Psalms 52

PESALEM 52

Anôtônê mêtôc to moasiŋ

O ŋaclaisêga aôm, kotoc taôm sa nêm secŋa kêtu ageŋŋa.
Anôtônê têtac gêwiŋ teŋgeŋŋa gêc gedeŋ tôŋgeŋ.
Aôm kalomtêna, taêm gêjam imbêlam ŋabiŋgêga
e wai-waiôma.
Aôm têmtac gêwiŋ sec kêlêlêc ŋajam su
ma têmtac gêwiŋ biŋ dansaŋ kêlêlêc biŋŋanô su.
Aôm imbêlam dansaŋ.
Têmtac gêwiŋ biŋ alôb-alôb ŋaôma.

Amboac tonaŋ Anôtô oc enseŋ aôm su ônaŋa samucgeŋ. Eŋ oc êtiŋ to enseŋ aôm su aŋga nêm beclêlôm
ma oc êkip aôm sa aŋga lau mateŋ jali nêŋ gamêŋ.
Lau gêdêŋ oc sêlic e têtêc tauŋ
ma sêômac aôm gebe
“Kec, alic ŋac tônê kêkêŋ Anôtô kêtu nê lamu atom.
Kêkêŋ gêwiŋ nê awa taêsam ma gêjam kauc gebe sec êpuc eŋ tôŋ.”

Ma aê tec katôm katêkwi ŋawawa ŋajam
kakô Anôtônê andu.
Aê taêc kêka Anôtônê têtac gêwiŋ teŋgeŋŋa
gedeŋ tôŋgeŋ.
Aê oc janam daŋge aôm endeŋ tôŋgeŋ êtu nêm gêŋ, taŋ gôgôm naŋŋa
ma jatoc nêm ŋaê sa êndêŋ lau mansaŋ sêŋô gebe aôm gabêjam.
Dawidnê wê teŋ. Gêga gêdêŋ taê ŋac Edomŋa Doeg
mêŋkêtêku biŋ gêdêŋ Saul gebe Dawid kêsô Abimeleknê andu gaja naŋ.

Copyright information for `JAE