Psalms 20

PESALEM 20

Mec taku ŋacjo tuluŋa

Apômtau êkêŋ taŋa aôm êndêŋ bêc gêŋwapacŋa.
Jakobnê Anôtô nê ŋaê êtu lautuc aôm.
Eŋ ênam aôm sa aŋga gamêŋ dabuŋ
to êpuc aôm tôŋ aŋga Sion.
Eŋ taê ênam aômnêm da samob.
Ma nêm daja ênac eŋ mataanô ŋajam.
Eŋ êkêŋ gêŋ, taŋ nêm ŋalêlôm taê kêka naŋ, ŋanô êsa.
Eŋ êkêŋ aôm ôŋgôm gêŋ samob, taŋ taêm gajam naŋ, e ônac dabiŋ.
Embe ôku nêm ŋacjo tulu, aêac oc ôliŋ api toôndugeŋ, oc andaiŋ obokêam asam aêacma Anôtônê ŋaê.
Apômtau êkêŋ gêŋ samob, taŋ koteŋ naŋ, ŋanô êsa.

Galoc tec kajala gebe Apômtau gêjam nê ŋac, taŋ seŋ oso eŋ naŋ sa.
Eŋ kêkêŋ taŋa eŋ aŋga nê undambê dabuŋ. Nê anôŋa aku ŋacjo tulu toŋaclaigeŋ.
Lau ônê ŋai-ŋai samob taêŋ kêka nêŋ kareta siŋŋa to hos,
mago aêac tec taêŋ kêka aêacnêŋ Apômtau Anôtô nê ŋaclai.
Êsêac tê sêku sa sêsêp jasêc,
mago aêac gacgeŋ bôŋdagi aŋgeŋ akô ŋajaŋa.

O Apômtau, ôkêŋ kiŋ tau êku nê ŋacjo tulu.
Ôkêŋ taŋam aêacmêŋma môêc.
Dawidnê pesalem teŋ.

Copyright information for `JAE