia êndêŋ amac êmuŋ Apômtaunê bêc kapôêŋ to ŋawapac kaiŋ teŋ êwac. Eŋ oc ênam tameŋi nêŋ ŋalêlôm ôkwi êndêŋ nêŋ ŋapalê, ma ŋapalênêŋ êndêŋ tameŋi. Embe masi, aê oc jawac ma japuc boa amacnêm gamêŋ.”

New Testament

Copyright information for `JAE