a4.8:Prov 10.12
b4.18:Prov 11.31

1 Peter 4

Nia mouli ala ne huli hoou

Malaa, idimaa Christ la gu hagaduadua dono huaidina, gei goodou gi maaloo labelaa be di hagamamaanadu dela ne hai go mee, idimaa, tangada dela ga hagaduadua dono huaidina, ia ne huli gi daha mo nia huaidu. Dolomeenei ga hana gi muli i di waalooloo o godou mouli, goodou gi daudalia hua di manawa o God, hagalee go nia hiihai dangada. Idimaa, di waalooloo o godou mouli mai i-mua, goodou nogo hai nia mee digau ala e noho i lodo di bouli ala e hiihai e hai. Goodou gu hai nia hagadilinga mee huaidu huogodoo haga langaadia dangada, hai be di manu, gai tagao, hai hoo huaidu, hagalongoaa, inu gi libaliba, mo nia hai daumaha ang gi nia balu god. Malaa, dolomeenei gei digau o lodo di bouli gu homouli i di godou dee buni ang gi ginaadou e hai nia hagadilinga mee huaidu aanei. Gei digaula ga helehelekai huaidu i goodou. Malaa, digaula e hai gi hagi anga ginaadou gi God, di God dela e hagi aga digau mouli mo digau mmade. Malaa, deenei tadinga di Longo Humalia dela ne hagadele labelaa ang gi digau mmade, ang gi ginaadou ala gu kae di hagi aga i di baahi gi tuaidina, be di hai o digau huogodoo ma ga hagi aga. Di Longo Humalia ne hagadele ang gi digaula bolo gi mouli digaula i di hagataalunga be di mouli a God dela e mouli ai.

Tangada madamada humalia nia wanga dehuia a God

Di hagaodi o nia mee huogodoo la gu hoohoo mai. Goodou gi madamada humalia i godou huaidina, gei gi kanakana, gi mee ai goodou di hai dalodalo. I mua nia mee huogodoo, gei goodou hagamahi gi hagadau aaloho, idimaa, di aloho le e dumaalia ang gi nia hagadilinga huaidu huogodoo. a  Hugee godou hale gi tangada nei mo tangada nei, hudee helekai huaidu. 10 Tangada nei mo tangada nei la gi hai be tangada madamada humalia nia wanga dehuia a God, gei gi haga hai hegau ina nia wanga dehuia ala ne kae koia i baahi o God, e hagahumalia digau ala i golo. 11 Digau ala e agoago, gi agoago i nia helekai a God. Digau ala e hai hegau, gi hai hegau gi nia mahi ala ne wanga go God gi digaula, gi hagaamuina God i nia mee huogodoo mai i Jesus Christ dela e hai mee gi nia madamada mo nia mahi, dolomeenei ga hana hua beelaa. Amen.

Hagaduadua be nia dama a Christ

12 Ogu ihoo hagaaloho, goodou hudee homouli gi nia hagadilinga haga mmaemmae ala e tale adu gi goodou ala e hagamada goodou, be nia hai haga goboina ala e hai adu gi goodou. 13 Gei goodou gi tene gi di godou hai mee gi di hagaduadua o Christ, gi mee goodou di honu i di tene i di madagoaa ono madamada ma ga modongoohia aga. 14 E maluagina go goodou, maa goodou ga hagahuaidu, idimaa goodou ala e daudali a Christ. Di mee deenei e haga modongoohia bolo di Hagataalunga madamada, di Hagataalunga o God, la gu i godou baahi. 15 Maa tangada i goodou ga hagaduadua, hagalee ne hagaduadua bolo mee tangada daaligi dangada, tangada gaiaa, tangada de hagalongo, be tangada e hagahuaidu nia moomee digau ala i golo. 16 Maa goodou ga hagaduadua idimaa goodou nia dama ni Christ, goodou hudee langaadia, gei goodou gi danggee hagaamuina a God i di godou haga ingoo gi di ingoo o Christ. 17 Di madagoaa di hagi aga gu dae mai, e daamada i nia dama a God i mua. Maa di hagi aga deenei ga daamada i gidaadou, malaa, ga haga lawa behee i baahi digau ala hagalee hagadonu di Longo Humalia dela mai baahi o God? 18 Di Beebaa Dabu e helekai,

“Ma e haingadaa huoloo ang gi digau humalia e hagamouli, malaa dehee di hai ang gi digau de hagadonu mo digau huaidu?” b 
19 Malaa, digau ala e hagaduadua idimaa deenei di manawa o God ang gi digaula, la gi dugua nadau mouli hagatau mai i nadau haihai humalia ang gi di God manawa dahi dela ne hai digaula.

Copyright information for `KPG