Luke 4

Sataŋzi Jesu esâickewec

(Mat 4: 1-11” Maò 1: 12-13)

Jesu e Tiri Mârozi maŋne fusucmarâ ecneme Jordaŋ opâ beherâ mâreŋ tuhuo rawec. Ira ŋafe šoaŋ 40 ju fofo ehuc juhame Sataŋzi esâickehuc juwec. Eme dameŋ ira nânâ tâmiric sasawa juku nânâre hâmowec. Ehame Sataŋzi šiŋuc âzâcnewec: “Go Anuture Ŋokâ jukomecko mutec qânâ šizi nânâ eoc me!” Mume Jesuzi šiŋuc âzâcnewec: “Aricne, dâŋqâreŋ kecšiŋuc fokac: ŋiczi nânâre sawa mi juhâmoocmu.” Eme Sataŋzi tiki šoricne mocko jowa ferâ mâreŋte faio ŋicne ŋicne ŋicwofuŋfâc-jeŋichec jurambiŋ i beraŋnea jâutu-fârewec. Ehuc šiŋuc âzâcnewec: “Tâpiri â šâŋe biŋe fojare rakac keci go gare-fârepemu. I nore meo râekicnere e me e râcnezo murâ sâcne râcnepemu. Irec go maŋfuŋ-naneo fodaperâ numu-naretec gore efâreocmu.” Mume Jesuzi dâŋ šiŋuc bâtikiecnewec:

“Dâŋqâreŋ kecšiŋuc fokac:
`Wofuŋ Anutuge dieŋzi herâ numucnezo
â e mocjaha kiŋaŋ qacnezo. Ž ”
Eme Sataŋzi Jesu Jerusalem haeo taha ufuŋ bupu faio râerâ šiŋuc âzâcnewec: “Go Anuture Ŋokâ jukomecko širec tara huc. 10 Dâŋqâreŋ moc šiŋuc hâcne fokac:

`E aŋelofâcne mejeŋicko râecgume ŋezicguniŋmu',
11 â moc šiŋuc

`Jaŋe mefaio bahucgupie qânâzi kikege mi heocmu. Ž ”
12 Eme Jesuzi šiŋuc âzâcnewec: “Wofuŋ Anutu penaroŋ ecnehuc mi esâickezo.” 13 Sataŋ e iŋuczi iŋuc eku esâicke tararâ beherâ dameŋ mocte woŋec juwec.

Jesuzi Nazarete haeo miti muwec

(Mat 4: 12-17” 13: 53-58” Maò 1: 14-15” 6: 1-6)

14 Jesu e Mârozi neŋgoc ŋesiŋ ŋecnehame Galilaia mâreŋko risiewec. Risieme biŋe-ticne hae sâc rafârewec. 15 Eme ira mitificne ficne miti jazame muac baafec ecne-fârembiŋ. 16 Juraku sosoka hae-ticne Nazarete ira iŋuc jaha fisirâ sabata hombaŋko mitificko fewec. E hombaŋ sâc iŋuc ejujec. Ferâ miti wose-jareocte fahareme 17 porofete Jesaja ere papia râcnembiŋ. Râcnepie qaratierâ dâŋ šiŋuc fowec i bâfuawec:

18 Wofuŋte Mârozi norao waharâ
rua-narehuc gie šiŋuc munarewec:
ŋic hujukicne Biŋebiaŋ jazazo,
kâpâcwâru bacjopakicne firuec-jopazo,
šâŋe tiŋtuŋ šâŋe fifi bacjopazo,
keke suec suec ejarekicne hefârec-jopazo,
19 â Wofuŋte dameŋ biaŋ maickekac irec biŋedâŋ muzo.”
20 Dâŋ iŋuc woserâ papia bazurâ kiŋaŋŋic râcnerâ waha ŋewec. Ŋehame ŋic mitificko ŋembiŋ jaŋe mâmâc sasawa erao šâŋe fifârembiŋ. 21 Eme dâŋ šiŋuc fuŋkerâ jazawec: “Mitidâŋ wosepe manaŋgopieŋ i miŋecgac fârine fuakac.” 22 Mume jaŋe qâtâc herâ dâŋticne manapie aŋac šizine eme wareckerâ mumbiŋ: “Hâc, e Josefere ŋokâ i!” 23 Eme eki šiŋuc jazawec: “ŋoŋe nore dâŋ suŋsuŋne qahuc šiŋuc mecne mueŋgopieŋ: Dokta go fuŋnege bataniŋkec, Kafanaum haeo gie batec biŋene manaeŋgopeneŋ, ijaha šira mame sâko haegao batec honenaŋ me!” 24 Iŋuc murâ muwec: “No jâmbomac ŋazape: Porofete moc e jahacne haefuŋko âgo sâcne mi ecneeŋgopieŋ. 25 Erâ jâmbomac ŋazape: Elia juhame šoaŋ sâko jara jahec â moc â mosa 6 qakume roroc fuarâ mâreŋ sâckerâ fowec. Eme dameŋ ira Israe mâreŋko hozec bocjaha juipiehapie 26 Anutuzi Elia Zarefati haeo Sidoŋ mâreŋko qâpuc hozec moc juwec erao soreme rawec. 27 Erâ porofete Elisa juwec dameŋ ira Israe mâreŋko wic sanaŋheczi bocjaha jumbiŋ. Eme jaŋeraonec moczi mi fâsâehame Naemaŋ Siria mâreŋkonec e mocjahazi fâsâewec.” 28 Iŋuc muhuc jazame mitificko ŋembiŋ jaŋe dâŋ i mana gâpârerâ 29 faharerâ hae râpeo tuŋke hurâ hae-jeŋic ŋewec tiki irec tapinao jowa ferâ hârâc mecko bararâ ira behepie huocte muhapie 30 eki ŋondeŋ-jeŋicko fosiroŋnerâ rawec.

Jesuzi Kafanaum haeo gie-ticne bawec

(Mat 4: 13” Maò 1: 21-28)

31 Eme raku Galilaia mâreŋko hae moc šâŋene Kafanaum ira fisirâ sabata hombaŋko miti jaza qazuc ewec. 32 Eme e runezi miti muŋɋârâŋkehuc mume jaŋe manapie bu ââkecnehec ewec. 33 Eme mitificko ŋic demoŋ repicnehec moc ŋewec. E Jesu honerâ kâcɋene owackehuc muwec: 34 “Jei, Jesu Nazarete rune, go nâŋere jujuo wemocte warekomec? Go sipiric-nâpocmurâ warekomec me? No šâŋitacgukopac, go Anuture Tiriŋic.” 35 Iŋuc mume Jesuzi dâŋ mucnerâ muwec, “Go niniŋkerâ ŋickonec wefu rac.” Mume demoŋzi ŋic âtetuŋkeme ŋicŋondeŋko hurâ qaha wefu rawec. Ehuc ŋic e ine qa qâpuriŋ mi ecnewec. 36 Eme jaŋe bipic-jeŋic tarame nazaŋ gazaŋ erâ mumbiŋ: “Hâc, dâŋ keci weniŋucne? E tâpiri sâkoheczi demoŋ dâŋ jazame wefurâ wiseeŋgopieŋ!” 37 Eme biŋe-ticne hae rârec rârec rafârewec.

Petoro safeŋ-ticne â ŋic gâcne ɋiɋic bacjopawec

(Mat 8: 14-17” Maò 1: 29-38)

38 Jesu e mitifickonec waharâ Simoŋte ficko fewec. Ira Simoŋ safeŋ-ticne huc šocnehec bame fowec. Eme ere erâ Jesu âzâcnembiŋ. 39 Eme eki fowecko raširâ erao daperâ huc dâŋ mucneme behewec. Eme ŋokac e biac faherâ nânâ rike gumec ejarewec.

40 Ʒoaŋ ŋetarame ŋic jaŋe âgofâc-jeŋic huc šâichec Jesurao bacjopa warepie qizec-jeŋicko meticne râerâ huc šâic bâniniŋke-jarewec. 41 Erâ demoŋ jâpe-jareme ŋicmaŋkonec wefurâ owa kâcɋene ehuc šiŋuc mumbiŋ: “Go Anuture Ŋokâ.” Jaŋe fuŋne-ticne šiŋuc manambiŋ, e Kristo. Eme i mujaŋgeŋkenšipiŋte mu hezuc ejarewec.

42 Hae fureme fickonec waharâ mâreŋ râricne mocko ra juwec. Eme ŋic jaŋe basaku bâfuarâ jaŋehec juocte sakarezo mupie 43 šiŋuc jazawec: “No hae sâc ŋic Anuture uucmaŋ irec Biŋebiaŋ jazazepac, no gie irec hâcne sorecnukicne.” 44 Iŋuc murâ Judaŋic jaŋere mitific ŋerawec sâc jufârehuc miti jaza rahuc jujujec.

Copyright information for `KMG