Psalms 121

Anutuac aŋgéŋ titi iguc nanaŋ selia.

(Ocmuŋ téréyaiguc eŋeŋawac legic.) Ni kicna hiwa baec boŋaiguc enʒac. Méra nénéŋa imi dimuarunec hamac? Méra nénéŋa imi baec kurumeŋ mihicŋiyec Yawe iwarunec hamac.

Inéŋ niŋu hénaga ménda tisurac géwésémaŋ. Galeŋga iminéŋ gau niŋac sicgéturuc ménda wammac. Israel héŋgaleŋ wammianʒac inéŋ sicgéturuc me gau yanda ménda hemac.

Yawe imi galeŋga kecanʒac. Yawe imi amiaga, héigaiguc nanaŋa. Imuac kaiweiguc kaiwenéŋ ménda mebiri gémmac. Waŋu siŋiiguc masonéŋ acguc ménda mebiri gémmac.
121:6Kaiweac geriwa me masoac saŋgeŋa.


Yawenéŋ galeŋgé gémma ʒérabéra mocʒoŋ yanda imuacnec aŋgéŋ tigéŋanʒac. Waŋu kekec uŋaga imi galeŋgéanʒac. Yawenéŋ keŋkeŋ hahaga imi deguc muacnec hénima hémbénaŋa galeŋgémac.

Copyright information for `KGF