a10.1:Ex 13.21-22, 14.22-29
b10.3:Ex 16.35
c10.4:Ex 17.6; Num 20.11
d10.5:Num 14.29-30
e10.6:Num 11.4
f10.7:Ex 32.6
g10.8:Num 25.1-18
h10.9:Num 21.5-6
i10.10:Num 16.41-49
j10.16:Mt 26.26-28; Mk 14.22-24; Lk 22.19-20
k10.18:Lev 7.6
l10.20:Deut 32.17
m10.22:Deut 32.21
n10.23:1 Cor 6.12
o10.26:Ps 24.1

1 Corinthians 10

Hudee daumaha ang gi nia balu god

Ogu duaahina nei, au e hiihai bolo goodou gi maanadu ina nia mee ala ne hai ang gi tadau maadua mmaadua ala nogo daudali a Moses. Digaula huogodoo e hula i lala di gololangi dela e duuli digaula . Digaula huogodoo gu loo adu hagahumalia laa lodo Tai Mmee. a  I lala di gololangi mo i lodo di Tai, digaula gu babdais gu hai digau e daudali a Moses. Huogodoo nogo miamiami i tagadilinga meegai e dahi mai i di hagataalunga, b  gei e inu i nia wai o di hagataalunga, idimaa, digaula e inu mai i di hadugalaa o di hagataalunga. Di hadugalaa la go Christ e hana madalia digaula. c  Malaa God ne de hiihai gi di baahi dogologo o digau aalaa, deelaa di mee digaula ne mmademmade ai i lodo di anggowaa. d  Deenei laa, di mee deenei ne hai belee aago gidaadou, bolo gi hudee hiihai gi nia mee huaidu be nia mee digaula nogo hai, e  be e daumaha ang gi nia balu god, gadoo be hunu gau i digaula. Di Beebaa Dabu e helekai, “Digaula gu hai nadau hagamiami, ga libaliba, ga hai nadau gaalege mo nia huaidu ala i golo.” f  Gidaadou gi hudee hai di huaidu o di manawa manu, gadoo be hunu gau i digaula, dela ne hidi mai ai e madalua maa dolu mana(23,000) daangada ne mmade i di laangi e dahi. g  Gidaadou gi hudee hagamada ina Dimaadua, be hunu gau i digaula, ne hidi mai ai digaula ga daaligi go nia gihaa lodo henua. h  10 Gidaadou gi hudee hai tamu, be hunu gau i digaula ala ne hai beenei, ne hidi digaula, ga mmade i taaligi a tangada di langi. i  11 Nia mee aanei huogodoo ne hai ang gi tadau maadua mmaadua belee hai ai dahi ala mee ang gi digau ala i golo, gei ne hihi gi lala belee hai ai di mee e haga langahia mai gi gidaadou, idimaa, gidaadou gu noho i nia laangi hoohoo gi di hagaodi. 12 Maa goodou gu hagamaanadu bolo goodou gu tuu mau, goodou gi pula i goodou gi dee tinga. 13 Nia hagamada huogodoo ala gu tale adu gi goodou, gei e tale anga labelaa gi digau huogodoo. God le e daahi dana hagababa, mee e hagalee dumaalia adu gi goodou i nia hagamada ala e deemee di haga magedaa go goodou. Di madagoaa di hagamada, gei mee ga gowadu gi goodou di mahi i nia hagamada mo di ala dela e hula goodou gi daha.

14 Ogu ihoo hagaaloho, haga mogowaa ina goodou i di hai daumaha ang gi nia balu god. 15 Au e helehelekai adu gi goodou gu maalama, hagadina ina be maa di aha dela e helekai iei au. 16 Di ibu dela e danggee ai ge e- hai hegau ai gidaadou i lodo Tagamiami Dabu, e inu gidaadou ngaadahi i nia dodo o Christ. Di madagoaa ma ga gai di palaawaa ginigini, gidaadou ne miami ngaadahi i tuaidina o Christ. j  17 Di palaawaa hua e-dahi deenei, gei gidaadou e dogologo, gidaadou gu hai hua tuaidina e dahi, idimaa, gidaadou ne miami mai i di palaawaa e dahi.

18 Haga maanadu ina digau Israel: hunu gau e miami i nia meegai tigidaumaha, gei digaula e buni ang gi taumaha o di gowaa hai tigidaumaha. k  19 Dagu mee dela e helekai iei au, le e hai dono hadinga bolo di hai daumaha ang gi nia balu god mo nia meegai ala e tigidaumaha ang gi nia maa la dono dahidamee i golo? 20 Deeai! Nia tigidaumaha ala e hai i hongo di gowaa hai tigidaumaha digau o di bouli, la nia mee hua e hai gi nia hagataalunga huaidu, hagalee hai ang gi God. Au hagalee hiihai bolo goodou gi buni ang gi nia hagataalunga huaidu. l  21 Goodou e deemee di inu i di ibu a Tagi, mo di inu labelaa i di ibu o nia hagataalunga huaidu. Goodou e deemee di miami i teebele o Tagi, mo di miami labelaa i teebele o nia hagataalunga huaidu. 22 E hai behee, gidaadou e hiihai e hai tadau Dagi la gi dubua? Gidaadou e hai bolo gidaadou e maaloo i mee? m  23 Hunu gau e helekai boloo, “Gu dugu mai gi heia nia mee huogodoo.” E donu, gei nia mee huogodoo la hagalee humalia. “Gu dugu mai gi heia nia mee huogodoo,” gei nia mee huogodoo la ono hagamaamaa humalia ai. n  24 Goodou hudee halahala ina nia mee ala e bida hagahumalia goodou, tangada nei mo tangada nei gi halahala ina nia mee ala e mee di hagahumalia digau ala i golo. 25 Goodou e mee di gai di ingoo hua di mee ala e hui i di gowaa huihui goneiga, hudee heeuheeu e logo, maa deai dono hala adu gi godou lodo ai. 26 Di Beebaa Dabu e helekai,

“Dimaadua e hai mee gi henuailala hagatau mo ono haga honu huogodoo.” o 
27 Maa tangada dono hagadonu ai, ga gahi goodou e miami, gei goodou hula, geina nia mee a maa ala ga gowadu gi goodou, gei goodou hudee heeu ina nia meegai aalaa, maa deai dono hala adu gi godou lodo ai. 28 Maa tangada ga helekai adu boloo, “Nia meegai aanei ne tigidaumaha gi nia balu god,” malaa, hudee geina nia meegai aalaa gi dee hagadaamaha nia maanadu o tangada dela ne hagi adu gi goodou. 29 E hai beenei, ma hagalee go godou lodo, gei go lodo o tangada dela ne hagi adu gi goodou.

Tangada ga heeu, “Malaa e hai behee di noho di aumaalia o dogu manawa dela tai go nia maanadu tuai dangada?
30 Maa au ga danggee ang gi God i agu meegai, malaa tangada le e aha dela e leelee hagahuaidu i agu meegai ala gu hai ai dagu danggee?” 31 Malaa, di mee dela ga gai, be e inu, be nia mee huogodoo ala ma ga hai go goodou, heia huogodoo e haga madamada ai a God. 32 I lodo godou mouli, hudee hai dahi mee dela ga hidi ai di huaidu i baahi digau o Jew, be i baahi digau tuadimee, be i baahi digau o di nohongo dabu a God. 33 Kawe i di au. Au e hagamahi e haga manawa lamalia nia daangada huogodoo i nia mee huogodoo ala e hai ko au, hagalee hagamaanadu agu mee ala beleehagahumalia au, gei nia mee ala e hagahumalia nia daangada huogodoo, bolo gi mouli ai digaula.

Copyright information for `KPG