Psalms 24

Météré amuma ocmuŋtéréyaiguc kerembiŋ.

(Dawidiac legic ʒéra.) Baec ʒéma iwawai imuaru sécgéma hezac iwawai momac yanda ʒéma baec séc ic embac imi mocʒoŋ Yaweac buŋa wanʒu. Yawenéŋ baec qambaŋa imi konduŋ qeriaiguc
24:2Hebiraio aciguc; konduŋ qahaiguc.
haiyu naŋu doku téfara qeriaiguc
24:2Hebiraio aciguc; doku téfara qahaiguc.
miyacgéyu naŋec.

Mérénéŋ Yaweac baec boŋaiguc hia emmac? Mérénéŋ iwac baec boŋa téréya imuaru hia nammac? Mérayaiguc képésira qahac ʒéma qeri solaŋaguc kecma haka sicsaocyawac eŋeya kekec uŋaya ménda oporu keŋu ʒéselima ac ikoc ménda waŋanʒac imuhucya. Ic imuhucya imi Yaweac muru mériaŋ mema aŋgéŋ titiac Anutu iwarunec képésic solaŋ mihicŋimac. Imuhucya imi hicŋisai Yaweac hochoc wamma Yakoboac Anutu guac kic tanecgawac waŋanʒu. (Ohec) Saŋgulaŋ séc orucgina meyacgic endacmac. Saŋgulaŋ hehe selia ini mocʒoŋ imuhuc wandacgic, Miŋ Kewu edamuyagucnéŋ keremmac.

Mérénéŋ ic kewu edamuyaguc? Kuc miŋina, wandac wandac miŋina, Yawe imi mia. Yaré miŋina Yawe imi mia.

Saŋgulaŋ séc orucgina meyacgic endaru. Saŋgulaŋ hehe selia ini mocʒoŋ imuhuc wandacgic, ic kewu edamuyagucnéŋ keremmac.

10 Mérénéŋ ic kewu asac mararaŋaguc? Kurumeŋac téŋgiŋ ic ionac Yawe iminéŋ mia ic kewu edamuyaguc wanʒac. (Ohec)

Copyright information for `KGF