Acts 25

Judaŋic jaŋe Festorao fisirâ Paulo qorickembiŋ

Festozi kia erâ šoaŋ jahec â moc Jurâ Kaisarea haeonec Jerusalem haeo fewec. Fe fisime taha bapa micne â Judaŋic fekicne erao fisirâ Paulore dâŋ âzâcnembiŋ. Ehuc mana urue-jarerâ mume Paulo Jerusalem haeo fisiocte âzâcnembiŋ. Jaŋe hatao Paulo somâckerâ qaniŋte manasuhuc kia iŋuc âzâcnembiŋ. Mupie Festozi šiŋuc jazawec: “Paulo e Kaisarea haeo kâpâcwâru ficko ŋekac” eme no ijaha biac mocwâc risie hupemu. Paulo bahacdâŋ-ticne muzo murâ ŋoŋeraonec micne bapa nohec mâmâc hurâ munšepieŋ.”

Iŋuc murâ šoaŋ 8 me 10 Jerusalem haeo jurâ Kaisarea haeo rahuwec. Izi hae fureme dâŋficko ferâ mume Paulo bafembiŋ. Ficko feme Jerusalem haeonec Judaŋic jaŋe orâŋkerâ samarierâ qorickehuc domambiŋ. Erâ qoqoricte fârine mi fuawec. Mupie Paulozi dâŋjeŋic bawahahuc šiŋuc muwec: “No Judaŋic sâcmutâc dâŋjeŋic me taha ufuŋ me Roma ŋicwofuŋ moc mi musuaekopac.” Eme Festozi Judaŋic bubiaŋ qajareocte Paulo indiŋkerâ muwec, “Go Jerusalem haeo jowacgu ferâ ira dâŋge mutarape me?” 10 Indiŋkeme Paulozi šiŋuc âzâcnewec: “Roma ŋicwofuŋte dâŋfic šine hâcne” nore dâŋ šira mutarazo” go gahac fuŋne-nane manakic, no Judaŋic wiac hehesic moc mi ejarepo. 11 No bahac me kiŋsâko moc bâfuarâ muzac, nuzo mutec sahac-nane mi sakarezapo. Jaŋe ine burecko qoricnuŋgopieŋte moczi moc bubiaŋ qajarehuc jaŋere meo sâcne mi râecnu-jâmbâŋkeocmu. Irec ši Roma ŋicwofuŋzi dâŋnane mutaraocte mukopac.” 12 Iŋuc mume Festo e ŋicfâc-ticne jaŋehec muc manac erâ Paulo šiŋuc âzâcnewec: “Ŋicwofuŋ sâkore mukomec, irec ŋicwofuŋ sâkorao razemec.”

Ŋicwofuŋ Agripazi Festo iqickeme Paulore âzâcnewec

13 Ʒoaŋ gie bapa tucne tarame ŋicwofuŋ Agripa â seŋticne Beanike jahe Kaisarea haeo hurâ Festo âgo bapic. 14 Eme jahe šoaŋ gâcne ehec ŋeŋe juju ehapire Festozi Paulore dâŋ binaŋ ecnehuc ŋicwofuŋ šiŋuc âzâcnewec: “Felikizi kâpâcwâru ŋic moc beherâ rame ŋehuc jukac. 15 Eme no fisirâ Jerusalem haeo fepe taha bapa micne â Judaŋic jaŋere soŋaŋ jaŋe norao tumaŋnehuc ŋic e qape hâmoocte munarembiŋ. 16 Munarepie no dâŋ ŋifecne šiŋuc jazapo: `Romaŋic nâŋe qoqoricte sawa ŋic moc šikare mi qikiŋneeŋgopeneŋ. Nâŋe ŋic dâŋko râekicne e mecne â dâŋrune mecne mâmâc hetumaŋ-jopapene ŋifec â ŋifec dâŋ sâckoa mueŋgopieŋ. Ž 17 Iŋuc jazape Judaŋic norao warepie izia hae fureme jaŋe â e dâŋficko bâturec-jopapo. 18 Eme jaŋe ere sâqocne qizecne moc mufuaniŋmu muhape 19 jaŋe miti-jeŋicte hehefaric dâŋ â ŋic hâmokicne moc šâŋene Jesu ere dâŋ bajumbiŋ” ŋic ere hâcne Paulozi šiŋuc muekac: `E faharewec jukac. Ž 20 Eme no dâŋ iŋucnere kâuc barâ Paulo Jerusalem haeo feme ira dâŋticne mutarapemurâ âzâcnepo. 21 Âzâcnepe Paulo e Roma ŋicwofuŋzi dâŋticne mutaraocte muwec. Eme Paulo e rara dameŋ maickeme mupe Roma ŋicwofuŋtao raocte kâpâcwâru ficko woŋec jukac.” 22 Festozi iŋuc muhuc âzâcneme Agripazi muwec: “No ŋic e hâcne dâŋ moc mume manapemurâ enarekac.” Eme Festozi muwec, “Sâcne, tomâcko manazemec.”

Paulo e ŋicwofuŋ Agripare maio domawec

23 Hae fureme Agripa â Beanike jahe eri qaraweŋ-jekichec tutumaŋ ficko fepire momori soŋaŋ kâcɋene â hae irec ŋic fekicne mâmâc bâjâpec-jofarâ fembiŋ. Fefârepie Festozi mume Paulo bafembiŋ. 24 Bafepie Festozi dâŋ šiŋuc jazawec: “Ŋicwofuŋ Agripa â ŋicfâc-nane gâcne dâŋ ŋazape mananiŋ. Ŋic domakac ši ere erâ Judaŋic wemo afecnezi Jerusalem haeo fotarie-narehuc wira owac erâ mumbiŋ, `E mi jujâmbâŋkezejec. Ž 25 No ine bahac-ticnere manape šika kiocte irec sâc mi ewec. Eme Roma ŋicwofuŋte muwecte erao sorepe raocmu. 26 Erâ dâŋ fârine basahuc ŋicbomboŋ sâkore papia qâreŋkepemurâ fâcke turuŋ ekopac. Eme irec hâcne ŋic kecši e ŋoŋerao â ŋicwofuŋ Agripa gorao râepe domakac. Eme ŋoŋe fuŋne-ticne bataniŋkepie dâŋticne qâreŋkepe razejec. 27 No kâpâcwâru ŋic moc kiŋticnere dâŋ mi qâreŋkehuc Roma haeo mâc sorepe raocte manape quŋkekac.”

Copyright information for `KMG