Luke 20

Jesu â micne bapa eesâic embiŋ

(Mat 21: 23-27” Maò 11: 27-33)

Ʒoaŋ gie bapa mocko Jesuzi taha ufuŋko ŋic miti jaza qazuc ehuc juhame taha bapa micne â miti qaqazu â soŋaŋ jaŋe erao rarâ šiŋuc âzâcnembiŋ: Go nâzâc, šira wiac eekic, i more micte eekic? Mozi iŋuc ecmurâ mugareme eekomec?” Mupie jazawec, “No iŋuc jaha dâŋ moc wio-ŋarepe nazaniŋ, Johanere Miti Opâ gie i wenirec fuawec, sambâŋkonec me qickonec? Ž Iŋuc jazame jaŋe jaŋackoaŋ šiŋuc muhuc nazaŋ gazaŋ embiŋ: “Nâŋâc `sambâŋkonec fuawec, iŋuc mupene muocmu, `Hâc, eme wemocte dâŋticne mi mana šakiembiŋ? Ž Me `ŋickonec fuawec', iŋuc mupene ŋic sasawa jaŋe manarâ qânâzi hehâmoc-nâponiŋmu. Jaŋe Johanere manapie porofete fârine ekac i!” Irec Jesu šiŋuc âzâcnembiŋ: “Hece, nâŋe Miti Opâ-ticnere fuŋne mi manaŋgopeneŋ.” Mupie Jesuzi šiŋuc jazawec: “Wiac murâ sâcne, eme noni iŋuc jaha, more micte šira wiac eekopac, okacne wâc mi ŋazapemu.”

Waiŋ gie soŋaŋ sâqocne

(Mat 21: 33-46” Maò 12: 1-12)

Jesu e ŋic dâŋ herâricne moc šiŋuc jazawec: “Ŋic moczi waiŋ gie sarawec. Sara-fârerâ soŋaŋ râec-joparâ mâreŋ wiwicko rarâ ira dameŋ šoricne juwec. 10 Juku fârine fufua dameŋ maickeme kiŋaŋ motec moc fârine tucne roocte soreme ra fisime soŋaŋ jaŋe qa imac ecnerâ jâpepie metariŋ risiewec. 11 Risieme runezi harierâ kiŋaŋ motec moc soreme rame iŋuc jaha wiac gâgâpâcne ecnerâ jâpepie metariŋ jaha risiewec. 12 Eme runezi harierâ kiŋaŋ motec moc soreme jaŋerao fisime šâpâ qarâ tuŋkembiŋ. 13 Iŋuc epie waiŋ gie runezi manarâ muwec: `Ʒi wenac epe? Joroc ŋokâ-nane sorepe rame araŋ bacneniŋmu mecne. Ž 14 Eme soŋaŋ jaŋe ine ŋokâ-ticne honerâ nazaŋ gazaŋ erâ mumbiŋ, `Eki hâcne juku gie ši rauckeocmu, murâ qapene gie ši nâŋâcne ezejec. Ž 15 Iŋuc murâ kâteo tuŋke tuŋke rarâ qâhâmombiŋ. Eme gie rune e soŋaŋ weniŋuc ejareocmu? 16 Manaŋgopieŋ, e warerâ soŋaŋ iŋucne jopa qâhâmoc ejarerâ gie-ticnao soŋaŋ furune râec-jopaocmu.” Eme jaŋe manarâ mumbiŋ, “Aricne, iŋuc mi ejâmbâŋkezo.” 17 Mupie Jesuzi hone dendeŋ-jopahuc muwec: “Miti dâŋɋâreŋ moc kecšiŋuc fokac i fuŋne weniŋucte?

`Ficbapa ŋic jaŋe wâtuŋ surehuc behembiŋ,
wâtuŋ izi mi jâmâ wâtuŋ ezejec i!'
18 Ŋic moczi jâmâ wâtuŋ ira herâ sahac-ticne imackeocmu, â wâtuŋzi ŋic mocte faio waha qaocmu ine qâgâreckeocmu.” 19 Iŋuc mume miti qaqazu â taha bapa micne jaŋe šoaŋ ijaha kâpâcwâru baniŋte mumbiŋ. Jesu e dâŋ suŋsuŋne jaŋere muwec, i mana tararâ iŋuc ecnezo murâ ŋic jaŋere hâwic-jopame behembiŋ.

Jesu moneŋte esâickembiŋ

(Mat 22: 15-22” Maò 12: 13-17)

20 Eme jaŋe Jesure ruc bahuc doc bapa ŋic erao sorec-jopapie rambiŋ. Eme ŋic izi hâcne miti hawari juhuc Jesu dâŋzi bitiŋ bacnepie kime kiarao râeniŋte 21 mu esâic ecnehuc mumbiŋ: “Qaqazu, nâŋe gore fuŋne manaŋgopeneŋ, go dâŋ sâcne nâza qazuc eekic, erâ fekicne fosâoc-jopahuc dâŋ mi muhasickeekic, ehuc Anuture hata jâmbomacko mutiŋne-nâreekic. 22 Irec mutec mananaŋ, Roma ŋicwofuŋ takesi moneŋ râcnepene sâckeekac me mâcne?” 23 Mupie eeatuc-jeŋicte fuŋne mana tararâ muwec, 24 “Ŋoŋe siliwa moneŋ moc bâfuarâ nowatupie honepe, ira more hawari â qâreŋ fokac?” Eme jaŋe mumbiŋ, “Roma ŋicwofuŋte.” 25 Eme jazarâ muwec: “Murâ ŋicwofuŋte biŋe i ŋicwofuŋ râcnenšepieŋ, â Anuture biŋe i Anutu râcnenšepieŋ,” 26 Iŋuc mume jaŋe dâŋticne batackerâ wemocko ŋic jaŋere maio qorickenšapiŋ. Irec mâc wareckerâ dâŋjeŋic fâsâewec.

Hâmockonec fafaharere Jesu esâickembiŋ

(Mat 22: 23-33” Maò 12: 18-27)

27 Jaŋe rahapie sadukaio ŋic gâcne Jesurao fisimbiŋ. Ŋic i jaŋe, hâmockonec fafahare mi fokac, iŋuc muhuc jumbiŋ. 28 Jaŋe hâcne fisirâ Jesu dâŋ šiŋuc muhuc âzâcnembiŋ: “Qaqazu, Mose e dâŋ kecšiŋuc mutâcnewec, `ŋic moczi ŋokac rorâ ɋâric-ticne mi fuahame hâmome ɋanezi hozec-ticne rorâ hahac-ticnere biŋe ɋâric bâfuazejec. Ž 29 Eme hahac ɋa 7 jumbiŋ, ehuc mârâc hahac-jeŋic ŋokac rorâ ɋâric tâmiric jurâ hâmowec. 30 Hâmome ɋanezi hozec-ticne rorâ iŋuc jaha hâmowec. 31 Hâmome ɋaticne moczi hozec i jaha rowec. Iŋuczi iŋuc hahac ɋa 7 jaŋe ŋokac i jaha rorâ ɋâric tâmiric hâmo-fârembiŋ. 32 Eme šâhecko hozec-jeŋic iŋuc jaha wâc hâmowec. 33 Eme ŋic 7 jaŋe mâmâc sasawa ŋokac ijaha rombiŋte juku fafahare dameŋko more ŋonâŋ ezokac?” 34 Mupie Jesuzi šiŋuc jazawec: “Dameŋ šiŋuczia šira mâreŋko ŋic ŋokac roroc eeŋgopieŋ. 35 Juku dameŋ sâkoo Anutuzi mana-jareme sâckeha juju sanaŋte ɋârerâ faharenšoŋgopieŋ, ŋic ŋokac i jaŋe ine roroc mocwâc mi enšoŋgopieŋ. 36 Wemocte? Jaŋe hâmockonec faharerâ Anuture naru motecfâc ehuc aŋelo jaŋe iŋucne hâmo hetiric mi ehuc furu jaha junšoŋgopieŋ. 37 Hâmokicnezi ɋârerâ faharenšoŋgopieŋ, i Mosezi wâc šocbâruŋ jâc dutunao fuawec irec binaŋko mufuawec. E Wofuŋte šiŋuc qâreŋkewec: `E Abraham â Isaka â Jakobo jaŋere Anutu. Ž 38 Ine hâcne, e hâmokicne jaŋere Anutu mâcne, e ɋâricne juju jaŋere Anutu, eki maname mâmâc sasawa jujune eŋgopeneŋ ekac hâcne.” 39 Jesu e iŋuc muhuc jazame miti qaqazu gâcnezi mumbiŋ, “Qaqazu, go dâŋ mutecne biaŋkekac.” 40 Eme mocwâc mu esâic ecneniŋte manapie ŋemâckeme behembiŋ.

Jesu e jahac Kristore esâic-jopawec

(Mat 22:41-46” Maò 12: 35-37)

41 Eme Jesuzi šiŋuc muhuc esâic-jopawec: “Kristo e Dawidire ɋâric mueŋgopieŋ i weniŋucte? 42 Dawidi e jahac miti mânec ɋâreŋkehuc kecšiŋuc muwec: `Wofuŋ e nore Wofuŋ šiŋuc âzâcnewec: Go ware fâre-naneo ŋehaŋte 43 no râsifâcge kikefuŋgao guruc-jopape kikegere ââtesiŋ enšepieŋ. Ž 44 Dawidi e Wofuŋ-nane mucnewec izi weniŋuc erâ ɋâric-ticne ekac?”

Farisaio jaŋere uŋ jazawec

(Mat 23: 1-36” Maò 12: 38-40” Luë 11: 37-54)

45 Eme motecfâc-ticne ŋic maioa dâŋ decšiŋuc jazawec: 46 “Ŋoŋe miti qaqazu jaŋere juju mi junšepieŋ. Jaŋe ŋaqi šora rojuhuc hatao ŋic bâfuac-jopapie mu šeri ejareniŋte maŋjeŋic domaekac. Ehuc mitificko â tutumaŋ ficko ŋicbomboŋ ŋeŋeoa micne ŋeniŋte mueŋgopieŋ. 47 Iŋucnezi hozec jaŋere fic wiac kâŋgâc jowac roeŋgopieŋ, erâ nunumu šorazi hehesicjeŋic hefackeeŋgopieŋ. Ŋic i jaŋe juku okacne hâhâwicne ronšoŋgopieŋ.

Copyright information for `KMG