Psalms 70

Haʒéchéra ionarunec metecgé mimac niŋac ʒéwelerec.

(Legic galeŋawac; Dawidiac legic ʒéra, haka méŋac niŋɋelima ooya.) Anutu focdac ni metecgé nénna, Yawe focdac méra némbésémaŋ. Waŋénécmina nuac kekec uŋanawac hochoc waŋanʒu imi eneŋ gamu qeqe ʒéma gamu mamasuŋ mihicŋimu. Mebiri némbiŋ ʒé waŋanʒu imi waŋ énécmina andé andé kemma gamu mihicŋimu. Ahaec, ahaec ʒéma desizu imi waŋ énécmina gamugina niŋac wamma andé andé kendacmu.

Guac hochoc waŋanʒu imi mocʒoŋ waŋ énécmina guac niŋ wamma ségiségi wamma ewa hia nimmu. Waŋu guac aŋgéŋ titiac niŋkumuma kecanʒu imi waŋ énécmina nalé séc Anutu imi kuneŋ yanda! ʒémanec kecmu. Ni maqeqeya ʒéma météqététaŋ kecʒua. Anutu focdac hawésémaŋ.

Gi imi nuac héipucna. Ni metecgé nénéŋa imuac miŋina, sosola ménda wamma focdac hawésémaŋ.

Copyright information for `KGF