a1.2:Acts 16.1
b1.13:Acts 8.3, 9.4-5

1 Timothy 1

Mai baahi o Paul, tangada agoago hagau a Jesus Christ i tegau a God go tadau Hagamouli, mo Jesus Christ go tadau hagadagadagagee, ang gi Timothy, dagu dama daane donu mai di hagadonu.

God tadau Damana mo Jesus Christ tadau Dagi, gi dugua adu gi di goe tumaalia, di aloho, mo di noho i di aumaalia. a 

Hai baahi gi nia agoago tilikai

Au e hiihai bolo goe gi noho hua i Ephesus be agu helekai ala ne hai adu gi di goe i dogu hana gi Macedonia. Digau hai agoago tilikai i gono, gei goe e hai loo gi dugu digaula. Helekai gi digaula gi dugua nadau kai namua, mo di hihi looloo hagatau nia ingoo o digau namua, ala e hidi ai nia lagalagamaaloo, ge deai ono dahidamee gi di moomee a God ai, dela gu modongoohia mai i di hagadonu. Deenei tadinga o di agoago deenei: e haga tomo aga di aloho mai i lodo di manawa madammaa, mo di mamaanadu humalia, mo di hagadonu dela e donu. Hunu gau gu huli gi daha mo nia mee aanei, gu hagabooboo hua balumee. Digaula e hiihai e hai digau agoago o nnaganoho, gei e de iloo ginaadou be ma ni aha ala e helekai ai, mo nia mee ala e helekai maaloo ai ginaadou.

Gidaadou e iloo bolo nnaganoho la koia e humalia ma ga hai hegau ginai gi donu. Gidaadou e iloo bolo nia haganoho la hagalee ne hai ang gi digau humalia, ne hai gi digau dagadagahi nnaganoho ge e hai mee huaidu, ge hagalee mmaadagu i God, digau o di bouli, hagalee daumaha, digau ala e daaligi nadau damana mo nadau dinana gi mmade, mo digau daaligi dangada, 10 mo ang gi digau ala e manawa manu, di hiihai taane ang gi taane, digau gaiaa dangada, mo digau dilikai ge e hai nadau hagamodu dilikai, ge hai baahi gi nia agoago ala e donu. 11 Aanei nia agoago gu kila mai i lodo di Longo Humalia, dela ne dugu mai gi di au belee haga iloo, di Longo Humalia madamada mai i baahi o God dumaalia.

Di hagaamu tumaalia o God

12 Au e danggee ang gi Jesus Christ tadau Dagi, dela ne hagamaaloo au i lodo agu hegau. Au e danggee ang gi mee dela ne hai bolo ma ko au dela e humalia gi di gowaa, gei ne hilihili au belee hai ana hegau. 13 Mee gu haga balumee hua agu helekai huaidu nogo hai i mee i mua, nogo hagaduadua, nogo hagahuaidu a mee. Gei God gu dumaalia mai, idimaa, au nogo dogu hagadonu ai, gei e de iloo agu mee ala nogo hai. b  14 Gei tadau Dagi gu llingi ia dono dumaalia dee odi gi ogu nua, ga dugu mai di hagadonu mo di aloho, dela e hai mee ginai gidaadou i tadau buni ang gi Jesus Christ. 15 Aanei nnelekai e donu belee hagadonu go gidaadou, bolo Jesus Christ la ne haneia gi henuailala belee haga mouli digau huaidu. Ko au dela koia e huaidu i digaula huogodoo. 16 Gei God ne dumaalia mai gi di au belee hagi aga di manawa hagakono o Jesus i di au, gei au koia e huaidu i digau huaidu huogodoo, bolo au e hai tangada e daudali go digau dogologo ala ga hagadonu a Christ nomuli, ga kae di mouli dee odi. 17 God e dahi hua, di King dee odi dela hagalee made, ge de gidee. Nia madamada, mo di aamua gi heia ang gi mee, dolomeenei ga hana hua dee odi. E donu.

18 Timothy, dagu dama, au e dugu adu di agoago deenei e tau ang gi nia helekai kokohp ala gu hai i doo gili i mua. Nnelekai aanei la heia nia goloo dauwa ni oou gi heebagi goe hagahumalia. 19 Daahia doo hagadonu mo doo manawa madammaa, idimaa, hunu gau gu hagalee hai nia mee aanei, gu kili gi daha nadau hagadonu. 20 Hymenaeus mo Alexander nia daangada i digaula ala gu wanga ko au gi lala nia mogobuna o Satan belee aago meemaa gi dee helekai huaidu i God.

Copyright information for `KPG