Psalms 13

PESALEM 13

Mec Apômtau ênam aêac saŋa

O Apômtau, gobe ôliŋ aê siŋ samucgeŋ e êndêŋ ondoc acgom.
Ma gobe ôsiŋ laŋôm aê e êndêŋ ondocgeŋ.
Aêŋoc katuc oc êôc ŋandaŋ
ma ŋoc ŋalêlôm ŋawapac êtôm eleŋ to êmbêc e êndêŋ ondocgeŋ ma ŋoc ŋacjo etoc tau sa êndêŋ aê e êndêŋ ondocgeŋ.

O Apômtau, ŋoc Anôtô, ôlic aê ma ôkêŋ taŋam aêma.
Ôkêŋ matocanô ŋawa êsa gebe gêmac enseŋ aê atom.
Ma ŋoc ŋacjo etoc tau sa ma êsôm gebe “Aê kaku eŋ tulu,”
ma ŋoc soŋo-soŋo têtu samuc êtu aê kaku saŋa atom.

Mago aê taêc kêka aôm têmtac gêwiŋ teŋgeŋŋa.
Ŋoc ŋalêlôm êtu samuc gebe gôjam aê kêsi.
Aê janam wê êndêŋ Apômtau
gebe eŋ kêmoasiŋ aê ŋanô.
Dawidnê pesalem.

Copyright information for `JAE