Psalms 67

PESALEM 67 Seŋ mo lasê ŋawê daŋgeŋa

Anôtô taê labu to ênam mec aêac.
Eŋ oc êkêŋ laŋôanô êpô aêac.
Gebe lau nomŋa sêjala nêm lêŋ
to lau samuc samob sêjala ŋaclai ônam lau saŋa.

O Anôtô, tenteŋlatu aweŋ êôc aôm.
Tenteŋlatu aweŋ êôc aôm tomalageŋ.
Tenteŋlatu ôliŋ êpi ma sênam wê toôndugeŋ gebe aôm kômêtôc launêŋ biŋ jagêdêŋ
ma gôwê tenteŋlatu samob aŋga nom.
O Anôtô, tenteŋlatu aweŋ êôc aôm.
Tenteŋlatu aweŋ êôc aôm tomalageŋ.
Nom gêjam ŋanôgac.
Anôtô, aêacnêŋ Anôtô, gêjam mec aêac.
Anôtô gêjam mec aêac
ma nom ŋamadiŋ samob têtêc eŋ.
Wê teŋ.


Copyright information for `JAE