Psalms 83

PESALEM 83

Tapô lêna takô ŋacjo ŋalêlôm ŋamec

O Anôtô, ôŋgamiŋ taôm atom.
O Anôtô, ônam taôm tôŋ to awam mêgeŋ atom.
Gôlicgac me, nêm ŋacjo aweŋ aliŋ-aloŋ kêsa sêmoa
ma êsêac, taŋ nêŋ ŋalêlôm kêmoatiŋ tôŋ kêtu aômŋa naŋ, sêsa laŋôŋanô sageŋ.
Êsêac sêgôm gêŋlêlôm sebe senseŋ nêm lau su
ma sêmoatiŋ poac sebe senseŋ lau, taŋ sê lamu aôm naŋ.
Êsêac sêsôm gebe “Amêŋ nadanseŋ êsêac su ec nêŋ teŋ ênêc êtiam atom
ma taêŋ ênam ŋaê Israel êtiam atomanô.”

Biŋŋanôgoc, êsêacnêŋ ŋalêlôm tageŋ ma sêmoatiŋ nêŋ biŋ e gacgeŋ gêc-gêcgeŋ,
sêmoatiŋ poac gebe senseŋ aôm su.
Lau taŋ sêŋgôŋ Edom to Ismaelwaga nêŋ bec
lau Moab to lau Hagar amboac tonaŋ.
Lau Gebal to Amon ma Amalek,
lau Pilisti to lau Tirusŋa amboac tonaŋgeŋ.
Lau Asuriaŋa sêsap lau tônê ŋai tôŋ.
Lau tonaŋ ŋai sêpuc Lotnê latui tôŋ.

Onseŋ êsêac êtôm gêmuŋgeŋ goseŋ Midian
ma êtôm goseŋ Sisera to Jabin aŋga bu Kison.
10 Lau tonaŋ ŋai sêjaŋa aŋga Endor
ma nêŋ ŋawêlêlaŋ gêmôb gêc nom.
11 Onseŋ êsêacnêŋ kasêga êtôm goseŋ Oreb ma Seb.
Onseŋ êsêacnêŋ lau towae samob êtôm Seba agêc Salmuna.
12 Lau tonaŋ ŋai tec sêjac aweŋ gebe
“Aêac tajaŋgo Anôtônê gamêŋ su.”

13 O ŋoc Anôtô, onseŋ êsêac êtôm mu kêlai kekop jagêŋgôŋ gêŋ êndu
ma êtôm mu kelelo jataê.
14 Onseŋ êsêac êtôm ja geŋ oba
ma êtôm jawaô kêdaŋgac kêpi lôc.
15 Nêm gamêŋ kêlaŋgaŋ êtakê êsêac
ma nêm mu-gêbuc êpuc soc êsêac amboac tonaŋ.
16 O Apômtau, ôkêŋ majeŋ êkwa êsêac laŋôŋanô auc,
ec sensom gebe sênam sakiŋ aôm.
17 Ôkêŋ êsêac majeŋ to têtakê ŋanô
e nêŋ meloco êsa ma sênaŋamaŋ.
18 Ôŋgôm êsêac amboac tonaŋ e sêjala gebe aôm taômgeŋ tec kôtu Apômtau.
Lau nomŋa samob tetoc aôm sa gebe Lôlôc Ŋatau aôm taômgeŋ.
Asapnê pesalem wêŋa teŋ.


Copyright information for `JAE