Psalms 5

PESALEM 5

Mec teŋ kêtu Anôtô ejop aêacŋa

O Apômtau, ôŋô ŋoc biŋ.
Wê taŋam ŋoc oliŋ.
Ojae aêŋoc kiŋ to ŋoc Anôtô, ôŋô ŋoc taŋiboa kapôêŋmaŋ,
gebe aêŋoc mec êndêŋ aôm êwac.
O Apômtau, ôŋô aê aoc êndêŋ bêbêc kanucgeŋ.
Kamasaŋ ŋoc da gêdêŋ aôm gêdêŋ bêbêc kanucgeŋ, ma tec matoc teŋ-teŋgeŋ aômŋa gamoa.

Aôm kôtôm Anôtô, taŋ têtac gêwiŋ biŋ paliŋ-paliŋ naŋ atom.
Ŋac sec teŋ êtu nêm ŋacleŋ atom.

Lanemtêna sêkô laŋômnêm atom.
Aôm kôkêŋ kisa gêdêŋ lau-sêgôm-secwaga samob.
Aôm goseŋ dansaŋwaga samob su.
Apômtau gêjam laŋôanô ôkwi aŋga lau, taŋ sêwê kaiŋ dec to biŋ-dansaŋwaga naŋ nêŋ.

Aôm gôlôc kêtu nêm têmtac gêwiŋ teŋgeŋŋa
gebe aê jasô nêm andu jana.
Aê jateŋ mec aŋga nêm lôm dabuŋ
ma jau tauc janêc gebe jatoc aôm sa.

O Apômtau, ônam gôliŋ aê êtôm nêm biŋgêdêŋ.
Ômansaŋ nêm intêna ênêc aê laŋôcnêm êtu ŋoc ŋacjoŋa,
gebe biŋŋanô gêc êsêac aweŋsuŋ atom.
Ac taêŋ gêjam biŋ seseŋ gêŋ suŋageŋ.
Êsêacnêŋ koclabeŋ kêtôm sêawa gêŋa.
Imbeleŋ geno biŋ e ŋawasi laŋgwageŋ.
10 O Anôtô, ôkêŋ ŋagêjô êndêŋ êsêac
gebe nêŋ dib êtu lakô êndêŋ tauŋ.
Ôtiŋ êsêac su aŋga laŋômnêmŋa êtu nêŋ biŋ alôb- alôb taêsamŋa
gebe sêli tauŋ sa gêdêŋ aôm.

11 Mago lau samob, taŋ sê lamu aôm naŋ, têntac ŋajam êsa.
Ôtu lautuc êsêac,
taŋ têntac gêwiŋ aôm naŋ,
gebe sêmoa toôliŋ êpigeŋ.
12 O Apômtau, aôm gôjam mec ŋac gêdêŋ,
ma nêm moasiŋ kêkwa eŋ auc amboac lautuc.
Dawidnê pesalem teŋ.

Copyright information for `JAE