Revelation of John 5

Buku ma domba ŋabiŋ

Aê galic buku teŋ kêsêp ŋac, taŋ gêŋgôŋ lêpôŋ naŋ, nê lêma anôŋa. Teto biŋ kêsêp lêlômŋa to dêmôêŋa, go sêkic tôŋ ma sêkêŋ peŋ** 7 kêpi ŋaomata. Go galic aŋela ŋaclai teŋ kêsôm biŋ kêkac awa sageŋ gebe “Asa kêtôm gebe êkac peŋ su ma êkac buku tau sa.” Ŋac teŋ aŋga undambê me aŋga nom me aŋga nom ŋalêlôm kêtôm gebe êkac buku sa ma êsam atom. Ma aê kêtaŋ ŋanô gebe têtap ŋac teŋ sa kêtôm gebe êkac buku sa ma êsamŋa nec atom. Go laumata tau nêŋ teŋ kêsôm gêdêŋ aê gebe “Ôtaŋ atom. Ôlic acgom, lewe aŋga Judanê gôlôac, Dawidnê wakuc teŋ, kêku ŋacjo tulu. Ŋac tonaŋ tec êkac peŋ 7 su ma êkac buku tau sa.”

Go galic domba teŋ kêkô lêpôŋ kiŋŋa to bôc aclê ma laumata 24 ŋalêlôm. Domba tau ŋalaŋô amboac sêbuc su. Nê jabo 7 to mataanô 7. Mataanô 7 tau Anôtônê Ŋalau 7, taŋ kêsakiŋ sêjam nom samucgeŋ auc. Tec domba tau jakêkôc buku su aŋga ŋac, taŋ gêŋgôŋ lêpôŋ kiŋŋa ŋaô naŋ, nê lêma anôŋa. Gêdêŋ taŋ eŋ kêkôc buku su naŋ, bôc aclê to laumata 24 sêu tauŋ sêc domba laŋônêmŋa. Êsêac sêkôc gêŋ wêŋa kêtômgeŋ ma sêkôc laclu gold. Gêŋmalu taŋ kêsêp laclu naŋ, Anôtônê launêŋ mec. Ma êsêac sêpuc wê wakuc teŋ sa gebe

“Aôm kôtôm gebe ôkôc buku ma okac ŋapeŋ su,
gebe sêbuc aôm ma nêm dec gêjam ôli ŋamalac
tomôkê-tomôkê ma aweŋ teŋ-aweŋ teŋ ma to-m-to-m ma totoŋ-totoŋ têtu Anôtônê lau.
10 Aôm kôkêŋ êsêac têtu Anôtônê gamêŋ to dabuŋwaga,
gebe sênam sakiŋ aêacnêŋ Anôtô ma sênam gôliŋ aŋga nom.”
11 Go galic to gaŋô aŋela taêsam aweŋ. Aŋela tau sêgi lêpôŋ kiŋŋa to bôc ma laumata auc ma nêŋ namba 1,000 to 1,000 ma 10,000 to 10,000. 12 Êsêac sêsôm ŋa aweŋ kapôêŋ gebe

“Domba taŋ sêbuc naŋ, kêtôm gebe êkôc ŋaclai to
gêŋ tolêlôm-tolêlôm ma kauc mêtêŋa to ŋajaŋa ma
wae to ŋawasi ma lambiŋ.”
13 Ma gaŋô gêŋ samob, taŋ Anôtô kêkêŋ naŋ, aŋga undambê to nom ma aŋga nom ŋalelôm to gwêc ma geŋ samob, taŋ sêjam aucgeŋ naŋ sêsôm gebe

“Lambiŋ to wae ma ŋawasi to ŋajaŋa endeŋ ŋac, taŋ
gêŋgôŋ lêpôŋ kiŋŋa naŋ, agêc Domba teŋgeŋ ma teŋgeŋ.”
14 Go bôc aclê tau tonaŋ sêlôc gebe “Biŋŋanô.” Ma êsêac laumata sêu tauŋ jasêc ma teteŋ mec.
Lau ŋanô embe teto papia êndêŋ ŋac teŋ ma embe
taêŋ ênam gebe lau teŋ sêsam papia tau sewiŋ atom, go sêkic papia tôŋ ŋa gam me o teŋ ma sêsap ŋaomata tôŋ kêpi tageŋ ŋa katêkwi, go sêpeŋ nêŋ ŋatalô êwa êsêac saŋa kêsêp katêkwi tau. Katêkwi toŋatalô tau sêsam gebe peŋ. Ŋac taŋ papia gêjac eŋ ŋawae naŋ, êkac peŋ tau su acgom, go êtôm gebe êsam papia tau. tau. Kat kwl to atalô tau  Jam gebe pe  ac taŋ papla gêjac eŋ ŋawae naŋ,êkac pe  tau 8 U aC 9 Om, go êtôm gebe Ŋam papla tau.

Copyright information for `JAE