Revelation of John 21

Sambaŋ ɋâricne i mâreŋ ɋâricne fuazokac

Eme no sambâŋ ɋâricne â mâreŋ ɋâricne honec-jofapo. Sambâŋ raŋɋane â mâreŋ raŋɋane jahe ine sirowepic. Erâ hâwec iŋuc jaha arictac ewec. Eme tiri hae, Jerusalem ɋâricne hâcne, sambâŋkonec Anuturaonec wahame honepo, ŋokac biŋe moc ŋicko râeniŋte erickeeŋgopieŋ iŋuc tinac ericke emasaŋ ekicne honepo. Eme eri ŋeŋeonec dâŋ kâcɋene šiŋuc wareme manapo: “Honekic, Anuture ŋeŋe hae ŋic jaŋerao fuakac hâcne. Eki ŋondeŋ-jeŋicko ŋeŋe juju ehame jaŋe ŋicfâc-ticne erâ juniŋmu. Anutu e jahac jaŋerao juhuc šâŋeuc-jeŋic bâkereŋke-fâreocmu. Hâmoc me busâqoc me ki oowa me huc šâic ira mi fuaocmu. Wiac raŋɋanezi omae-fârewec hâcne.” Eme eri ŋeŋeo ŋeweczi šiŋuc nazawec: “Manakic, no wiac sasawa ɋâricne bâfuakopac.” Iŋuc murâ muwec: “Go qâreŋkec, dâŋ i fâri hândâŋne jâmbâŋ.” Erâ šiŋuc nazawec: “Wiac efârekicne, no bâbâni â šâhec, wiac fufuŋke â babatara. Moc e opâre hâmome no juju opâ šâkâŋkonec fiarâ katucmâc gumepemu. Moc e sasanaŋte gie baku batararâ wiac ši raucke-fâreocmu, eme noni Anutu-ticne erâ juhape eki motec-nane erâ juocmu. Hâwic bâroŋ â miti qiqikiŋ â wâwânâŋhec â šika qaqa â sasecŋic â hafec qaŋgec ŋic â nemuɋâî babaju â siocdâŋ babaju sasawa, ŋic i jaŋere ŋeŋe lambe opâre riqiczi šoc šahuc foekac ira mukicne. Izi hâmoc namba tu.”

Jerusalem hae ɋâricne sambâŋkonec wahaocmu

Eme aŋelo 7 râqâc-jeŋic sâc wiac micne momorizi fuseme badomambiŋ, jaŋeraonec moczi norao warerâ šiŋuc nazawec: “Waretec Lamare ŋokac biŋe gowatupe.” 10 Iŋuc murâ enareme maŋnane ŋerisieme tiki sâko šoricne moc ŋewec ira jowacnu ferâ tiri hae Jerusalem i sambâŋkonec Anuturaonec wahame nowatume kecšiŋuc honepo: 11 Anuture eri tatamaczi geroŋke-fârekicne. Hae irec tatamacnezi qânâ furi sâko jawa ririŋ kikicne iŋucne erâ bâric bâricneekac. 12 Qânâsac sâko šoricnezi hae râreckekac. Sac i motâc-ticne 12, erâ motâc botâŋnao aŋelo moc moc doma rapie 12 jaha ekac, erâ wâc motâc sâc Israe ŋicguru 12 jaŋere šâŋe qâreŋ forakac. 13 Ʒoaŋ wewefunaopec motâc jahec â moc domakac, mâreŋ juwicpec motâc jahec â moc domakac, mâreŋ faicpec motâc jahec â moc domakac, â šoaŋ huhunaopec iŋuc jaha motâc jahec â moc domakac. 14 Haesac irec qânâ wâtuŋ 12 doma rakac, eme wâtuŋ 12 irec ombâŋnao Lamare aposolofâc 12 jaŋere šâŋe qâreŋ 12 jaha forakac.

Jerusalem hae ɋâricnere hawari

15 Aŋelo dâŋ nazawec eki gunusâc moc golzi bakicne badomawec, izi hae â motâc-ticne â sâcticne sâc bawec. 16 Hae i tuturuŋne jahec â jahec, hâŋne otecne sâckoa. Eme aŋelozi hae rârec rârec gunusâc-ticnezi sâc bame kilometa 2 tauseŋ ewec. Hâŋne otecne â šoricne sâckoa sasawa. 17 Eme haesac ɋâfoŋ-ticnere sâc bame 70 meta ewec, ŋiczi sâc bajueŋgopeneŋ ijaha aŋelozi bajuhuc hae sâc bawec. 18 Haesac i qânâ ɋaɋacne, huririnehec izi bakicne, â hae ine goì fifimârâŋne kiruŋ ɋaɋacne iŋucne izi bakicne. 19 Haesac irec qânâ wâtuŋ i qânâ furi sâko fuŋne fuŋne findowakicne sasawa izi bakicne. Wâtuŋ namba 1 i qânâ ɋaɋacne kiruŋ tinac izi bakicne, wâtuŋ namba 2 i qânâ keŋkeŋne izi bakicne, wâtuŋ namba 3 i qânâ kedazi bakicne, wâtuŋ namba 4 i qânâ ârâŋ ɋâri izi bakicne, 20 wâtuŋ namba 5 i qânâ birâ birâ izi bakicne, wâtuŋ namba 6 i qânâ bâbâroŋzi bakicne, wâtuŋ namba 7 i qânâ âmuc âmucnezi bakicne, wâtuŋ namba 8 i qânâ buge tinac weweaŋne izi bakicne, wâtuŋ namba 9 i qânâ bâbâŋeŋzi bakicne, wâtuŋ namba 10 i qânâ râweckekicnezi bakicne, wâtuŋ namba 11 i qânâ soc tinac gogowacne izi bakicne, wâtuŋ namba 12 i qânâ qondaŋ horiki tinac izi bakicne. 21 Sacmotâc 12 i kubu furi sâko 12 izi bakicne, motâc moc i kubi moczi bakicne, motâc moc i kubu moczi, iŋuc sasawa. Hae hata i goì ɋaɋacnezi bakicne, kiruŋ iŋucne fifimârâŋne.

22 Ufuŋ ine haeo moc mi ŋeme honepo, Wofuŋ Anutu bapafâre eki ufuŋ ejareekac â Lamazi mâmâc. 23 Erâ hae i mosa šoaŋzi mi âke tamaeekac, Anuture eri tatamaczi batamaeekac â Lamazi šoc tatamac-ticne eekac. 24 Mâreŋ sâc ŋicne ŋicne jaŋe hae irec tatamackoa jufâreniŋmu, â mâreŋ sâc ŋicwofuŋ jaŋe eri boreŋ wiac-jeŋic hae ira bara-fâreniŋmu. 25 Hae i moc mi ŋafeocmu, irec sac motâcne i šoaŋkore aaŋ sasawa doma-fâreocmu. 26 ŋicne ŋicne jaŋere wiac furi sâko qame hukicne, aŋac šizine i hae ira bara-fâreniŋmu. 27 Wiac wâwânâŋhec ine moc mi raši-jâmbâŋkeocmu. Á ŋic moczi wiac mamakâcne me burec bajuocmu, e hae ira wâc mi rašiocmu. šâŋe-jeŋic Lamare juju sanaŋ papiao qâreŋkekicne jaŋe sawa rašiniŋmu.

Copyright information for `KMG