Psalms 39

PESALEM 39

Aêŋoc ŋac taŋ gêmoa gêŋwapac ŋalêlôm naŋ, gêbu tau

Aê taêc gêjam gabe jajop ŋoc lêŋ ŋapep
ma imbeloc ênac biŋ sec teŋ atom.
Lau sec embe sêmoa aê ŋagala,
oc jakêŋ ŋagôliŋ êsêp aocsuŋ.
Amboac tonaŋ gajam tauc tôŋ ŋaŋêŋ laŋgwageŋ kakô.
Ma ŋoc ŋandaŋ kêpôŋ aê secanô gêc lêlômgeŋ.
Ŋoc ŋalêlôm gêlaŋ aê gêc bôcdagi ŋalêlômgeŋ ma taêc gêjam gamoa e kêlakoc aê amboac ja kêpi gêmêŋ,
go kapô imbeloc ŋagôliŋ su.
“O Apômtau, aê oc jaŋgôŋ matoc jali e êndêŋ ondoc. Oc jamac êndu êndêŋ ondoc.
Oc jamac êndu êndêŋ ondoc.
Ôkêŋ aê jajala tauc gebe aê gêŋ dalamatê sec.”

Ojae, kôsaka ŋoc bêc kêtôm samuc tageŋ wageŋ, matamanô gôlic aêŋoc bêc ŋawalaŋ ŋanô masi.
Ŋamalac samob gêŋ ŋajaô-jaô ŋaômagoc.
Ŋamalac kêsa nê lêŋ kêtôm gêŋ ŋakatu teŋ. Eŋ gêŋ ŋaôma, mago gêgôm gêŋlêlôm kêtu tauŋa elêmê.
Gêjac gêŋ sasa gedeŋ tôŋgeŋ ma asa oc êtu gêŋ tau ŋatau.

O Apômtau, aê oc jakêŋ matoc asa.
Taêc kêka aôm taômgeŋgoc.
Ônam aê sa aŋga ŋoc sec samobmaŋ.
Ôkêŋ lau meloc sêsu aê susu atom,
Aê jaŋa aoc atom, janam tauc tôŋgeŋ jamoa,
gebe aôm gôjam gôliŋ ŋoc lêŋ tau.
10 Nêm gêŋwapac tec kêsac aê nec, ôkôc su aŋga aêŋoc,
gebe lêmam kêkôniŋ aê tôŋ ŋanô e oc janaŋa.
11 Aôm embe ônac ŋamalac teŋ êtu nê sec ŋagêjôŋa, oc nê katu ŋajam ênaŋa êtôm abêlôŋ geŋ tau.
Ojae, ŋamalac samob gêŋ ŋajaô-jaô ŋaômagoc.

12 O Apômtau, ôŋô ŋoc mec ma ôkêŋ taŋam ŋoc taŋi.
Aê galiŋ matocsulu, amboac tonaŋ ônam taôm tôŋ atom.
Gebe aê katu ŋacjaba katôm tamoci samob.
Ma katu nêm ŋacleŋ teŋ.
13 Ôlêwaŋ aê gebe jasi aoc su acgom,
go jaêc su e malocmê samucgeŋ.
Dawidnê pesalem teŋ.

Copyright information for `JAE