Luke 17

Sâqocnere suru jâiŋ mi ezo

(Mat 18: 6-22” Maò 9: 42)

Jesuzi motecfâcne dâŋ moc šiŋuc jazawec: “Sâqocnere suru jâiŋ fufua i fuaocmu. weniŋuc mâc foocmu. Á ŋic moc sâqocnere suru jâiŋ bâfuaocmu, jei, e ine wemo ecnezo¡ E ŋic hujukicne suru jâiŋ ejarezacte buse sâko upenao qonaŋkecnerâ hâwecko sârockepie hume muzac, izi wiac aafecne fuacnekac ezac. Ŋoŋe soŋaŋ babac ehuc junšepieŋ. Âgoge moczi bahac bâfua-gareme tutuc qacnezemec. Tutuc qacnetec manarâ busâqoc bâfuame kiŋticne behecnezemec. Erâ šoaŋ mocjahao bahac arecne 7 bâfua-gararâ arec 7 gorao fisirâ muocmu, `Âgo, iŋuc egarepacte bunane sâqorekac,Ʒ eme go irec sâc jaha wâc kiŋticne behecnehuc juzemec.”

Mamanasiŋte dâŋ

(Mat 17: 20” 21: 21” Maò 11:23)

Aposolo jaŋe Wofuŋ šiŋuc muhuc numucnembiŋ: “Go mamanasiŋ-nâŋec basawe-nârezemec.” Mupie Wofuŋzi šiŋuc jazawec: “Mamanasiŋ fârine piicne mac, šocšu hândâŋ iŋucne mac foŋareme muzac, ine nemuja jâc kecocni, ŋeunuckerâ tararâ hâwecko huŋ domaocte âzâcnepie eki micŋeŋic reŋkerâ iŋuc ezac.

Ŋiczi Wofuŋte gie bâpârâckeeŋgopeneŋ

“Ŋoŋeraonec moc e kiŋaŋ motec-ticne gie baku me bulimakao soŋaŋ juku owâ ririŋte fisime šiŋuc sâcne âzâcneocmu me? `Go ficko wefu ŋehaŋte nânâ rike bâmoc egarepe. Ž Aricne, e šiŋuc âzâcneocmu: `Ajoc, kambaŋ ɋaɋacne qarâ ŋafere nânâ rike ŋec enaretec nahape šâhec go gahacne rike nâc ezemec. Ž Eme kiŋaŋ motec e gie mucnekicne i sawa bame bomboŋ-ticnezi mâc maname taraocmu, â muteŋ bâteŋ ine wemocko ecneocmu. 10 Eme ŋoŋere fuŋne ijaha fokac. ŋoŋe wiac muŋarekicne i efârerâ šiŋuc munšepieŋ: `Nâŋe kiŋaŋ motec ba bititicne, wiac munârekicne i Sawa mac epârâckeŋgopeneŋ. Ž ”

Ŋic 9 fâsâerâ qâoma embiŋ

11 Jesu e Jerusalem haeo raocte Galilaia mâreŋ fotâcnerâ Samaria mâreŋ qaŋeŋnao fisiwec. 12 Fisirâ hae mocko fehame ŋic wicsanaŋ-jeŋichec 10 jaŋe honerâ taic domahuc 13 wira wâwâsic ecnehuc mumbiŋ: “O Qaqazu Jesu, go nâŋere mac buge sâqoreoc.” 14 Eme honec-joparâ šiŋuc jazawec: “Ŋoŋe rarâ sahac-ŋeŋic taha bapa jowatunšepieŋ.” Mume jaŋe raha rahapie sahac-jeŋic fâsâewec. 15 Eme jaŋeraonec mocsâkoazi sahacne fâsâeme honerâ risiewec. Risierâ hahaŋne bahuc Anutu muteŋkehuc 16 Jesure kikefuŋko fodaperâ daŋge âzâcnewec. Eme ŋic e Samaria mâreŋkonec 17 Eme Jesuzi šiŋuc muwec: “Ŋic 10 fâsâembieŋ, gâcne sâko 9 jaŋe weni? 18 Jaŋe risierâ Anutu daŋge âzâcneniŋte mi muhuc mâc qâoma erâ rahapie ŋic qâpuc keczi e mocjahazi warekac me?” 19 Iŋuc murâ ŋic e šiŋuc âzâcnewec: “Mamanasiŋgere biaŋkekomec, irec fahare rac.”

Jesu fifisiticnere dâŋ

(Mat 24: 23-41)

20 Farisaio jaŋe Jesu wiocnerâ mumbiŋ: “Anuture uucmaŋ wezimucko fua tâcneocmu?” Eme jazawec: “Anuture uucmaŋ tâtâc mi fuaocmu, 21 irec wemocko honerâ šiŋuc muzo: `O šira fuakac, o ocna fuakac. Ž Manaŋgopieŋ, Anuture uucmaŋ i ŋondeŋ-ŋeŋicko fuawec fokac.”

22 Erâ motecfâcne šiŋuc jazawec: “Juku dameŋ moc maickeocmu ira ŋic Fâri Wâtuŋne e šoaŋ mocjaha tâtâcko fuame honeniŋte eŋare-bipieha sifu mi honeniŋmu. 23 Dameŋ ira kecšiŋuc ŋazaniŋmu: `O šira nâŋerao fuakac, o ocna jaŋerao fuakac. Ž Mupie mi ranšepieŋ â manapie jâmbomac mi ezejec. 24 Bâbâric e sambâŋ ŋifec bâricneme ŋifec qâninipe-fâreekac, irec sâc ŋic Fâri Wâtuŋne ere fifisi fuazokac. 25 Qanaŋ ine ŋicguru ši jaŋe Ŋic Fâri Wâtuŋne râpeckepie šâic gie sâko baocte mucnekicne. 26 Noa juwec dameŋ ira ŋic jaŋe wiac embiŋ ijaha Ŋic Fâri Wâtuŋne ere fifisi dameŋ maickeha enšoŋgopieŋ. 27 Jaŋe nânâ qowi nâmbiŋ, huc šocšu nâmbiŋ, ŋokac nareŋ gareŋ embiŋ. Qâoma iŋuc hâcne ehuc juhapie Noa wokeo feme rumi sâkozi fisirâ šeŋgoma bârârâŋ-jopawec. 28 Á Loti juwec dameŋ ira iŋuc jaha embiŋ. Jaŋe nânâ qowi huc šocšu i nâmbiŋ, wiac nareŋ gareŋ i embiŋ, gie hesac qasarac i embiŋ, fic gie bapa i bambiŋ. 29 Iŋuc ehuc juhapie Loti e Sodom hae râpeckeme sambâŋkonec kâmbâc â šoc wahame ŋic šeŋgoma sipirickembiŋ. 30 Ŋic Fâri Wâtuŋne e juku fua taniŋkezokac dameŋ ira ŋic jaŋe sâc ijaha eniŋmu. 31 Eme ira moc e hae šoŋao juocmuzi ficmaŋ-ticnao mi risie ferâ mafa-ticne rozejec, â moc e gieo juocmuzi haeo mi risiezejec. 32 Ŋoŋe Loti ŋonâŋ-ticnere manasunšepieŋ. 33 Moc e juju-ticne ŋezickezo mume sifuckecneocmu, â moc e juju-ticne qikiŋneme e fuacneocmu. 34 No mupe mananiŋ, ŋafe ira ŋic jajahec fofo wirec fohapire moc rohuc moc qikiŋnezo. 35 Ŋokac jajahec nânâ sufiehuc ŋehapire moc rohuc moc qikiŋnezo. [ 36 Ŋic jajahec gieo domahapire moc rohuc moc qikiŋnezo.]” 37 Jesu e dâŋ i mufâreme motec jaŋe wiocnerâ mumbiŋ: “Wofuŋ, i wena fuazokac?” Eme muwec, “Âsu gâreczi keŋwipe fârecjopame fisirâ tumaŋneeŋgopieŋ.”

Copyright information for `KMG