Psalms 127

Anutuac mériaŋ amaiguc hicŋihicŋiya.

(Solomonac legic, ama tétéyaiguc eŋeŋawac legic.) Yawenéŋ ama ménda memaciguc imi ama meme ic ionac ai imi eŋomia wammac. Yawenéŋ ama areŋ yanda imuac demiŋa ménda galeŋ gémaciguc imi galeŋ meme ic ionac kicɋeli wamma kekec imi eŋomia wammac. Siŋunec yanda yacma ai mema kecma gau nalé ogicma hema qenʒeŋ manʒeŋ qema héla mihicŋima neanʒu imi eŋomia wanʒac. Hénia imuac mia Yawenéŋ ala waŋ énécmimia ionac imi gaugina siŋaguc énécmianʒac.

Ninʒu, naŋhécgina imi Yawenéŋ onac buŋa énécmimia. Héri qeriiguc hicŋima kecʒac imi bakia hiabia iwarunec hahaya. Kucginaguc kecma merachécgina mihicŋi énécmigic merachécgina ieneŋ imi ic kawali ionac méraiguc tewi merawa ésécnec wammu. Ic méŋ tewi ʒakoŋnéŋ hénéŋaiguc sécgéma hezac ésécnec naŋhéra kecʒu imi ʒézé ségi ségiyaguc. Imuac niŋac haʒéchéra iniguc ac gésigési ic ionac
127:5Hebiraio aciguc; saŋgulaŋiguc.
kemma ac wammu nalé imuaru gamuyaguc ménda wammac.

Copyright information for `KGF