Psalms 58

PESALEM 58

Mec Anôtô êmêtôc lau alôb-alôbŋa

O amac gôliŋwagaac, amac amêtôc biŋ katôgeŋ me masi.
Amac amêtôc ŋamalac samob jagêdêŋ me masi.
Masianô, amac taêm gêjam biŋ alôb-alôb gêc nêm ŋalêlôm.
Amac agôm gêŋgeo gêjam gamêŋ samob auc.

Lau taŋ sêkac tauŋ su aŋga Anôtônê naŋ, sêgôm nêŋ gêŋ sêjac m gêdêŋ nêŋ têm ŋapalêgeŋŋa kwanaŋgeŋ.
Lau dansaŋwaga seo kwanaŋgeŋ gêdêŋ taŋ teneŋi sêkôc êsêac su naŋ.
Ŋamalic gêjam êsêac auc kêtôm gêjam moac sec auc.
Ac têtôm moac, taŋ gêbôc taŋasuŋ auc gebe êŋô biŋ atom naŋ.
Têtôm moac, taŋ kêkêŋ taŋa nê gôliŋwaga awa
to ŋac mectomaŋŋa, taŋ kêsôm ŋamec kêtu tôŋ naŋ atom.

O Anôtô, ônac êsêacnêŋ luŋluŋ popoc aŋga aweŋsuŋ.
O Apômtau, ôkip lewe matac nêŋ ŋani sa.
Ôkeŋ êsêac sê su êtôm bu kêtaiŋ su.
Êsêac têtu masê amboac gêgwaŋ intênaŋa.
Êsêac sênaŋa amboac i, taŋ daôŋ sa aŋga maleŋ naŋ.
Êsêac têtôm ŋapalê, taŋ têna kêkôc eŋ ŋamatê ma gêlic gamêŋ ŋawê sapu naŋ.
Sêjala atomgeŋ ma sebob êsêac amboac waôŋ.
Sêmoa mateŋ jaligeŋ ma Anôtô têtac ŋandaŋ êju êsêac sa sênaŋa.

10 Ŋac gêdêŋ embe êlic sêkêŋ ŋagêjô êndêŋ ŋac, taŋ gêgôm sec naŋ, oc ôli êpi.
Eŋ oc êkwasiŋ akaiŋ êsêp ŋac alôb-alôb nê dec.
11 Ma lau oc sêsôm gebe Biŋŋanô, lau gêdêŋ têtap nêŋ ŋagêjô ŋajam sa.
Biŋŋanô, Anôtô taŋ kêmêtôc biŋ aŋga nom naŋ, tec gêmoa.”
Dawidnê pesalem teŋ.


Copyright information for `JAE