Luke 5

Jesure micte qowi bocjaha rombiŋ

(Mat 4: 18-22” Maò 1: 16-20)

Ʒoaŋ mocte Jesuzi Genesarete riqic moŋgeŋnao juhame ŋic Anuture dâŋ mananiŋte fisirâ qazu orâŋ mâretec ecnembiŋ. Ehame moŋgeŋko woke jajahec ŋepic, rune jaŋe ine wokeonec waharâ wasaŋ-jeŋic šurehuc domambiŋ. Eme Jesuzi woke i hâcne honerâ moc Simoŋte biŋe ira ferâ mume piticne âke sueme rame miti jaza qazuc ehuc ŋewec. Jaza qazuc efârerâ Simoŋ šiŋuc âzâcnewec: “Riqic šâšâŋiŋko rarâ wasaŋ behepie qowi jowaoc.” Mume Simoŋzi šiŋuc âzâcnewec: “Qaqazu, nâŋe ŋafe šora wasaŋ behe-bipiehuc qowi moc mi rombeneŋ, gore micte ine sifu mocwâc behepemu.” Eme wasaŋ behepie qowi bocjaha jâmbâŋ jowame wasaŋ tâcnezo ewec. Eme fâre-bipierâ âgofâc-jeŋic woke mocko jumbiŋ jaŋe meoric qajarepie ware bafic-jopambiŋ. Ehuc qowi ropie woke jajahec huku fusucmame ŋeutuckezo epic. Eme Simoŋ Petorozi i honerâ Jesure maŋfuŋko fodaperâ muwec: “Wofuŋ, no ŋic sâqocnere behecnu rac.” Qowi guru sâko honerâ e jahacne â ŋic gâcne mâmâc manapie hâhâwicne eme iŋuc hâcne muwec. 10 Erâ e jahacne sawa mâcne, âgo jahec-ticne Jakobo â Johane, Ʒebedaiore ŋokâ, jahe iŋuc jaha ejactewec. Eme Jesuzi Simoŋ šiŋuc âzâcnewec: “Go mi hâwicguoc, go qowi rorozi ŋic roro erâ jucmu.” 11 Iŋuc mume jaŋe woke moŋgeŋko fârepie feme wiac sasawa beherâ Jesu bâjâpembiŋ.

Jesuzi ŋic wicsanaŋhec moc bâfâsâewec

(Mat 8: 1-4” Maò 1: 40-45)

12 Jesu e juku hae mocko fisirâ juhame ŋic moc wicsanaŋzi sahacne banšaŋne-fârewec, eki Jesu honerâ ware maŋfuŋnao šâŋe maine mâreŋko hetutuckerâ šiŋuc muhuc wâsickewec: “Wofuŋ, go bâsomiecnuzo murâ sâcne bâsomiecnucmu.” 13 Mume Jesuzi meticne sicnerâ sahacne bâuahuc muwec: “Mana-garekopacte fâsâec.” Mume izia sahac-ticne fâsâe-fârewec. 14 Eme Jesuzi dâŋ šiŋuc âzâcnewec: “Go irec dâŋ binaŋ ŋic mi jazahuc mâc rarâ sahacge taha bapa jâututec honezejec, ehuc fâsâekomecte Mosere micdâŋte bâzi riketec fuŋne mana taranšepieŋ.” 15 Eme ŋic fâsâewec irec biŋe hae sâc rafâreme ŋic jaŋe manarâ mitire mecne â hucte mecne qiŋ qururuŋko Jesurao fisihuc domambiŋ. 16 Fisihuc boc ecnepie mâreŋ herâricne mocko ra juhuc nunumu gie bawec.

Jesuzi šeke puriŋ moc bâpiaŋkewec

(Mat 9: 1-8” Maò 2: 1-12)

17 Ʒoaŋ mocko Jesuzi ŋic miti jazahuc juwec. Eme Galilaia mâreŋkonec â Judaia mâreŋkonec â Jerusalem haeonec farisaio â sâcmutâc qaqazu jaŋe fisirâ ŋic jaŋere ŋondeŋko mâmâc ŋembiŋ. Ŋehapie Wofuŋte tâpirizi Jesu neŋgoc ŋesiŋ ŋecnehame ŋic bâpiaŋ-jopawec. 18 Ehame mi ŋic šeke puriŋ moc kanšeo reŋke warenšepieŋ i¡ Erâ ficko baferâ Jesure maŋfuŋko râeniŋte ŋic jaŋerao hetakirembiŋ. 19 Iŋuc erâ fic bupuo baferâ bâropierâ ŋic kanšehec âke suepie ŋicŋondeŋko Jesure maio wahawec. 20 Iŋuc epie Jesuzi mamanasiŋ-jeŋicte fuŋne hone manac erâ ŋic šeke puriŋ šiŋuc âzâcnewec: “Ŋicmae, sâqocne mutâmire-garekicne.” 21 Mume miti qaqazu â farisaio jaŋe dâŋ i manarâ maŋjeŋiczi šiŋuc manasumbiŋ: “Hâc, e wemo-ticnere Anutu âkehockekac, sâqocne bâbâtâmire i Anutuzi buc eekac.” 22 Iŋuc manasupie Jesuzi maŋjeŋicko dâŋ i mana tararâ šiŋuc jazawec: “Maŋŋeŋiczi wemocte dâŋ iŋucne manasuŋgopieŋ? 23 Gie wenimo izi afecne? Ŋic šeke puriŋ šiŋuc âzâcnezo: `Sâqocnege bâtâmire-garekicneƷ me šiŋuc âzâcnezo: `Fahare rac'? 24 Ŋic Fâri Wâtuŋne e mâreŋko sâqocne bâtâmireocte tâpiri focnekac irec fuŋne hone tarariŋ.” Iŋuc murâ ŋic šeke puriŋ šiŋuc âzâcnewec: “No gazape faharerâ fofoge rorâ haegao rac.” 25 Mume izia šâŋe mai-jeŋicko faharerâ fofo-ticne rorâ haeo rahuc Anutu muteŋkewec. 26 Eme ŋic jaŋe i honerâ manapie hâhâwicne eme warecke sâqorerâ Anutu mucne bacnehuc mumbiŋ: “Miŋecgac wiac šâŋe furu fuame honeŋgopeneŋ.”

Jesuzi Lewi bâwosâewec

(Mat 9: 9-13” Maò 2: 13-17)

27 Eme Jesuzi fickonec waharâ hata rawec. Rarâ takesi roro ŋic moc šâŋene Lewi e moneŋfic-ticnao ŋehame honerâ šiŋuc âzâcnewec: “Ware bâjâpecnuc.” 28 Mume Lewi e wiac-ticne sasawa râpeckehuc fahare Jesu bâjâpewec. 29 Erâ Jesure bâzi rikerâ takesi roro â ŋic gâcne hefârec-jopame fisirâ mâmâc nâmbiŋ. 30 Eme farisaio â miti qaqazu âgofâc-jeŋic jaŋe irec manapie sâqoreme Jesure motecfâc šiŋuc jazambiŋ: “Ŋoŋe wemocte takesi roro ŋic â sâqocne bapa Jaŋehec tiwa bâzi nâŋgopieŋ? 31 Mupie Jesuzi manarâ šiŋuc jazawec: Ɋiɋicne jaŋe doktare mi mueŋgopieŋ, huchec jaŋe ine mueŋgopieŋ. 32 Ŋic tiŋne mâcne, sâqocne bapa hefârec-jopape maŋjeŋic bârisieniŋte wahapo.”

Sowa jujure dâŋ

(Mat 9: 14-17” Maò 2: 18-22)

33 Jesuzi iŋuc mume jaŋe dâŋ šiŋuc âzâcnembiŋ: “Johanere motecfâc jaŋe gâbâ jaha nânâ sowa juhuc nunumu gie baeŋgopieŋ â fârisaio jaŋerezi iŋuc jaha eeŋgopieŋ, â go gahacne jaŋe ine nânâ opâ kosa nâeŋgopieŋ.” 34 Mupie Jesuzi šiŋuc jazawec: “Ŋicwofuŋ e kikefuŋfâc-ticne jaŋehec juhame ŋoŋe sâcne ejarepie sowa juniŋmu me? 35 Juku ŋicwofuŋ jowac ropie basahuc dameŋ ira sowa juniŋmu.”

36 Iŋuc murâ dâŋ herâricne moc šiŋuc jazawec: “Mozi ŋaqi ɋâricnaonec qoruc susuc moc bâtâcnerâ ŋaqi raŋɋanao ɋâtâocmu? Moc e iŋuc erâ muzac ŋaqi ɋâricne maŋgâŋ sipirickezac â qoruc susuc ɋâricnezi ŋaqi raŋɋanao sâctiri jaha ezac. 37 Erâ wâc waiŋ opâ ɋâricne šopo raŋɋanao mi qoŋgiŋkepie huekac. Iŋuc eniŋmuo wiaŋ ɋâricnezi šopo raŋɋane âtefâuckeme waiŋ mecne šopo mecne mâmâc sipirickenicmu. 38 Irec hâcne waiŋ ɋâricnezi šopo ɋâricnao hume sâckeocmu. 39 Á moc e waiŋ raŋɋane nâku maŋne eweczi waiŋ ɋâricne šiŋuc muhuc qikiŋneocmu: Raŋɋane nâpe aŋacne ekac.”

Copyright information for `KMG