Romans 12

Tasa nêŋ lêŋ toKillsigeŋ

O lasitêwaac, aê jalêŋ biŋ amac êtu Anôtônê taê walôŋa gebe akêŋ ôlim êtu da mata jali to dabuŋ êndêŋ Anôtô naêlic ênac mataanô ŋajam. Amacnêm sakiŋ tokauc ŋajam tau tonaŋ. Asa nêm lêŋ atôm lau nom tonecŋa nêŋ atom. Anam taôm ôkwi e nêm ŋalêlôm êtu wakuc gebe nêm kauc êsa êpi Anôtônê biŋ, taŋ gebe êŋgôm ŋanô êsaŋa naŋ, e ajala gêŋ ŋajam to gêŋ, taŋ gêjac Anôtô mataanô ŋajamŋa naŋ, ma gêŋ taŋ Anôtô gêjac dabiŋ.

Anôtô kêkêŋ moasiŋ gêdêŋ aê, tec jasôm êndêŋ amac samob êndêŋ-êndêŋgeŋ gebe Akêli taôm êlêlêc su atom. Taêm ênam nêm gêŋ ŋaŋêŋgeŋ êtôm nêm akêŋ gêwiŋ ŋadôŋ, taŋ Anôtô gêjac sam gêdêŋ amac gêdêŋ-gêdêŋgeŋ naŋ. Aêac ôliŋ ŋagêŋlêlôm taêsam gêc kêtômgeŋ ma ôliŋ ŋagêŋ tonaŋ samob sêwê kaiŋ kôm gêdêŋ- gêdêŋgeŋ naŋ. Ma aêac amboac tonaŋ. Aêac lau taêsam, mago Kilisi gêbiŋ aêac tôŋ tatu ôli tageŋ, mago ôli tageŋ tau ŋagêŋlêlôm gêdêŋ-gêdêŋgeŋ. Anôtô kêmoasiŋ aêae ŋa moasiŋ tokaiŋ-tokaiŋ. Embe tatap moasiŋ daoc biŋ lasêŋa sa, go tanam kôm tau êtôm nêŋ takêŋ gêwiŋ ŋadôŋ. Embe tatap moasiŋ sakiŋŋa sa, go tanam sakiŋ. Embe tatap moasiŋ tandôŋ lauŋa sa, go tandôŋ lau. Ŋac teŋ embe êIêŋ biŋ lau, go êŋgôm ŋapep. Teŋ embe êkêŋ to ênac sam gêŋ êndêŋ lau, go êŋgôm tonê ŋalêlôm makeŋgeŋ. Teŋ embe êtu gejobwaga, go ejop nê gêŋ topalêgeŋ. Teŋ embe taê wald lau, go êŋgôm totêtac wapigeŋ.

Lau buŋa nêŋ lêŋ ŋagôliŋ

Têmtac êwiŋ taôm totêmtac makeŋgeŋ. Akêŋ kisa êndêŋ sec ma asap ŋajam tôŋ. 10 Têmtac êwiŋ taôm lasitêwaŋa êmbiŋ amac tôŋ ma atoc taôm sa êjô taugeŋ. 11 Anam nêm kôm samob ŋadôb, anam tokam-tokam atom. Ŋalau êkac amac ŋanôgeŋ, ec anam sakiŋ êndêŋ Apômtau. 12 Akêŋ matem to têmtac ŋajamgeŋ. Aôc gêŋwapac totêmtac êpa sugeŋ, ma ateŋ mec ansiŋ sugeŋ. 13 Anôtônê lau embe sêpô lêna tauŋ, go anam êsêac sa. Aŋgôm ja lau topalêgeŋ.

14 Anam mec lau, taŋ sêjanda amac naŋ, apuc boa êsêac atom, anam mecgeŋ. 15 Têmtac ŋajam awiŋ lau, taŋ têntac ŋajam naŋ, ma ataŋ awiŋ lau, taŋ têtaŋ naŋ. 16 Taêm ênam nêm gêŋ êpi tageŋ awiŋ taôm ŋajamgeŋ. Taêm ênam gêŋ towaegeŋ atom, ansuŋ taôm êndêŋ lau ŋaôma êwiŋ. Akêli taôm êtu nêm kaucŋa atom. 17 Akêŋ sec êjô sec atom. Gêŋ taŋ ŋamalac samob sêlic ŋajam naŋ, taêm ênam ŋapep. 18 Amac taôm ênsaê, embe alic êtôm, go amoa awiŋ lau samob tobiŋmalôgeŋ. 19 O lauace, taôm akac kamocgôc atom. Aliŋ su êndêŋ Anôtônê têtac ŋandaŋ êna êtôm teto gêc gebe “Aê oc jakac kamocgôc to jakêŋ ŋagêjô. Apômtaunê biŋ tau tonaŋ.” 20 Mago “embe mo êjô nêm soŋo-soŋo, naŋ ôkêŋ eŋ êniŋ ma embe bu êjô eŋ, naŋ ôkêŋ eŋ ênôm. Ôŋgôm amboac tonaŋ, ec eŋ maja siŋ tageŋ.” 21 Sec êku aôm tulu atom, ôkêŋ ŋajam êku sec tulu.

Copyright information for `JAE