Psalms 123

Ʒé siac ac goi héihéiyaniŋac ʒézéya.

(Ama téréyaiguc eŋeŋawac legic.) Kurumeŋiguc tacyac waŋanʒaŋ Miŋ Kewu guac mia ni kicna hiwa érézac. Ninʒaŋ, weleŋ qeqe merac eneŋ miŋginawac méraiguc kic hianʒu ésécnec, waŋu weleŋ qeqe embac eneŋ embac kuneŋginawac méraiguc kic hianʒu éséc kicnina imi Miŋ Kewu Anutuninawac himanec kecni ewa hia waŋ nénécmimac.

Yawe ewa hia waŋ nénécmina. Mematiti humumianéŋ kuaya qeqeya sécgé nénécmizac. Yéwéri qahac bénʒéŋnec kecanʒu ieneŋ ʒédesi nénécmima mema titi waŋ nénécmigic kekec uŋaninaiguc sécgéma hezac.

Copyright information for `KGF