Psalms 128

Ic hélawac héna géséhéra imi ségiségi ginaguc.

(Ama téréyaiguc eŋeŋawac legic ʒéra.) Yawe eeya héimima iwac héna acwac wamma meanʒac inéŋ ségiségiyaguc. Méraganéŋ ai mena imuac héla hicŋigéŋu newésémaŋ. Ai méŋac méŋ meanʒaŋ séc hiarudaru ségiségigaguc wammac. Amaga qeriaiguc iniŋga imi waiŋ ic héla mériaŋaguc ésécnec waŋu, nambérac hécga ʒaega lelecgéma tacma kenʒu imi eneŋ olivaŋ ic séra qeqeya ésécnec wammu. Ninʒu, Yaweac eeya héimianʒac imi hélacnec imuhuc mériaŋaguc waŋanʒac.

Yawenéŋ Zioniguc kecma mériaŋ haigémmac. Waŋu Yerusalemac mériaŋ imi kic ɋeli kecbésémaŋ nalé imuac suraiguc séc hémbésémaŋ. Esahécga hicŋigic inicbésémaŋ. Israel héna géségaiguc luae hemac.

Israelac haʒéc hécgina ménda naŋseligimu niŋac ʒéwelecgic.

Copyright information for `KGF