Psalms 12

PESALEM 12

Mec Apômtau ênam aêac saŋa

O Apômtau, ônam aêac sa gebe lau mansaŋ têtaiŋ su
ma lau wapac maleŋmê e gamêŋ kêta êŋ.
Sêsôm biŋ geo gelom-gelom tau.
Ac sêsôm nêŋ biŋ aweŋsuŋ geno-genogeŋ ma nêŋ ŋalêlôm gêja lulu.

Ojae, Apômtau enseŋ gêdôŋôlic samob, taŋ seno-seno biŋgeŋ,
to aweŋsuŋ, taŋ sêboa tauŋboa naŋ, acgommaŋ.
Lau tonaŋ tec sêsôm gebe “Tauŋma imbeleŋ kêpuc aêac tôŋ to gêdôŋôlic gêjac aêac sa.
Asa gebe ênam gôliŋ aêac.”

Apômtau kêsôm gebe “Aê gabe japuc tauc jandi êtu lau, taŋ sêkôniŋ êsêac sêŋgôŋ jageo to lau ŋagêbôc seŋ oliŋ tauŋ elêmê naŋŋa.
Aê gabe janam lau, taŋ sêkêŋ mateŋgeŋ gebe janam êsêac saŋa naŋ sa.”

Apômtaunê biŋ ŋalô ŋakêŋkêŋ
kêtôm labi naŋ sêjam e ŋakep masi amboac kwalamwaô.

O Apômtau, ônam jaom lau ŋasec ma ôpuc aêac tôŋ
êndêŋ lau tônê êtôm têm samob,
gebe lau geo oc dêndi sêôŋ to sêmboa tauŋ e sênsiŋ aêac auc,
gebe sec gêjam sêga aŋga ŋamalacnêŋ.
Dawidnê pesalem.

Copyright information for `JAE