John 16

Motec jaŋe šika kiniŋmu

“Juku wiac eŋarepie manapie ririsi ezacte dâŋ i qanaŋ ŋazakopac. Jaŋe mitific sakare-ŋareniŋmu. Erâ wâc dameŋ moc maickeocmu, ira Anuture gie baŋgopeneŋ muhuc qâhâmoc-ŋopaniŋmu. Jaŋe Mamac mecne no mecne mi šâŋitac-nâfoeŋgopieŋte iŋuc eniŋmu. No dâŋ qanaŋ ŋazakopac, i sanaŋkeme munšepieŋ: Eki mârâc jaha nâzâwec hâcne. Dâŋ i dameŋ-nane šoricne fohame mârâc biac mi ŋazapo.

Mâro e fuŋne babataniŋ

“Ʒi ine sorecnuwec erao fezo ehape ŋoŋeraonec moczi moc šiŋuc mi wio-narekac: `Go wena racmu? Ž Dâŋ iŋucne ŋazakopacte mâc busâqoczi maŋŋeŋic fusucmakac. No dâŋ jâmbomac mupe mananiŋ: Risie fepemu i ŋoŋerao fârine fuaocte fepemu. Mi fezapo muzac, neŋgoc ŋesiŋzi mi wahazac. Ferâ ine sorepe wahaocmu. Waharâ ŋic fuŋne bataniŋke-jareme šiŋuc mananiŋmu: Kiŋ fokac â tiŋke biaŋ fokac â okacne dâŋ mumutara fokac. Kiŋte fuŋne šiŋucko mananiŋmu: Jaŋe no mi manasiŋnueŋgopieŋ. 10 Tiŋke biaŋte fuŋne šiŋucko mananiŋmu: No Mamactao risie fepe mocwâc mi honecnuniŋmu. 11 Okacne dâŋ mumutara irec fuŋne šiŋucko mananiŋmu: Mâreŋ širec ŋicbomboŋ okacne dâŋ biac mutaracnekicne.

Mâro e jojowa-nâŋec

12 “Dâŋ ŋaŋazane bocjaha fokac, erâ dameŋ šiŋuczia ŋazape wemocko amecke-fâreniŋmu. 13 Dâŋ fâri qizecnere Mâro eki ine waharâ dâŋ fâri qizecnere šâkâŋko bâutuc-ŋopaocmu. E jahacne maŋte dâŋ mi ŋazaocmu, mutâcnecnekicne sâc ŋazaocmu, erâ juku wiac fuaocmu i wâc mufua-ŋareocmu. 14 Dâŋ i no nahacne rowaŋkonec rorâ mujaŋgeŋke-ŋareme nore huriri qâreŋ fuaocmu. 15 Mamactao wiac fokac Irec rune no. Irec hâcne mupac, `Nore rowaŋkonec rorâ mujaŋgeŋke-ŋareocmu.'

Jesu e rarâ wâc risie wareocmu

16 “Dameŋ bembeŋne fokac, i tarame rape basacnuniŋmu. Erâ irec faicnao dameŋ bembeŋne jaha wâc fokac, i tarame warepe honecnuniŋmu.” 17 Iŋuc mume motec jaŋe nazaŋ gazaŋ erâ šiŋuc mumbiŋ: “Weniŋucte dâŋ kecšiŋuc mukac? `Dameŋ bembeŋne fokac, i tarame rape basacnuniŋmu, erâ irec faicnao dameŋ bembeŋne jaha wâc fokac, i tarame warepe honecnuniŋmu. Ž Á moc šiŋuc mukac: `Mamactao fepemu. Ž ” 18 Iŋuc murâ harierâ mumbiŋ: `à `Dameŋ bembeŋne fokac,Ʒ iŋuc wemocte mukac, nâŋe kâuc baŋgopeneŋ.” 19 Wiocnezo epie Jesuzi hone tarac-joparâ šiŋuc jazawec: “Dâŋ kecšiŋuc ŋazapacte muc manac eŋgopieŋ, `Dameŋ bembeŋne fokac, i tarame rape basacnuniŋmu, erâ irec faicnao dameŋ bembeŋne fokac, i tarame warepe honecnuniŋmu. Ž 20 No jâmbomac jâmbâŋ ŋazape: Ŋoŋe ki mamakuc ehapie miti tâmiriczi šeri eniŋmu. Ŋoŋe busâqocko juniŋmu, ehame busâqoc-ŋeŋiczi ŋerisieme bubiaŋ fuaocmu. 21 Ŋokac moc e motec roocte dameŋne maickeme šâic manaocmu. Izi motec rome šâic omaeme, ɋâric fuajec irec bubiaŋ manaocmu. 22 Eme ŋoŋe iŋuc jaha dameŋ šiŋuczia bušâichec juniŋmu. Juhapie mocwâc risierâ honec-ŋopape bubiaŋ bâfuaniŋmu. Eme bubiaŋ i moczi mi qâsua-ŋareocmu. 23 Eme dameŋ ira wiac mocte mi kâuc barâ wio-nareniŋmu. No jâmbomac jâmbâŋ ŋazape: Ŋoŋe Mamac wiac mocte numucnepie šâŋe-nanere erâ ŋareocmu. 24 Juwarembiŋ ira nore šâŋe bajuhuc mi numu jumbieŋ. ši ine numurâ ropie bubiaŋ-ŋeŋiczi fua sawec erâ fufuse fozejec.

Jesure šâŋe bajuhuc numuzo

25 “Dâŋ ŋaza warehuc jupo i suŋsuŋne qahuc ŋazapo. Juku dameŋ moc maickeocmu ira ine dâŋ suŋsuŋne mi muhuc, Mamacte fuŋne mâc mutaniŋkerâ ŋazapemu. 26 Dameŋ ira šâŋe-nane bajuhuc numupie noni ŋoŋe bâsâoc-ŋopahuc Mamac ââzâcne i mi epemu. 27 No Mamactaonec wahapo, dâŋ i mana šakiehuc maŋjauŋ enareeŋgopieŋte Mamac e jahac wâc iŋuc jaha maŋjauŋ eŋareekac. 28 No Mamac beherâ mâreŋko wahapo, eme ši mâreŋ beherâ Mamactao mocwâc fekopac.” 29 Iŋuc mume motec jaŋe šiŋuc âzâcnembiŋ: “Ʒi dâŋ suŋsuŋne mi muhuc mâc mutaniŋkerâ nâzâkomec hâcne. 30 Irec gore šiŋuc manaŋgopeneŋ: Ŋic jaŋe mu wioc mi egarehapie go gahaczia wiac sasawa mana-fâreekic, go Anuturaonec wahameŋ i mana šakieeŋgopeneŋ.” 31 Mupie Jesuzi šiŋuc jazawec: “Ŋoŋe miŋecne mana šakieŋgopieŋ me? 32 Dameŋ moc fokac, i biac maickeme no behecnurâ siŋsaŋ qarâ ficŋeŋic sâc rafâreniŋmu. Erâ behecnupie buc mi jupemu, Mamaczi nohec jukacte buc jâmbâŋ mi jupemu. 33 Nore wamazi ŋoŋerao foocte dâŋ iŋucne ŋazakopac. Ŋoŋe mâreŋko šârâ hâriŋ faio jueŋgopieŋ, eme noni mâreŋte micne momori fozukopacte ŋoŋe hâbi-ŋeŋichec junšepieŋ.”

Copyright information for `KMG