Psalms 87

Zioniguc tacyac wawaŋa imi ségiségiyaguc.

(Korawac sac taséhéra ionac legic ʒéra.) Inéŋ baec boŋa téréyaiguc tacyac waŋanʒac. Yawenéŋ Yakoboac tacyacac buŋa tosara onogicma Zionac nagu imuac siŋa niŋanʒac. Anutuac ama areŋa yanda, guac ʒéma edamugaguc ʒéanʒu. (Ohec)

Ni niŋnéŋanʒu ionac sucginaiguc Rahab
87:4Iʒipteac qara méŋ. Qac yomi yaŋ kuneŋ yanda konduŋiguc kekera imuac qara.
ʒéma Babilon hezaoc ʒémaŋ. Filisitia, Turo ʒéma Kusi imi acguc imuhucyanec Zion igucnec hicŋihicŋiya ʒéénécmimaŋ.

Eŋeŋa miŋina eŋeyaoc Zion imi meyacgémac imuac niŋac Zionac yomuhuc ʒému; Ic yomi me imi imuacnec hicŋi hicŋiya. Yawenéŋ ic embac qacgina oma ʒaŋgégina olomma ic yomi acguc imuacnec ʒémac. (Ohec)

Legic héima hirianʒu imi eneŋ yomuhuc ʒému; Doku kiwana imi mocʒoŋ guac muru hezac.

Copyright information for `KGF